1 Samuɛl 16:16 - EBƆRƐ BE KAWƆL

¹⁶ Amoso, sa anyi ekpa nɛ an ya fin esa nɛ e nyi jaŋjilaŋ be kelaŋ, saŋɛ na so saŋkama nɛ kiyoyu lubi na baŋ ba fo so, esa na beeŋ laŋ mbe jaŋjilaŋ nɛ fo eyur e wushi fo.”

1 Samuɛl 16:16 ပူးပေါင်းရင်းမြစ်များ

Jɛnesis 41:46

Josɛf daa la nfɛ adesa nna pɔɛŋ nseŋ luri ewura Fɛɛro be kushuŋ na to ashi Ijipt be kasawule so.

1 Bewura 10:8

Basa nɛ baa shuŋ fo nsaa wɔ fo kutɔ saŋkikɛ a nu fo kanyiasheŋ be mmalga na, nu ebel pasaa!

2 Bewura 3:15

Ama men fin eshɛbompo nɛ e bee laŋ jaŋjilaŋ m bar ma naniere.” Eshɛbompo na ka fara a laŋ mbe jaŋjilaŋ na, nɛ Enyɛnpe Ebɔrɛ ta kubɔya ere n sa Elaisha fanɛ e sa ewura Joram.

1 Samuɛl 10:5

Kumo be kaman nɛ fo yɔ Gibia, kakpa nɛ Filistiebi be benapo be keeyi to wɔ na. Fo baa luri kade na to, feeŋ tu anebiana be katuŋ ko nɛ b bɛ abar so n shi kakpa nɛ baa bunyaŋ Ebɔrɛ na a gbelge to a ba nɛ b juŋkpar bumo a laŋ ejaŋjilaŋ nɛ ŋkure nɛ egoji nsaa foŋ nlopi nɛ bumo alɛ bee wu asheŋ a kaŋɛ.

1 Samuɛl 16:14

Nɛ Enyɛnpe Ebɔrɛ be kiyoyu lar Sɔɔl to, nɛ kiyoyu lubi ba luri mo to a tɔrɔ mo ga.

1 Samuɛl 16:15

Nɛ Sɔɔl be nyɛrbi kaŋɛ mo le: “An baa nyi fanɛ Ebɔrɛ e sa ekpa nɛ kiyoyu lubi ere bee tɔrɔ fo ga le na.

1 Samuɛl 16:17

Ndoŋ nna nɛ Sɔɔl kaŋɛ bumo le: “Men fin esa nɛ e nyi jaŋjilaŋ be kelaŋ nɛnɛ m bar ma.”

1 Samuɛl 18:10

Kumo be ŋklade nɛ Ebɔrɛ sa ekpa nɛ kiyoyu lubi ko ba luri Sɔɔl to eleŋso nɛ e fara a wora fanɛ ebompo ashi mbe laŋ to. Nɛ Deevid ba kaa laŋ jaŋjilaŋ a sa mo fanɛ kananɛ e chɛr a wora karechɛ kama na. Loŋ be saŋɛ na so nɛ Sɔɔl kɔ kekpa to.

1 Samuɛl 19:9

Kachako nɛ Sɔɔl tase mbe ebu to ŋ keta mbe kekpa nɛ Deevid malɛ wɔ mo kutɔ a laŋ mbe jaŋjilaŋ nɛ Enyɛnpe Ebɔrɛ sa ekpa nɛ kiyoyu lubi luri Sɔɔl to.