1 Samuɛl 17:34 - EBƆRƐ BE KAWƆL

³⁴ Nɛ Deevid kaŋɛ le: “Yiramu! Mee keni n tuto be mbolpɔ so nna. Saŋkama malɛ nɛ buluŋ ŋko shishiri baŋ pɛ mbolpɔ na be kekama,

1 Samuɛl 17:34 ပူးပေါင်းရင်းမြစ်များ

Jɛnesis 31:39

Ma alɛ maŋ naŋ ta kusɔbɔya jiŋka kama nɛ kupuŋ to be kusɔbɔya kama pɛ n ji ŋ ka m bar fo. Kekama gba nɛ k daŋ wu, ma e daŋ ta kumo be kukɔ. Fo alɛ be kusɔbɔya kama nɛ b daŋ yuri kapaso ŋko kanyɛso fo daa shin nna nɛ mee ka loŋ be kusɔbɔya na be kukɔ.

2 Samuɛl 17:8

Fo gbagba na nyi fo tuto Deevid nɛ mbe basa ka bee pere kenishi a kɔ kena ga, bumo alɛ nseŋ naŋ lubi a chɔ shishiri nɛ b mɔ kumo be mbia. Fo tuto nyi kena to nɛnɛ ga amoso e maaŋ tu mbe benapo n dese kakpa koŋwule kanyɛ ere.

2 Samuɛl 23:20

Jehowada pibinyɛn Bɛnaya nɛ e shi Kabziil na gba daa la enapo lempo ko nna: E daa kɔ kenyɛn ga hale n daŋ mɔ Mowabebi be benapo lempo anyɔ ko. Kachako gba e daŋ lar bɔrɛ nɛ abɔrɛjembubi to nna n ya gbelge kejamaŋ to m mɔ buluŋ.

1 Kronikɛls 11:22

Jehowada pibinyɛn Bɛnaya nɛ e shi Kabziil na daa la enapo lempo nna. E daŋ ji kenyɛn ekpa damta so ga hale m mɔ Mowab be benapo lempo anyɔ ko. Kachako nɛ e daŋ lar bɔrɛ nɛ abɔrɛjembubi to n ya gbelge kejamaŋ to m mɔ buluŋ.

Nshɛ 143:5

Mee nyiŋi asheŋ nɛ fo wora nfɛ damta nɛ a choŋ na kikɛ nna nsaa fɛ amo be asheŋ.

Ezikɛl 34:12

fanɛ kananɛ mbolpɔkpapoana bee keni bumo be mbolpɔ nɛ b daŋ pesaŋ to nɛ b naŋ ya bar bumo abar so na. Ma alɛ beeŋ bɛta bumo n shi mboŋ nɛ b pesaŋ to n yɔ kachɛ nɛ asheŋ daŋ maŋ nite nɛnɛ n sa bumo na kikɛ m ba.

Eemɔs 3:12

Enyɛnpe Ebɔrɛ yɛ: “Kananɛ buluŋ bee ji kubolpɔ nɛ mbolpɔkpapo e ya sɔ kumo be aya anyɔ nɛ kusoe n ya ŋini kubolpɔwura na, aloŋ nɛ baaŋ mɔlga Samɛriaebi nɛ b dese kedamaya be asɔ deseso so ere be basa gbrɛbi nɛ b nya kumɔlga na.”

Zakareya 11:16

Ŋkpal manɛ so n lara mbolpɔkpapo ko fanɛ e ba kaa keni ma mbolpɔ so, ama mo shɛŋ maaŋ baa wɔ bumo nɛ baaŋ foe na to ŋko nɛ e nite n fin bewurbi na ŋko n chɛ bumo nɛ baa lɔ na ŋko ŋ kpa bumo nɛ b kɔ alenfia na n yɔ keji to. Ama bedanso na nɛ e beeŋ baa mɔ a we a ka awibi.

Zakareya 9:7

Filistiebi na maaŋ naa we eblaŋ nɛ a kraa kɔ ŋklaŋ amo to ŋko a ji ajibi nɛ baa kishi. Bekama nɛ baaŋ ji efute na beeŋ ki ma basa a du fanɛ Juda be yiri to be kabuna ko be basa. Ekrɔnebi malɛ beeŋ ki ma basa fanɛ kananɛ Jebusiebi ki na.

Luuk 2:8

Mbolpɔkpapoana ko daa wɔ efuli na so kiyi to be kakpa ko a keni bumo be mbolpɔ kanyɛso.

Baru lela nɛ Jɔn kute na 10:11

Ma e la mbolpɔkpapo lela na, mbolpɔkpapo lela na bee shin nɛ baa lara mbe ŋkpa ashi mo to nna a sa mbolpɔ na.

Romebi 5:4

nɛ kumo alɛ bee sa esa da lela, nɛ da lela malɛ bee sa esa tama.

Hibruwebi 11:33

Ŋkpal yirda so b daŋ kɔ efuliana ko ebi nna kena m pɔɔ bumo so n wora asheŋ nɛ a daga nseŋ nya kusɔ nɛ Ebɔrɛ daŋ nase kɔnɔ fanɛ e beeŋ sa na. B daŋ tiŋ n ti ebuluŋana be nnɔ nseŋ daŋ tiŋ n duŋ edɛgboŋana nseŋ daŋ tiŋ ŋ gelge etokobi be keta m mɔ bumo.

Kelaraŋŋini 13:2

Kusɔbɔya mo nɛ n daŋ wu na daa du fanɛ karmɛ nna nɛ mbe aya malɛ daa du fanɛ shishiri be aya nɛ mbe kɔnɔ malɛ daa du fanɛ buluŋ be kɔnɔ. Kusɔ gbeyeso na daŋ sa kusɔbɔya na mo gbagba be eleŋ nɛ mbe kuwurputi nɛ eleŋ damta nna.

Demujipoana 14:6

Ama Enyɛnpe Ebɔrɛ na be Kiyoyu gbelge m ba Samsɔn so nɛ e nya eleŋ n ta mbe enɔana m pɛ buluŋ na m gberge to n tuge to fanɛ k ka la kaboebi na. Mo alɛ daŋ maŋ kaŋɛ mo nio ŋko mo tuto kusɔ nɛ e wora na be asheŋ.

1 Samuɛl 17:15

nsaa wɔ Sɔɔl pe a bɛta a yɔ Bɛtlɛhɛm saŋko saŋko n ya ka kpa mo tuto be mbolpɔ.

1 Samuɛl 17:33

Nɛ Sɔɔl kaŋɛ le: “M-m, fo maaŋ tiŋ n tu kanyɛn ere ŋ kɔ kikɛ, ŋkpal manɛ so kabrantiɛbia e kraa la fo, ama kanyɛn ere bre be kebia to kikɛ nɛ e kɔ kena hale m ba fo kabre!”

1 Samuɛl 17:35

mee shile nna m bɛ kumo so n ya sɔ kubolpɔ na. Nɛ buluŋ na ŋko shishiri na baŋ kilgi n tu ma, mee pɛ kumo be kubɔ to nna n nyaŋ kumo m mɔ.