1 Samuɛl 15:6 - EBƆRƐ BE KAWƆL

⁶ Le nɛ Sɔɔl daŋ kaŋɛ Kenebi ko nɛ b daŋ chena m mata Amalɛkebi na: “Saŋɛ nɛ anyi be efuli ere so ebi daŋ lar Ijipt a ba na, menyi be basa daŋ wora bumo kelela ga. Amoso men lar Amalɛkebi ere to manaŋ nɛ an sa maŋ kaŋ mɔ menyi n ti bumo so saŋɛ nɛ anyee kɔ bumo kena na.” Ndoŋ nna nɛ Kenebi na lar Amalɛkebi na to.

1 Samuɛl 15:6 ပူးပေါင်းရင်းမြစ်များ

Jɛnesis 15:19

n ta Kenebi nɛ Kenizebi nɛ Kadmɔnebi

Jɛnesis 18:25

Kashenteŋto, m baa nyi fanɛ fo maaŋ shuli m mɔ basa nɛ b niŋi na n ti alubiworapoana na so. M baa nyi geeŋ fanɛ fo maaŋ shuli n wora loŋ. Nɛ fo baŋ wora loŋ, kumo ere basa nɛ b niŋi na nɛ alubiworapoana na kikɛ nɛ fo gama ŋ gberge kusoe na. Loŋ malɛ maŋ daga. Fo nɛ fo la durnya kikɛ be demujipo na maaŋ wora kusɔ nɛ k niŋi ekpa a?”

1 Kronikɛls 2:55

Salma e daa la Jabez be kabuna ebi na bumo nananyɛn mo nɛ e daa sibɛ bumo be demuji be asheŋ nɛ abane be asheŋ kikɛ a nase. Bumo e daa la, Tirafebi nɛ Shimitebi nɛ Sukaebi. Bumo nɛ Rekabebi kikɛ daa la Haamaf nɛ e la Kɛn be esa na be kenana nna.

Ɛksodɔs 18:19

To, naniere nu ma kamalga ere. Fo nu kumo, Ebɔrɛ beeŋ chɛ fo to nɛ fo baa yili basa na kikɛ be katelamu to a ta bumo be edemu a ba Ebɔrɛ be anishito.

Aŋasa 9:6

Men lar basa nɛ b maa pin asheŋ to manaŋ manaŋ na be katuŋ to nseŋ ji efute. Men shin nɛ asheŋ be kepin to e baa ŋini menyi ekpa.”

Nɔmbɛs 16:34

Israɛlebi nɛ b daa wɔ ndoŋ na ka nu bumo be kushu, nɛ b shile nsaa cha awɔr e kaŋɛ le: “Men baa shile! Nɛ manɛ aloŋ, kasawule na beeŋ ta anyi alɛ gba m min!”

Ashuŋ Shunso 2:40

Kesheŋ ere nɛ Pita daŋ kaŋɛ bumo nseŋ ta le be mmalga ŋ kaŋɛ bumo kenishipereso: “Men mɔlga menyi be amu ashi kasogberge nɛ k bee ba le be basa lubi ere so na to.”

2 Kɔrintebi 6:17

Amoso ma, Enyɛnpe na e naa yɛ menyi na fanɛ men lara men be amu ashi bumo to a kɔr to. Men sa maŋ kaa beta kusɔ kama nɛ k kɔ eyurpi nɛ n sɔ menyi.

2 Timoti 1:16

Enyɛnpe e baa wu Onɛsifɔres be kowu to ebi kuwɔr, ŋkpal manɛ so, e leŋ ma to ale damta. E daa maŋ wora ma kabuti ere be anishinyɔr kikɛ,

Kelaraŋŋini 18:14

Baaŋ kaŋɛ mo le: “Asɔ lela mo nɛ fo daŋ ta fo kagbene n wɔtɔ fanɛ fo nya na kikɛ choŋ nna na. Fo dama nɛ fo kemaŋkura na kikɛ foe, esa kama malɛ maaŋ naŋ wu asɔ na kikɛ.”

Demujipoana 1:16

Kɛnebi nɛ b la Mosis mo shanyɛn be kaman to ebi daŋ tu Judaebi nna n lar kade nɛ baa tre Jɛriko na n ya chena m mata kade nɛ baa tre Arad nɛ k dese kasawule wɔlso nɛ k wɔ kelargato be kaseto na so.

Demujipoana 4:11

Jemanɛ ere so nɛ kanyɛn ko nɛ baa tre Heba, nɛ e shi Kɛn be kabuna na, malɛ yuu mbe wajɛbu ashi kadebi ko nɛ baa tre kumo Zaananim na be kedibi gboŋgboŋi ko ase m mata Kɛdesh. E daŋ lar mo kurgepoana Kɛnebi nɛ b la kanyɛn ko nɛ baa tre Hɔbab nɛ e la Mosis mo churo na be kaman to ebi na to nna n ya chena ndoŋ.

Demujipoana 5:24

Beche kikɛ to, Hɛba be eche Jaɛl e la kumulelawura; beche nɛ b wɔ ewajɛbu to kikɛ to, mo e la esa nɛ e nya nɛfa ga.

1 Samuɛl 15:5

Nɛ Sɔɔl nɛ mbe benapo na ya ŋana ketaŋɛ ko nɛ k taga kade nɛ baa tre Amalɛk na to a jo nɛ b kɔ Amalɛkebi na kena.

1 Samuɛl 27:10

nɛ Akish e bishi mo le: “Basa mo nɛ fo yaŋ kre kena n ya purgi kabre?” Nɛ Deevid malɛ e kaŋɛ mo fanɛ Juda be kelargato be kaseto be kaba so ŋko Jeramiil be kaman to ebi be kaba so ŋko Keenanebi na be kakpa nɛ b tase na be kaba so.

1 Samuɛl 30:29

nɛ Rakaal be nde to nna, nseŋ sa Jeramiil be kanaŋ to ebi nɛ Keenanebi,