1 Samuɛl 17:37 - EBƆRƐ BE KAWƆL

³⁷ Enyɛnpe Ebɔrɛ na ka baŋ mɔlga ma ashi ebuluŋ nɛ eshishiri to ere bre, e beeŋ mɔlga ma ashi Filisti be kanyɛn ere gba be enɔ to.” Nɛ Sɔɔl malɛ kaŋɛ mo le: “Enyɛnpe Ebɔrɛ na beeŋ chɛ fo to, amoso baa yɔ n ya kɔ mo.”

1 Samuɛl 17:37 ပူးပေါင်းရင်းမြစ်များ

2 Samuɛl 10:12

Baa kɔ eleŋ nseŋ naa leŋ fo kumu to kpakpa! Men shin nɛ an pere kenishi ŋ kɔ n sa anyi be basa nɛ Ebɔrɛ be nde, nseŋ shin nɛ Enyɛnpe Ebɔrɛ malɛ be aparsheŋ a wora!”

1 Kronikɛls 22:11

Kumo be kaman nɛ Deevid yɛ: “M pibinyɛn Sɔlɔmɔn, Enyɛnpe fo Ebɔrɛ na e baa wɔ fo kutɔ n shin nɛ kɔnɔ nɛ e nase fanɛ e beeŋ chɛ fo to nɛ fo pɔr bɔrɛlambu n sa mo na e bɔlɔ so.

1 Kronikɛls 22:16

nsaa tiŋ a ta shuwa nɛ gbiti nɛ danyaŋ nɛ kebɛlso a lɔŋɛ asɔ. K daga fanɛ men fara kushuŋ na naniere nɛ Enyɛnpe Ebɔrɛ na e chɛ menyi to.”

Nshɛ 11:1

Ŋkpal Enyɛnpe Ebɔrɛ na ka la ma ekumpo so, k maŋ la kesheŋ tirso fanɛ fo kaŋɛ ma fanɛ n firgi fanɛ kabuibi n yɔ kebeegboŋ so be kakpa nɛ meeŋ nya kekuŋ.

Nshɛ 118:6

Enyɛnpe Ebɔrɛ na ka wɔ ŋ kutɔ so, m maaŋ naa ŋana kufu. Manɛ nɛ dimɛdi beeŋ tiŋ n wora ma?

Nshɛ 138:3

Ŋ ka shu n tre fo, fo nu ma kekule nna nseŋ sa ma kenyɛn nɛ kagbene.

Nshɛ 63:7

Ŋkpal fo ka la ma echɛtopo so, meeŋ chena fo aba be kiyoyul to, m boŋ kagbenefuli be nshɛ.

Nshɛ 77:11

Enyɛnpe Ebɔrɛ, meeŋ baa nyiŋi fo asheŋgboŋ nɛ emamachisheŋ nɛ fo wora dra dra na be asheŋ.

Danɛl 3:17

Hale nɛ b ta anyi n lɛ edɛ to gba, anyi be Ebɔrɛ nɛ anyee shuŋ na beeŋ tiŋ m mɔlga anyi ashi amo to nɛ fo enɔ to.

Joshuwa 1:17

Kananɛ an baŋ nu n sa Mosis na, loŋ nɛ anyeeŋ nu n sa fo alɛ gba. Enyɛnpe Ebɔrɛ na e ba wɔ fo kaman fanɛ kananɛ e daa wɔ Mosis be kaman na.

Ruf be kawɔl 2:4

B wɔ ndɔ na to nna nɛ Bowas ya shir kaman n shi Bɛtlɛhɛm be kade to m ba chɔrɔ bumo ŋ kaŋɛ: “Ansaŋ ansaŋ nɛ kushuŋ!” Nɛ bumo alɛ shuli awɔrso ŋ kaŋɛ: “Awo enimu.”

1 Samuɛl 17:36

M mɔ ebuluŋ nɛ eshishiri kikɛ, amoso loŋ be ekpa koŋwule na so nɛ meeŋ bɔla so m mɔ Filisti be kanyamasenyɛn nɛ e bee keni Enyɛnpe Ebɔrɛ nɛ e wɔ ŋkpa to na be benapo jiga na.

1 Samuɛl 17:38

Ndoŋ nna nɛ Sɔɔl ta mbe kenyɛnkale n sa Deevid fanɛ e buu. E daŋ ta mbe danyaŋ be kekpaŋwuro gba nna n sa mo fanɛ e buu.

1 Samuɛl 20:13

Nɛ fanɛ e bee sha ketɔrɔ fo malɛ nna, meeŋ kaŋɛ fo nseŋ chɛ fo to nɛ fo shile ŋ ŋana mo so. Nɛ ma alɛ kaa maŋ wora loŋ, kumo ere Enyɛnpe Ebɔrɛ e gberge ma kusoe. Ma kabɔrɛkule e la fanɛ Enyɛnpe Ebɔrɛ e chɛ fo to fanɛ kananɛ e chɛ n tuto to na,

1 Samuɛl 24:19

Nɛ fo daa la ma doŋ nna kashenteŋto, dafanɛ fo daa maaŋ yige ma kemɔ. Enyɛnpe Ebɔrɛ e nɛfa fo ŋkpal kusɔ nɛ fo wora ma ere so.

1 Samuɛl 26:25

Nɛ Sɔɔl kaŋɛ Deevid le: “M pibinyɛn Deevid, Ebɔrɛ e nɛfa fo n shin nɛ fo baa kɔ a pɔɔ so ashi kusɔ kama nɛ fee wora to!” Ndoŋ nna nɛ Deevid pɛ mbe ekpa n choŋ nɛ Sɔɔl malɛ bɛta n yɔ epe.

1 Samuɛl 7:12

Ndoŋ nna nɛ Samuɛl ta kejembu n yuu Mizpa nɛ Shɛn be kefɛato nseŋ nase kumo be ketre Ebeneeza ŋ kaŋɛ le: “Enyɛnpe Ebɔrɛ na e chɛ anyi to m ba fo nfe.”