1 Samuɛl 15:28 - EBƆRƐ BE KAWƆL

²⁸ Nɛ Samuɛl kaŋɛ mo le: “Kananɛ fo baŋ kpɛa ma piŋi ere be kɔnɔso ere, loŋ gbagba na chap nɛ Enyɛnpe Ebɔrɛ gboŋi fo Israɛl be kuwurji to kabre nseŋ ta kumo m buu fo echenashapo nɛ e bɔ fo.

1 Samuɛl 15:28 ပူးပေါင်းရင်းမြစ်များ

2 Samuɛl 3:18

Naniere bre men nya loŋ be ekpa. Men baa nyiŋi kusɔ nɛ Ebɔrɛ kaŋɛ na.” E yɛ: “Meeŋ bɔla ma kayɛrbi Deevid so m mɔlga ma basa Israɛlebi ashi bumo doŋana kutɔ, fɔŋfɔŋ Filisti be basa na.”

2 Samuɛl 3:9

Nɛ m baa maŋ chɛ Deevid to nɛ e ji kuwura fanɛ kananɛ Enyɛnpe Ebɔrɛ nase kɔnɔ n sa mo fanɛ e beeŋ sɔ kuwurji na ashi Sɔɔl nɛ mbe kanaŋ kutɔ n sa mo nɛ e ki Israɛl nɛ Juda kikɛ be ewura, yili Dan be kasawule nɛ k wɔ kelargato be esoso na so n ya fo Bɛshiba nɛ k wɔ kelargato be kaseto be kaba so kikɛ na, kumo ere Ebɔrɛ e mɔ ma!”

2 Samuɛl 6:21

Nɛ Deevid kaŋɛ le: “Enyɛnpe Ebɔrɛ maŋ lara esa kikɛ menyi be kanaŋ to fanɛ e ba sɔ fo tuto Sɔɔl so ŋ ki mbe basa be ejuŋkparpo. Ma nɛ Enyɛnpe Ebɔrɛ na lara, amoso nɛ mee cha a maŋkura mo na.

1 Bewura 11:11

Amoso le nɛ Enyɛnpe Ebɔrɛ daŋ kaŋɛ ewura Sɔlɔmɔn: “Ŋkpal fo ka kute ŋ kini ma nɛ fo be kɔnɔkoŋwule be ŋkre na nɛ ma mbra na be kebɛso so, meeŋ sɔ kuwurji na fo kutɔ n sa fo benimuana na be eko.

1 Kronikɛls 10:14

Loŋ so nɛ Enyɛnpe Ebɔrɛ daŋ shin nɛ e wu nɛ e ta mbe kuwurji n sa Jɛsi pibinyɛn Deevid na.

Job be kawɔl 34:24

E maa kule esa ko ekpa nsaa lara bejuŋkparpogboŋ ashi kejuŋkpar to nseŋ naa ta beko e tal bumo to.

Danɛl 4:17

Kusɔ nɛ Ebɔrɛ be emalaika cheembi na kaŋɛ nna na, saŋɛ na so dimɛdi kikɛ beeŋ pin fanɛ Enyɛnpetale Ebɔrɛ na kɔ eleŋ dimɛdi be kuwurji so, nsaa kɔ ekpa nɛ e ta kumo n sa esa kama nɛ e bee sha, hale bebɔlpo gba.

Danɛl 4:32

Baaŋ ju fo n lar edimɛdi to nɛ fo ya ka wɔ kupuŋ to be asɔbɔya to a ji afitiri fanɛ kena nfɛnshunu. Aloŋ nɛ feeŋ pin fanɛ Enyɛnpetale na e naa ji durnya ere kikɛ so kuwura, mo alɛ e naa lara esa kama nɛ e par mo a ki ewura.”

Baru lela nɛ Jɔn kute na 19:11

Nɛ Yesu kaŋɛ mo le: “Nɛ Ebɔrɛ daa maŋ sa fo eleŋ ma so nna, fo daa maaŋ baa kɔ eleŋ ma so. Esa nɛ e ta ma m bɔɔ fo enɔ ere malɛ be kulubi e shi a chɔ feya.”

Ashuŋ Shunso 13:22

Ebɔrɛ ka gboŋi mo kuwura na to nɛ e shin nɛ Deevid ki bumo be ewura. Le nɛ Ebɔrɛ daŋ malga Deevid be asheŋ: ‘N wu fanɛ Jɛsi pibi Deevid be kaduli gbagba nɛ mee sha na. Mo e la emo nɛ e beeŋ wora kusɔ kama nɛ mee sha fanɛ e wora na.’

Romebi 13:1

A daga fanɛ ekama e baa nu a sa mbe efuli so be abane be bejuŋkparpo, ŋkpal manɛ so, abane kikɛ maŋ wɔtɔ nɛ Ebɔrɛ maŋ ta eleŋ m bɔɔ kumo enɔ. Mo Ebɔrɛ koŋwule na malɛ e jɔŋɛ abane kama.

1 Samuɛl 13:14

Ama ŋkpal fo ka kini kenu n sa Enyɛnpe Ebɔrɛ so nɛ e yɛ e maaŋ naŋ lara fo kanaŋ to be esa kikɛ nɛ e ki Israɛl be ewura na. E teŋ lara mo gbagba be kepar be esa nɛ e beeŋ baa la mbe basa be ewura.”

1 Samuɛl 16:12

Nɛ Jɛsi shuŋi nɛ b ya tre Deevid m ba. E daŋ baŋ yili enyɛn nna a walɛ kayɛrbi ga nsaa kɔ eleŋ. Kebia na ka ba nɛ Enyɛnpe Ebɔrɛ kaŋɛ Samuɛl le: “Mo gbagba nna na. Ta ŋku n do mbe kumu so n lara mo nɛ e ki ewura.”

1 Samuɛl 18:8

Nɛ bumo be kashɛ na shin nɛ Sɔɔl nya agbo ga n fɛ le: “B kaa bee kaŋɛ fanɛ Deevid mɔ basa ŋgboŋ kudu nɛ ma ere mɔ kagboŋ nawule ere, kusɔ nɛ k ka e la keta mo ŋ ki ewura.”

1 Samuɛl 25:30

Enyɛnpe Ebɔrɛ malɛ kaŋ wora alelasheŋ damta nɛ e nase kɔnɔ n sa fo na kikɛ nseŋ shin nɛ fo ki Israɛl be ewura,