1 Samuɛl 17:12 - EBƆRƐ BE KAWƆL

¹² Deevid mo tuto e daa la Jɛsi nɛ e la Efrat be kanaŋ to be esa nsaa shi Bɛtlɛhɛm nɛ k wɔ Juda be efuliso na. Jɛsi daa kɔ mbia aburwa nna, ama saŋɛ nɛ Sɔɔl daa la ewura na nɛ e teŋ bel ga.

1 Samuɛl 17:12 ပူးပေါင်းရင်းမြစ်များ

Jɛnesis 35:19

Reechel ka wu nɛ b puli mo ashi Efraf be ekpa to. Ndoŋ koŋwule na e la Bɛtlɛhɛm na.

2 Samuɛl 23:1

Ebɔrɛ nɛ e la Jeekɔb be Ebɔrɛ na e daŋ lara Jese pibinyɛn Deevid nɛ e ki esagboŋ nɛ ewura. Deevid malɛ e daa la esa nɛ e boŋ nshɛ nɛ a wɔ ebel ga ashi Israɛl to. Deevid be lalaloge be mmalga nɛ e daŋ malga nde.

Nshɛ 132:6

Jemanɛ nɛ an daa wɔ Bɛtlɛhɛm na, nɛ an nu fanɛ Enyɛnpe Ebɔrɛ na be ŋkre be deka na daa wɔ kakpa ko nɛ k mata kakpa nɛ baa tre Jearim na.

Maika 5:2

Ama Enyɛnpe Ebɔrɛ na yɛ: “Bɛtlɛhɛm Efrata, fo la Juda be efuli so be ndewurbiana na be kuko nna, ama fo to nɛ meeŋ lara esa nɛ e beeŋ ba ji Israɛl be efuli so be kuwura. Dra dra na kikɛ nɛ mbe kanaŋ jɔŋɛ.”

Matiu 1:6

Jɛsi pibi e daa la Ewura Deevid. Ewura Deevid e daŋ ta Yuraya be eche ŋ kurge Sɔlɔmɔn.

Matiu 2:1

Bɛtlɛhɛm nɛ k wɔ Judiya be kasawule so na to nɛ b daŋ kurge Yesu, saŋɛ nɛ Ewura Hɛrɔd daa ji ndoŋ be kuwura na. B ka kurge Yesu k maŋ chɛr ko nɛ basa ko nɛ b daa koya achɛkpabi be asheŋ na shi epeŋilarkpa m ba Jerusalɛm m ba bishi:

Matiu 2:6

‘Fo Bɛtlɛhɛm nɛ fo wɔ Judiya so na, fo maŋ la Juda be kasawule so be bewuraana be ebibiso kuraa, ŋkpal manɛ so, fo to nɛ ejuŋkparpo beeŋ lar n juŋkpar ma basa Israɛlebi.’ ”

Ruf be kawɔl 1:2

Kanyɛn na be ketre e daa la Elimelɛk nɛ mbe eche malɛ daa la Nawomi. Bumo be mbinyɛnbi anyɔ na malɛ be eko be ketre daa la Maalon nɛ enyɔsopo malɛ daa la Chilion. B daŋ shi Efrat be kanaŋ to nna ashi Bɛtlɛhɛm nɛ k wɔ Juda be efuli so na, n yɔ Mowab n ya kaa wɔtɔ.

Ruf be kawɔl 4:17

Ndoŋ nna nɛ kade na to be beche kaŋɛ: “Nawomi nya ebinyɛn.” Kumo be kaman nɛ e nase kebia na Obɛd. Loŋ be Obɛd na e daŋ ba koso ŋ kurge Jɛsi nɛ mo alɛ koso ŋ kurge ewura Deevid na.

Ruf be kawɔl 4:22

Obɛd malɛ kurge Jɛsi nɛ Jɛsi malɛ kurge ewura Deevid.

1 Samuɛl 1:1

Kanyɛn ko e daa wɔ Raama ashi Efrayim be efuli so be kakpa nɛ abee wɔ na nɛ baa tre mo Ɛlkana. Ɛlkana mo tuto e daa la Jeroham nɛ mo nananyɛn malɛ daa la Elihu nɛ Elihu malɛ mo tuto daa la Tohu nɛ Tohu malɛ mo tuto daa la Zuuf.

1 Samuɛl 16:1

Nɛ Enyɛnpe Ebɔrɛ kaŋɛ Samuɛl le: “Nchɛ afanɛ nɛ fo shin nɛ fo chena kagbenejijaso a fɛ Sɔɔl be asheŋ? M maŋ naŋ shuli fanɛ e baa la Israɛl be ewura, amoso ta ɔlif be ŋku n yɔ kanyɛn nɛ baa tre Jɛsi nɛ e wɔ Bɛtlɛhɛm na pe. N lara mbe mbia na be eko nɛ e ki Israɛl be ewura.”

1 Samuɛl 16:18

Nɛ mbe nyɛrbi na be eko kaŋɛ: “Kanyɛn ko nɛ baa tre Jɛsi nɛ e wɔ Bɛtlɛhɛm na be kebia nyi jaŋjilaŋ be kelaŋ ga. E la enapo mo nɛ e kɔ kenyɛn nna ga nsaa walɛ kayɛrbi ga nɛ mbe mmalga gba wɔ ebel nɛ Enyɛnpe Ebɔrɛ na wɔ mo kutɔ.”

1 Samuɛl 17:11

Sɔɔl nɛ mbe basa ka nu kusɔ nɛ Goliɛf kaŋɛ na, nɛ kufu pɛ bumo ga nɛ bumo be aba pɔ bumo.

1 Samuɛl 17:58

Ndoŋ nna nɛ Sɔɔl bishi mo le: “Wanɛ pibinyɛn e la fo?” Nɛ Deevid yɛ: “Fo kayɛrbi Jɛsi nɛ e shi Bɛtlɛhɛm na pibinyɛn e la ma.”