1 Samuɛl 15:24 - EBƆRƐ BE KAWƆL

²⁴ Ndoŋ nna nɛ Sɔɔl kaŋɛ Samuɛl le: “N shuli fanɛ n wora kulubi. Ŋ kini kenu n sa fo nɛ Enyɛnpe Ebɔrɛ kikɛ. Benapo na nɛ n daa ŋana nseŋ nu n sa bumo.

1 Samuɛl 15:24 ပူးပေါင်းရင်းမြစ်များ

Jɛnesis 3:12

Nɛ enyɛn na kaŋɛ: “Eche mo nɛ fo ta n wɔtɔ ŋ kutɔ nfe na e sa ma kedibi na be kusɔrso nɛ n ji.”

Jɛnesis 3:17

Enyɛnpe Ebɔrɛ ka malga n sa eche na n loge nɛ e kilgi ŋ kaŋɛ enyɛn na malɛ le: “Ŋkpal fo ka nu n sa fo eche n ji kusɔrso nɛ ŋ kaŋɛ fo sa maŋ kaŋ ji na so so, meeŋ sho kasawule ere kɔnɔ ŋkpal fo so. Pɔɛŋ nɛ fo nya n ji, feeŋ baa wɔtɔ nna a ji awurfoŋ a nyɛa kebleŋ ashi fo kebaawɔtɔ to kikɛ.

2 Samuɛl 12:13

Ndoŋ nna nɛ ewura Deevid kaŋɛ Neetan le: “N wora kulubi ŋ gbiti Enyɛnpe Ebɔrɛ.” Nɛ Neetan kaŋɛ le: “Enyɛnpe Ebɔrɛ gba ta fo alubi m paŋ fo, amoso fo maaŋ wu.

Job be kawɔl 31:34

M maa ŋana kusɔ nɛ basa beeŋ kaŋɛ a laŋɛ ma kaplɛa so, Ma alɛ maŋ naŋ lo ma kɔnɔ ŋko n ta ma kumu ŋ ŋana ma laŋ to ŋkpal ŋ ka bee ŋana kufu fanɛ basa beeŋ keni ma jiga so.

Nshɛ 51:4

Kashenteŋto, fo nɛ n wora n da so. N wora n jija ŋkpal ŋ ka kini kewora fo kasonu so. Amoso k daga nna nsaa walɛ fanɛ fo gberge ma kusoe n niŋi ma ekpa.

Ɛksodɔs 10:16

Ndoŋ nna nɛ Fɛɛro shuŋi n tre Mosis nɛ Ɛɛrɔn manaŋ nseŋ kaŋɛ bumo le: “N wora kulubi ŋ gbiti Enyɛnpe, men be Ebɔrɛ na nseŋ wora ŋ gbiti menyi alɛ gba.

Ɛksodɔs 23:2

Men sa maa bɛ jimaŋ so a wora alubi ŋko a ji efɛ be shɛda ashi demujikpa.

Ɛksodɔs 9:27

Ndoŋ nna nɛ Fɛɛro naŋ shuŋi n tre Mosis nɛ Ɛɛrɔn m ba kaŋɛ bumo le: “Kede bre to, m pin fanɛ n wora kulubi. Enyɛnpe Ebɔrɛ na e kɔ akpa. Ma nɛ ma basa kikɛ wora alubi.

Aŋasa 29:25

Sa maŋ shin nɛ kusɔ nɛ basa bee fɛ a laŋɛ fo kaplɛa so e baa tir fo. Yirda Ebɔrɛ nɛ e baa kuŋ fo.

Jɛremaya 38:5

Nɛ ewura Zɛdikaya kaŋɛ: “To, kumo ere men wora mo kusɔ kama nɛ menyee sha. M maaŋ tiŋ ŋ kuŋ menyi ekpa.”

Nɔmbɛs 22:34

Nɛ Balaam kaŋɛ le: “N wora kulubi. N daa maŋ nyi fanɛ fo yil ekpa na to nna a kuŋ ma akpa, ama nɛ fo wu fanɛ k maŋ daga ŋ ka yɔ ndoŋ bre, meeŋ bɛta n yɔ epe.”

Matiu 27:4

nseŋ ya kaŋɛ bumo le: “N wora alubi, ŋkpal manɛ so, n debɔr esa nɛ e maŋ wora shɛŋ nɛ baa shin nɛ b mɔ mo.” Nɛ basa na bishi mo le: “Anyi alɛ be manɛ e naa wɔtɔ? Fo asheŋ nna.”

Galeeshaebi 1:10

To, kananɛ m malga le ere maa ŋini ŋ ka bee sha kenya ketre basa kutɔ, ama Ebɔrɛ nawule kutɔ. Ŋko basa nɛ mee sha fanɛ n wora asheŋ nɛ a par bumo a? Cha, nɛ n daa sha kebaawora basa be aparsheŋ nna n daa maaŋ tiŋ a la Kristo be kenya.

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”

1 Samuɛl 15:15

Nɛ Sɔɔl kaŋɛ: “Ma benapo na e sɔ bumo ashi Amalɛkebi na kutɔ. B ta ana nɛ mbolpɔ duliduli na kikɛ nna nɛ b ya lara sarga n sa Eyɛnpe fo Ebɔrɛ na. Ama an mur amo nɛ a ka na bre kikɛ.”

1 Samuɛl 15:30

Nɛ Sɔɔl kaŋɛ le: “N wora kulubi ama mee kule fo nna nɛ fo ta bunyaŋ m buu ma so ashi benapo be benimu ere nɛ Israɛl be basa kikɛ be anishito n shin nɛ n tu fo n ya bunyaŋ Enyɛnpe fo Ebɔrɛ na.”

1 Samuɛl 15:9

Sɔɔl nɛ mbe benapo na daa maŋ mɔ Agag. B daa maŋ mɔ mbolpɔ lela nɛ bumo be bibi nɛ ana lela nɛ bumo be bibi ŋko n jija kusɔ kama nɛ k walɛ m par bumo na; kusɔ kama nɛ k daa maŋ kɔ tɔnɔ na nɛ b daŋ jija.

1 Samuɛl 2:29

Ama fo maa keni ma esarga na a bɔlɔ kenishi. Manɛ nna nɛ fee bunyaŋ fo mbinyɛnsobi na a chɔ ma nseŋ shin nɛ baa ji esarga na be mboŋ lela kikɛ?

1 Samuɛl 26:21

Nɛ Sɔɔl malɛ kaŋɛ le: “M pibinyɛn Deevid n wora kulubi, amoso bɛta a ba! M maaŋ naŋ tɔrɔ fo kikɛ ŋkpal fo ka shin nɛ n ji efute kanyɛ ere so. N wora kawulisheŋ ga! M maŋ wora nɛnɛ!”