1 Samuɛl 16:2 - EBƆRƐ BE KAWƆL

² Nɛ Samuɛl kaŋɛ le: “M baŋ wora loŋ nɛ Sɔɔl nu, e beeŋ mɔ ma!” Nɛ Enyɛnpe Ebɔrɛ kaŋɛ mo: “Ta kenabi a yɔ n ya kaŋɛ fanɛ fo ba nna nɛ fo ba lara sarga n sa Enyɛnpe Ebɔrɛ.

1 Samuɛl 16:2 ပူးပေါင်းရင်းမြစ်များ

Ɛksodɔs 3:11

Ndoŋ nna nɛ Mosis kaŋɛ Ebɔrɛ le: “Ma alɛ e la wanɛ nɛ n tiŋ n yɔ Ijipt be ewura Fɛɛro be anishito, hale n ya lara Israɛlebi na ashi Ijipt be efuli so!”

Matiu 10:16

Kede be kaman nɛ e naŋ kaŋɛ: “Kashenteŋto, mee shuŋi menyi nna nɛ menyi nɛ durnya ere to ebi e ya kaa wɔtɔ fanɛ mbolpɔ kaa wɔ ekuntuŋ to na. Men baa nyi asheŋ, a de men be amu so fanɛ awɔ nsaa du boeŋ fanɛ ali.

Luuk 1:34

Nɛ Mɛɛri bishi malaika na: “M maŋ nyi enyɛn nɛ nuso nɛ le be kusɔ beeŋ tiŋ n wora?”

1 Samuɛl 16:3

Fo kaŋ baa lara sarga na fo tre Jɛsi nɛ e ba ndoŋ nɛ ŋ ŋini fo kusɔ nɛ feeŋ wora. Meeŋ ŋini fo esa nɛ feeŋ chulgi ŋku na n do mbe kumu so n lara ŋ ki ewura na.”

1 Samuɛl 20:29

E yɛ, ‘Jande, shin nɛ n yɔ Bɛtlɛhɛm, ŋkpal manɛ so ma kanaŋ bee lara sarga nna kabre, amoso nɛ mee sha fanɛ ma alɛ gba e ba wɔ ndoŋ. Nɛ fanɛ n la fo teri gbagba nna bre, kumo ere fo sa ma ekpa nɛ n ya wu ŋ kurgepoana.’ Amoso nɛ e maŋ wɔ fo ejikpa nfe na.”

1 Samuɛl 9:12

Nɛ b yɛ: “Mm, e wɔ kade to kabre ŋkpal manɛ so, baa sha kelara sarga ashi kebee nɛ k mata nfe ere so kabre nna. Mo e wɔ menyi be anishito a yɔ na, amoso men wora manaŋ.