1 Samuɛl 17:45 - EBƆRƐ BE KAWƆL

⁴⁵ Nɛ Deevid kaŋɛ mo le: “Fo ere ta tokobi nɛ kekpa nɛ chutre nna m ba nɛ fo ba kɔ ma, ama ma ere ba nna nɛ m ba kɔ fo ashi Enyɛnpetale nɛ e la Israɛl be benapo be Ebɔrɛ mo nɛ fee keni jiga na be ketre to.

1 Samuɛl 17:45 ပူးပေါင်းရင်းမြစ်များ

2 Kronikɛls 14:10

Nɛ ewura Asa nɛ mbe benapo lar n ya yili ŋ karga abar so n wora shiriya nɛ b tu mo ŋ kɔ kena ashi Zefata be ketaŋɛ nɛ k mata Marɛsha na ase.

2 Kronikɛls 32:8

Dimɛdi be eleŋ nɛ mo ere kɔ, ama anyi ere kɔ Enyɛnpe anyi be Ebɔrɛ na nna nɛ e bee kɔ anyi be ana a sa anyi. Ndoŋ nna nɛ basa na nya keleŋto ŋkpal kusɔ nɛ ewura kaŋɛ na so.”

Nshɛ 124:8

Anyi be kechɛto bee shi Enyɛnpe Ebɔrɛ nɛ e to esoso nɛ kasawule na kutɔ nna.

Nshɛ 18:2

Enyɛnpe Ebɔrɛ na e la ma kefalta gboŋ; Mo kutɔ nɛ mee nya kekuŋ nɛ kumɔlga. Ma Ebɔrɛ na e la kefaltagboŋ nɛ mee ŋana mo to. Mo e du fanɛ benapo be kusɔ kuŋso a kuŋ ma. Mo e naa kɔ a mɔlga ma nsaa sa ma eleŋ.

Nshɛ 20:8

Loŋ be basa na beeŋ fiti n tɔr, ama anyi ere baa yil nna kiŋkiŋ. Shɛŋ shɛŋ maa gbuŋgbuŋ anyi.

Nshɛ 3:8

Kekuŋ shi Enyɛnpe Ebɔrɛ kutɔ nna. Enyɛnpe nɛfa fo basa.

Nshɛ 44:6

M maŋ ta ma yirda n deŋi ma keta ŋko ma tokobi so, fanɛ amo e naŋ mɔlga ma ashi bedoŋ be enɔ to.

Aŋasa 18:10

Enyɛnpe Ebɔrɛ du fanɛ ketempreŋ kuŋso nna nɛ basa nɛ baa wora asheŋ niŋiso bee shile a yɔ mo kutɔ n ya kaa nya kekuŋ.

Aizaaya 37:23

Wanɛ nɛ fo daa fɛ fanɛ fee tege nsaa wora eyurto na? Ma, Israɛl be Ebɔrɛ cheembi na nɛ fo daa maa sa bunyaŋ na.

Aizaaya 37:28

Ama ma ere nyi kusɔ kama a laŋɛ fo kaplɛa so. N nyi kusɔ nɛ fee wora nɛ kakpa nɛ fee yɔ kikɛ. Ma alɛ naa nyi kananɛ fee nya agbo ga a wora ma.

2 Kɔrintebi 10:4

Asɔ nɛ an kɔ a kɔ na maŋ la durnya ere to be akɔsɔ. A la Ebɔrɛ be akɔsɔ lempoana nɛ b kɔ a jija asɔ lempoana na nna.

2 Kɔrintebi 3:5

Ama mannɛ fanɛ an gbagba ka kɔ eleŋ ko fanɛ an gbagba e wora kushuŋ na, Ebɔrɛ kutɔ nɛ anyi be eleŋ na bee shi.

Filipaiebi 4:13

Meeŋ tiŋ m bɔla Kristo nɛ e bee sa ma eleŋ na so n wora kusɔ kikɛ nyam.

1 Samuɛl 17:10

Menyi Israɛlebi be benapo fupo ere nɛ mee to emaŋ na. Men lara esa ko nɛ ma nɛ mo e kɔ abar!”

1 Samuɛl 17:26

Nɛ Deevid bishi benapo nɛ b yili n taga mo to na le: “Manɛ nɛ baaŋ sa esa kama nɛ e beeŋ mɔ Filisti be esa ere nseŋ lara Israɛl ashi le be anishinyɔr ere to? Kanyamase jiga ere malɛ e la wanɛ nɛ e bee keni Ebɔrɛ nɛ e wɔ ŋkpa to na be benapo jiga?”

1 Samuɛl 17:36

M mɔ ebuluŋ nɛ eshishiri kikɛ, amoso loŋ be ekpa koŋwule na so nɛ meeŋ bɔla so m mɔ Filisti be kanyamasenyɛn nɛ e bee keni Enyɛnpe Ebɔrɛ nɛ e wɔ ŋkpa to na be benapo jiga na.

1 Samuɛl 17:6

E daa kɔ danyaŋ be asɔ nɛ e bee ta a wɔtɔ a kuŋ mbe aya gba nna, nseŋ ta danyaŋ be tokobi a di mbe kaman.