1 Samuɛl 17:11 - EBƆRƐ BE KAWƆL

¹¹ Sɔɔl nɛ mbe basa ka nu kusɔ nɛ Goliɛf kaŋɛ na, nɛ kufu pɛ bumo ga nɛ bumo be aba pɔ bumo.

1 Samuɛl 17:11 ပူးပေါင်းရင်းမြစ်များ

Nshɛ 118:6

Enyɛnpe Ebɔrɛ na ka wɔ ŋ kutɔ so, m maaŋ naa ŋana kufu. Manɛ nɛ dimɛdi beeŋ tiŋ n wora ma?

Nshɛ 27:1

Enyɛnpe Ebɔrɛ na e la ma kefulto, mo alɛ e naa mɔlga ma; amoso maaŋ ŋana esa kikɛ. Enyɛnpe Ebɔrɛ na du fanɛ ekuŋkpagboŋ nna a kuŋ ma; amoso maa lɔ kufu.

Aŋasa 28:1

Basa lubi bee shile nna nsaa gbɛ a keni fanɛ esa ko ka bee ju bumo na, ama basa nɛ baa wora asheŋ niŋiso bre bee nite kenyɛnso nna fanɛ buluŋ na.

Aizaaya 57:11

Ade be kaman nɛ Enyɛnpe Ebɔrɛ na bishi le: “Nuso be agbir e shin nɛ kufu pɛ menyi, nɛ men kpal amo so a ku efɛ nseŋ teŋ ma so kuraa loŋ? Ŋkpal ŋ ka wora shruum n chɛr so nɛ men yige kebaabunyaŋ ma ere a?

Ditɛronɔmi 31:8

Enyɛnpe Ebɔrɛ na gbagba beeŋ baa wɔ fo kutɔ a juŋkpar fo. Mo alɛ maaŋ lar fo kaman ŋko ŋ kplaŋ fo so kikɛ; amoso sa maa pɔ aba ŋko a lɔ kufu.”

Joshuwa 1:9

Nyiŋi fanɛ n teŋ kaŋɛ fo fanɛ fo baa leŋ fo kumu to nsaa kɔ kagbene. Sa maŋ shin nɛ kufu e pɛ fo nɛ fo pɔ aba, ŋkpal manɛ so, kaplɛkama nɛ fo wɔ, ma, Enyɛnpe fo Ebɔrɛ na wɔ fo kaman.”

1 Samuɛl 13:7

nɛ beko malɛ dii Jɔɔdan be Lɔr na n yɔ Gad nɛ Giliad be efuliana so. Sɔɔl bre daa wɔ Gilgaal nna, nɛ benapo nɛ mo nɛ bumo daa wɔ ndoŋ na daa chicha kufuso.

1 Samuɛl 17:10

Menyi Israɛlebi be benapo fupo ere nɛ mee to emaŋ na. Men lara esa ko nɛ ma nɛ mo e kɔ abar!”

1 Samuɛl 17:12

Deevid mo tuto e daa la Jɛsi nɛ e la Efrat be kanaŋ to be esa nsaa shi Bɛtlɛhɛm nɛ k wɔ Juda be efuliso na. Jɛsi daa kɔ mbia aburwa nna, ama saŋɛ nɛ Sɔɔl daa la ewura na nɛ e teŋ bel ga.

1 Samuɛl 21:13

Ŋkpal loŋ so saŋkama nɛ basa baa wɔ mo kutɔ Deevid bee wora fanɛ eboŋ ka dii mo nna. B baŋ yɔ nɛ b ya pɛ mo malɛ e bee yɔ nna n ya ka chaŋ a chaŋ kade na be kabuna to be kukuloŋ gboŋ na so nsaa shin nɛ echɔl bee juye a wurge mbe katɔl so.

1 Samuɛl 7:7

Filistiebi na ka nu fanɛ Israɛlebi na shɛr Mizpa nɛ bumo be bewura nɛ benapo yɔ nɛ b ya kɔ Israɛlebi na. Israɛlebi na ka nu loŋ, nɛ kufu pɛ bumo.