1 Samuɛl 15:26 - EBƆRƐ BE KAWƆL

²⁶ Nɛ Samuɛl yɛ: “M-m, Fo maaŋ naŋ bɛ ma so n yɔ. Ŋkpal fo ka kini Enyɛnpe Ebɔrɛ be mbra na be kebɛso na so, mo alɛ gba kini fo fanɛ ewura.”

1 Samuɛl 15:26 ပူးပေါင်းရင်းမြစ်များ

Jɛnesis 42:38

Ama le nɛ Jeekɔb daŋ kaŋɛ: “Ayai, ma kebia ere maaŋ tu menyi n yɔ ndoŋ. Mo da wu, mo nawule e baŋ ka na. Nɛ menyee yɔ nɛ tɔrɔ ko ya tu mo enite na to, menyeeŋ shin nɛ kagbenejija e mɔ ma ashi ma mbel to.”

2 Samuɛl 12:9

Nɛ manɛ e ba nɛ fo kini kenu n sa ma nseŋ ŋaba ma le ere? Fo e shin nɛ Ammɔnebi na mɔ Yuriya ashi kena to nɛ fo ta mbe eche ŋ ki feya.

2 Samuɛl 7:15

Ma alɛ maaŋ lar mo kaman fanɛ kananɛ n lar Sɔɔl nɛ n daŋ lara nɛ e ki ewura pɔɛŋ nɛ e ba chena so na kaman na.

Jɛremaya 6:19

Bumo be ashiri to be ŋkre na so, meeŋ shin nɛ jɛrbi gboŋgboŋi e ba bumo so, nɛ k baa la kasogberge n sa bumo ŋkpal b ka kini ma keŋini nsaa maŋ wora ma mmalga kasonu so.

Hoziya 13:11

Amoso n daŋ kaa agbo nna n sa menyi ewura nseŋ naŋ kaa agbo n lara mo ashi menyi to.

Hoziya 4:6

Ma basa bee mur nna ŋkpal b ka kini ma so. Menyi bɔrɛmatapoana gba kini ma nseŋ kini ma keŋini gba n ti so. Ŋkpal loŋ so nɛ ma alɛ gba kini menyi na. M maaŋ naŋ wu menyi be mbinyɛnsobi gba fanɛ b la bɔrɛmatapoana.

Ashuŋ Shunso 13:22

Ebɔrɛ ka gboŋi mo kuwura na to nɛ e shin nɛ Deevid ki bumo be ewura. Le nɛ Ebɔrɛ daŋ malga Deevid be asheŋ: ‘N wu fanɛ Jɛsi pibi Deevid be kaduli gbagba nɛ mee sha na. Mo e la emo nɛ e beeŋ wora kusɔ kama nɛ mee sha fanɛ e wora na.’

2 Jɔn 1:11

ŋkpal manɛ so, ekama nɛ e chɔrɔ mo bee chɛ mo to a wora mbe ashuŋ lubi na nna na.

1 Samuɛl 13:14

Ama ŋkpal fo ka kini kenu n sa Enyɛnpe Ebɔrɛ so nɛ e yɛ e maaŋ naŋ lara fo kanaŋ to be esa kikɛ nɛ e ki Israɛl be ewura na. E teŋ lara mo gbagba be kepar be esa nɛ e beeŋ baa la mbe basa be ewura.”

1 Samuɛl 15:23

Kekini kenu n sa Enyɛnpe Ebɔrɛ du fanɛ kegbaya nna. Nɛ kamoowu malɛ du fanɛ kagbirshuŋ. Ŋkpal fo ka kini kenu n sa Enyɛnpe Ebɔrɛ na so, mo alɛ gba kini fo fanɛ ewura.”

1 Samuɛl 15:31

Ndoŋ nna nɛ mo nɛ Samuɛl bɛta n yɔ nɛ Sɔɔl ya bunyaŋ Enyɛnpe Ebɔrɛ.

1 Samuɛl 16:1

Nɛ Enyɛnpe Ebɔrɛ kaŋɛ Samuɛl le: “Nchɛ afanɛ nɛ fo shin nɛ fo chena kagbenejijaso a fɛ Sɔɔl be asheŋ? M maŋ naŋ shuli fanɛ e baa la Israɛl be ewura, amoso ta ɔlif be ŋku n yɔ kanyɛn nɛ baa tre Jɛsi nɛ e wɔ Bɛtlɛhɛm na pe. N lara mbe mbia na be eko nɛ e ki Israɛl be ewura.”

1 Samuɛl 2:30

Ma, Enyɛnpe, Israɛl be Ebɔrɛ na e daŋ nase kɔnɔ fanɛ fo kanaŋ e naaŋ baa la bɔrɛmatapoana mbaanaayɔ, ama mee kaŋɛ fo nna fanɛ loŋ maaŋ naŋ wora kikɛ. Basa kama nɛ baa bunyaŋ ma na nɛ mee sa bunyaŋ nsaa sho bekama nɛ b kishi ma na kɔnɔ.

1 Samuɛl 28:18

Fo ka kini kenu n sa Enyɛnpe Ebɔrɛ nsaa maŋ mur Amalɛk be basa na nɛ kusɔ kama nɛ b kɔ kikɛ na so nɛ Enyɛnpe Ebɔrɛ na bee wora fo loŋ na.