1 Samuɛl 16:12 - EBƆRƐ BE KAWƆL

¹² Nɛ Jɛsi shuŋi nɛ b ya tre Deevid m ba. E daŋ baŋ yili enyɛn nna a walɛ kayɛrbi ga nsaa kɔ eleŋ. Kebia na ka ba nɛ Enyɛnpe Ebɔrɛ kaŋɛ Samuɛl le: “Mo gbagba nna na. Ta ŋku n do mbe kumu so n lara mo nɛ e ki ewura.”

1 Samuɛl 16:12 ပူးပေါင်းရင်းမြစ်များ

Jɛnesis 39:6

Josɛf ka daŋ baa juŋkpar kusɔ kama ashi mbe laŋ to so, Potifa daŋ maŋ naa fɔŋ shɛŋ so ama ajibi nɛ e beeŋ ji nawule. Josɛf malɛ daŋ pɔr nɛnɛ nna a walɛ kayɛrbi.

2 Samuɛl 23:1

Ebɔrɛ nɛ e la Jeekɔb be Ebɔrɛ na e daŋ lara Jese pibinyɛn Deevid nɛ e ki esagboŋ nɛ ewura. Deevid malɛ e daa la esa nɛ e boŋ nshɛ nɛ a wɔ ebel ga ashi Israɛl to. Deevid be lalaloge be mmalga nɛ e daŋ malga nde.

2 Samuɛl 7:8

Amoso kaŋɛ ma kayɛrbi Deevid fanɛ ma Enyɛnpetale Ebɔrɛ na e naa kaŋɛ mo ere, Deevid fanɛ n lara fo ashi mbolpɔkpapo be kushuŋ to nna nseŋ ta fo ŋ ki ma basa Israɛlebi be ejuŋkparpo.

1 Bewura 1:34

nɛ bɔrɛmatapo Zadɔk nɛ anebi Neetan e ya chulgi ŋku n do mbe kumu so m buu mo Israɛl be kuwura. Kumo be kaman nɛ men shin nɛ b foŋ kabel n shin nɛ ekama e cha awɔrso ŋ kaŋɛ le: ‘Ebɔrɛ e sa ewura Sɔlɔmɔn ŋkpa tenteŋ!’

Nshɛ 2:2

Nɛ manɛ nna nɛ amo be bewura nɛ bejuŋkparpoana bee wora kɔnɔ a kini kenu n sa Enyɛnpe Ebɔrɛ nɛ mbe esa lara so na?

Nshɛ 2:6

“M buu ma ewura nna n chena Zayɔn nɛ k la ma kebee cheembi na so ashi Jerusalɛm to.”

Nshɛ 78:70

Ewura Deevid nɛ e daa kpa mbolpɔ na nɛ e daŋ lara fanɛ mbe kayɛrbi.

Ɛksodɔs 2:2

nɛ kache na di kedampo ŋ kurge ebinyɛn. E ka wu kananɛ kebia na daa walɛ keyɛrbi na nɛ e ta mo ŋ ŋana afɔl asa.

Sɔlɔmɔn 5:10

N jipo walɛ keyɛrbi nna, nsaa kɔ eleŋ nɛnɛ. E wɔ basa ŋgboŋ kudu gba to feeŋ wu mo.

Nfabel 4:7

Anyi be benimuana be ŋgbene daŋ fuli nna parr fanɛ ateebi; b daŋ maŋ kɔ saŋgre kikɛ bumo to. Bumo alɛ daa kɔ eyur be alenfia, a walɛ eyurto nɛnɛ nsaa kɔ kuwibi to be eleŋ ga, a walɛ eyur so nna.

Zakareya 4:14

Ndoŋ nna nɛ e kaŋɛ: “A yili nna n sa basa anyɔ na nɛ Enyɛnpe Ebɔrɛ na shin nɛ b duga ŋku n do bumo be amu so nseŋ lara bumo n yili fanɛ b baa shuŋ mo ere Ebɔrɛ nɛ e la durnya kikɛ be Enyɛnpe na.”

Ashuŋ Shunso 4:27

Kumo alɛ kashenteŋ nna, ŋkpal manɛ so, Hɛrɔd nɛ Pɔnshes Pailat nɛ nnyamase nɛ Israɛlebi daŋ shɛr kadegboŋ ere to ŋ kre Yesu nɛ e la fo Ebɔrɛ be Kenya cheembi nseŋ naa la emo nɛ fo lara fanɛ e baa la Kristo na be nia.

Ashuŋ Shunso 7:20

Amo be jemanɛ nɛ b kurge kayɛrbi Mosis ŋ keni mo so epe afɔl asa pɔɛŋ

Hibruwebi 11:23

Yirda so nɛ Mosis mo nio nɛ mo tuto daŋ ta mo ŋ ŋana afɔl asa na. B daŋ wu fanɛ kayɛrbi e daa la mo nseŋ daa maŋ ŋana kekplaŋ Ijipt be ewura na be ntaŋ na so.

1 Samuɛl 16:18

Nɛ mbe nyɛrbi na be eko kaŋɛ: “Kanyɛn ko nɛ baa tre Jɛsi nɛ e wɔ Bɛtlɛhɛm na be kebia nyi jaŋjilaŋ be kelaŋ ga. E la enapo mo nɛ e kɔ kenyɛn nna ga nsaa walɛ kayɛrbi ga nɛ mbe mmalga gba wɔ ebel nɛ Enyɛnpe Ebɔrɛ na wɔ mo kutɔ.”

1 Samuɛl 17:42

keni n wu fanɛ e la kabrantiɛbia nna nsaa walɛ kayɛrbi, nɛ e wora mo eyurto

1 Samuɛl 17:55

Saŋɛ nɛ Deevid daa yɔ nɛ e ya kɔ Goliɛf na, nɛ Sɔɔl bishi mbe benapo be enimu Abna le: “Abna, wanɛ pibinyɛn nde?” Nɛ Abna yɛ: “Yiramu, m maŋ nyi.”

1 Samuɛl 9:17

Samuɛl ka wu Sɔɔl na nɛ Enyɛnpe Ebɔrɛ kaŋɛ mo le: “Kanyɛn ere be asheŋ nɛ ŋ kaŋɛ fo na. Mo e naa shin nɛ e ki Israɛl be ejuŋkparpo na.”