1 Samuɛl 16:5 - EBƆRƐ BE KAWƆL

⁵ Nɛ Samuɛl yɛ: “Mm. M ba nna nɛ m ba lara sarga n sa Enyɛnpe Ebɔrɛ, amoso men lara alubi ashi men be ŋgbene to pɔɛŋ nseŋ ba ŋ kutɔ.” Kumo be kaman nɛ e kaŋɛ Jɛsi nɛ mbe mbia fanɛ b lara kulubi ashi bumo be ŋgbene to pɔɛŋ nseŋ ba kakpa nɛ baa lara sarga na.

1 Samuɛl 16:5 ပူးပေါင်းရင်းမြစ်များ

Jɛnesis 35:2

Jeekɔb ka nu loŋ nɛ e kaŋɛ mbe laŋ to ebi nɛ bumo nɛ b daa wɔ mo kutɔ na kikɛ le: “Men lara agbirana ere kikɛ ashi menyi to n fɔr menyi be amu ashi eyurpi kama to n chɛrga menyi be asɔbuuso

1 Bewura 2:13

Kachɛ nɛ Adonija yɔ Sɔlɔmɔn mo nio Bɛshiba kutɔ, nɛ Bɛshiba bishi mo le: “A wɔ ebel nna nɛ fo ba nɛ fo ba bɔ ma so a?” Nɛ Adonija kaŋɛ: “Mm a wɔ ebel nna.

1 Kronikɛls 12:18

Ebɔrɛ be kiyoyu daŋ gbelge Amasai nɛ e la bumo be eko nseŋ ba ki benapo adesa na be enimu na so nna, nɛ e kaŋɛ: “Jɛsi pibinyɛn Deevid, an la feya nna! Fo nɛ fo basa beeŋ ba kɔ a pɔso saŋkama! Ŋkpal manɛ so Ebɔrɛ wɔ fo kaman.” Nɛ Deevid sɔ bumo nɛnɛ nseŋ ta bumo ŋ ki mbe benapo nɛ baa ta kena a purgi basa na be benimu.

Job be kawɔl 1:5

Mbia na baŋ ji kejigboŋ ŋklade kachipurso kikɛ, Job beeŋ shuŋi n tre bumo m ba lara esarga chɔɔso n sa Ebɔrɛ ŋ kule alubi be ketampaŋ n sa mbia na, a fɛ fanɛ ashere b kaa bee ji nsaa nuu na b wora kulubi ko n da Ebɔrɛ so nɛ b maŋ nyi.

Ɛksodɔs 19:10

Nɛ Enyɛnpe Ebɔrɛ kaŋɛ Mosis: “Bɛta n yɔ basa na kutɔ n ya kaŋɛ bumo nɛ b ta kabre nɛ echefo n lara alubi ashi bumo be ŋgbene to nseŋ ki cheembi. K daga fanɛ b fɔr bumo be asɔbuuso gba

Jowɛl 2:16

Men gbargbar abar m ba shɛr kecheembiya be ekpa so. Men shin nɛ basa nɛ b bel kikɛ e ba loŋ be nshɛr na to. Men shin nɛ mbiwurbi nɛ mbi popɔrbi gba e ba. Bumo nɛ b ta abar kepopɔr to gba daga fanɛ b lar bumo be ebuana to m ba.

Zefanaiya 1:7

Men wora shruum ashi Enyɛnpetale Ebɔrɛ na be anishito, ŋkpal manɛ so, mbe demujiachɛ na taga to. E bela ase nɛ e ta mbe basa n lara sarga nseŋ kela n tre bedoŋ fanɛ b ba kɔ Juda kena n suge bumo be asɔ eleŋ so.

Nɔmbɛs 11:8

Kanyɛso nɛ a daa tɔr fanɛ bunyaŋ na nɛ b muu amo kachipurso nseŋ wuse amo nɛ a ki nyifu nɛ b daŋɛ amo ŋko n ta amo n wora ekrakashi. Amo alɛ wɔ ebel nna fanɛ bodobodo nɛ b ta ɔlif be ŋku n wora na.

1 Kɔrintebi 11:28

Amoso, a daga fanɛ esa e keni mbe kumu so nɛnɛ pɔɛŋ nseŋ we Enyɛnpe be bodobodo na nseŋ nuu asɔnuuso na ashi kawiebi na to.

Joshuwa 3:5

Kede be kaman nɛ Joshuwa kaŋɛ basa na le: “Men lara kulubi kikɛ ashi men be ŋgbene to nsaa du cheembi saŋkama ŋkpal manɛ so Enyɛnpe Ebɔrɛ na beeŋ ba menyi kutɔ echefo m ba wora emamachisheŋ.”

Joshuwa 7:13

Kaŋɛ fo basa na fanɛ b lara alubi ashi bumo be ŋgbene to ŋ ki cheembi, saŋɛ na so, ma nɛ bumo beeŋ tiŋ n shɛr echefo, ŋkpal manɛ so, ma, Enyɛnpe Israɛl be Ebɔrɛ na kɔ le nɛ ŋ kaŋɛ: ‘Menyi Israɛlebi ka kɔ asɔ nɛ a maŋ daga men ka ta ŋ ki menyi peya so na so nɛ men doŋana pɔɔ menyi so na. Men maaŋ tiŋ n tu men doŋana ŋ kɔ, ama men baŋ lara amo efuli nna m mur amo!’

1 Samuɛl 20:26

Kumo be kamɔnchɛ na Sɔɔl daa maŋ kaŋɛ shɛŋ ŋkpal manɛ so e daa fɛ nna fanɛ, ashere Deevid wora n da daŋkare be ekishi ko so nna so nɛ e maŋ tiŋ n wea bumo to.