1 Samuɛl 15:29 - EBƆRƐ BE KAWƆL

²⁹ Israɛl be Ebɔrɛ nɛ e kɔ kemaŋkura na maa ku efɛ ŋko a chɛrga mbe nfɛra, ŋkpal manɛ so, e maŋ la dimɛdi.”

1 Samuɛl 15:29 ပူးပေါင်းရင်းမြစ်များ

1 Kronikɛls 29:11

Fo kuwurgboŋ nɛ eleŋ nɛ kemaŋkura nɛ kuwurji wɔtɔ nna mbaanaayɔ. Fo e kɔ esoso nɛ kasawule so kikɛ be eleŋ nsaa ji kusɔ kama so kuwura.

Nshɛ 29:11

Enyɛnpe Ebɔrɛ na e naa sa mbe basa eleŋ, nsaa nɛfa bumo nɛ kagbenewushi.

Nshɛ 68:35

O, Ebɔrɛ, fo asheŋ woraso bee keta kufu ashi fo bɔrɛlambu to nna, nɛ fee sa fo basa eleŋ nɛ yuku. Men shin nɛ an fur anyi be Ebɔrɛ na!

Nshɛ 95:11

Ebɔrɛ daŋ nya agbo nna nseŋ bɔ ntaŋ ŋ kaŋɛ le: “B maaŋ luri ma kewushi na to kikɛ!”

Aizaaya 45:24

Bumo alɛ beeŋ kaŋɛ fanɛ n nawule kutɔ nɛ esa beeŋ tiŋ n nya kekɔmpɔɔso nɛ eleŋ. Ama bekama nɛ b kishi ma na bre beeŋ ŋaba.

Ezikɛl 24:14

Ma, Enyɛnpetale Ebɔrɛ na e kaŋɛ na fanɛ saŋɛ fo nɛ n wora kusɔ nɛ ŋ kaŋɛ fanɛ meeŋ wora na. M maaŋ kplaŋ fo lubi so ŋko n wu fo kuwɔr ŋko n chɛrga ma nfɛra. Meeŋ gberge fo kusoe ŋkpal kusɔ nɛ fo wora so.”

Jowɛl 3:16

Ebɔrɛ shi Zayɔn be kebeegboŋ na so m ponte to fanɛ buluŋ na nɛ mbe ebɔl shi Jerusalɛm to ŋ gbri m ba fanɛ bɔrɛ ka ponte na nɛ kasawule nɛ awɔlpa kikɛ gbuŋgbuŋ to. Ebɔrɛ beeŋ baa du fanɛ kebeegboŋ a kuŋ mbe basa Israɛlebi na bre.”

Nɔmbɛs 23:19

Ebɔrɛ maŋ la dimɛdi nna a ku efɛ ŋko nyiŋgbasa a chɛrga mbe nfɛra, kusɔ kama nɛ e nase kɔnɔ fanɛ e beeŋ wora, mo alɛ beeŋ wora kumo. E bee malga nna nɛ k bee wora.

2 Kɔrintebi 12:9

Ama e maŋ lara kumo nseŋ kaŋɛ ma le: “Ma kuwɔr be kakɛ kukwe fo, ŋkpal manɛ so, fo kapɔshi to nɛ ma eleŋ bee dii efuli nɛnɛ.” Amoso, meeŋ baa kɔ ma kapɔshi ere a ji njɔŋ kagbenefuliso a ti so, saŋɛ na so, Kristo be eleŋ beeŋ baa wɔ ma so.

Ditɛronɔmi 33:27

Ebɔrɛ nɛ e wɔtɔ mbaanaayɔ na e la menyi be ekumpo. Mo e kɔ menyi mbe enɔana to na. Mo koŋwule na e naa ju men doŋana ashi menyi so na. Mo e naa malga nɛ menyee mur men doŋana na.

Filipaiebi 4:13

Meeŋ tiŋ m bɔla Kristo nɛ e bee sa ma eleŋ na so n wora kusɔ kikɛ nyam.

2 Timoti 2:13

Nɛ anyi ere kɔ nnɔkilgi gba, mo ere maŋ kɔ kɔnɔkilgi, ŋkpal manɛ so, e maaŋ tiŋ n wora asheŋ n da mbe da so.

Taites 1:2

nɛ kumo be tama wɔ kenya ŋkpa nɛ k maŋ kɔ ekar na to na. Kumo be kɔnɔ nɛ Ebɔrɛ nase pɔɛŋ nɛ kusɔ kikɛ fara na. Mo alɛ maa ku efɛ kikɛ.

Hibruwebi 6:18

Naniere an nya asɔ anyɔ nɛ a maaŋ tiŋ n chɛrga, ŋkpal manɛ so, Ebɔrɛ maaŋ tiŋ ŋ ku efɛ kikɛ. Asɔ anyɔ na so nɛ anyi nɛ an shuli m mata Ebɔrɛ na beeŋ nya kagbene a kɔ kumɔlga be tama nɛ k wɔ anishito na to kpakpa.

Hibruwebi 7:21

Ama Yesu bre, ntaŋ so nɛ e daŋ bɔla ŋ ki bɔrɛmatapo saŋɛ nɛ Ebɔrɛ daŋ kaŋɛ fanɛ: “Ma, Enyɛnpe bɔ ntaŋ, ma alɛ maaŋ chɛrga ma nfɛra fanɛ feeŋ baa la bɔrɛmatapo mbaanaayɔ na.”