1 Samuɛl 16:18 - EBƆRƐ BE KAWƆL

¹⁸ Nɛ mbe nyɛrbi na be eko kaŋɛ: “Kanyɛn ko nɛ baa tre Jɛsi nɛ e wɔ Bɛtlɛhɛm na be kebia nyi jaŋjilaŋ be kelaŋ ga. E la enapo mo nɛ e kɔ kenyɛn nna ga nsaa walɛ kayɛrbi ga nɛ mbe mmalga gba wɔ ebel nɛ Enyɛnpe Ebɔrɛ na wɔ mo kutɔ.”

1 Samuɛl 16:18 ပူးပေါင်းရင်းမြစ်များ

Jɛnesis 39:2

Enyɛnpe na daa wɔ Josɛf kutɔ nna a nɛfa mo ashi kusɔ kama nɛ e bee wora ashi mo nyɛnpe Ijiptnyɛn na be laŋ to.

Jɛnesis 39:23

Kabutikenipo na be lakal daa maŋ naa deŋ kusɔ kama nɛ Josɛf daa wora so, ŋkpal manɛ so, Enyɛnpe na daa wɔ mo kutɔ nna a nɛfa kusɔ kama nɛ k daa wɔ mbe enɔ to nɛ k bee wora nɛnɛ.

2 Samuɛl 14:20

Ama e wora loŋ nna nɛ e lɔŋɛ asheŋ ere kikɛ. Yiramu, fo nyi asheŋ nna fanɛ Ebɔrɛ be kabɔ. Fo nyi kusɔ kama malɛ nɛ k bee wora kikɛ.”

2 Samuɛl 17:10

nɛ benapo kama nɛ b kɔ kenyɛn fanɛ ebuluŋ gba e fara a lɔ kufu, ŋkpal manɛ so Israɛl ebi kikɛ nyi fo tuto ka la enapogboŋ nɛ mbe basa malɛ bee kɔ kena ga.

2 Samuɛl 17:8

Fo gbagba na nyi fo tuto Deevid nɛ mbe basa ka bee pere kenishi a kɔ kena ga, bumo alɛ nseŋ naŋ lubi a chɔ shishiri nɛ b mɔ kumo be mbia. Fo tuto nyi kena to nɛnɛ ga amoso e maaŋ tu mbe benapo n dese kakpa koŋwule kanyɛ ere.

Aŋasa 12:8

Esa be kanyiasheŋ e naa sa mo kechɔrɔ, nɛ kawulisheŋ malɛ bee shin nɛ baa keni esa jiga.

Matiu 1:23

E yɛ: “Kasuŋgurbia nɛ e maŋ nyi enyɛn beeŋ di kedampo ŋ kurge ebinyɛn nɛ b nase mo ketre Emanuɛl. Kumo be kifito e la fanɛ Ebɔrɛ wɔ anyi kutɔ.”

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”

1 Samuɛl 10:7

Le be etɔɔnɛsheŋ ere baŋ wora m bɔlɔ so, kumo ere fo wora kusɔ kama nɛ fee fɛ fanɛ k walɛ, ŋkpal manɛ so, Ebɔrɛ beeŋ baa juŋkpar fo.

1 Samuɛl 16:12

Nɛ Jɛsi shuŋi nɛ b ya tre Deevid m ba. E daŋ baŋ yili enyɛn nna a walɛ kayɛrbi ga nsaa kɔ eleŋ. Kebia na ka ba nɛ Enyɛnpe Ebɔrɛ kaŋɛ Samuɛl le: “Mo gbagba nna na. Ta ŋku n do mbe kumu so n lara mo nɛ e ki ewura.”

1 Samuɛl 16:17

Ndoŋ nna nɛ Sɔɔl kaŋɛ bumo le: “Men fin esa nɛ e nyi jaŋjilaŋ be kelaŋ nɛnɛ m bar ma.”

1 Samuɛl 16:19

Ndoŋ nna nɛ Sɔɔl shuŋi mbɔ fanɛ b ya kaŋɛ Jɛsi le: “Kaŋɛ fo pibinyɛn Deevid nɛ e bee kpa mbolpɔ na fanɛ e ba ŋ kutɔ.”

1 Samuɛl 17:12

Deevid mo tuto e daa la Jɛsi nɛ e la Efrat be kanaŋ to be esa nsaa shi Bɛtlɛhɛm nɛ k wɔ Juda be efuliso na. Jɛsi daa kɔ mbia aburwa nna, ama saŋɛ nɛ Sɔɔl daa la ewura na nɛ e teŋ bel ga.

1 Samuɛl 3:19

Samuɛl ka bee daŋ na kikɛ nɛ Enyɛnpe Ebɔrɛ daa wɔ mo kutɔ nseŋ shin nɛ asɔ nɛ e kaŋɛ na malɛ be kekama bɔlɔ so.