23 Kekini kenu n sa Enyɛnpe Ebɔrɛ du fanɛ kegbaya nna. Nɛ kamoowu malɛ du fanɛ kagbirshuŋ. Ŋkpal fo ka kini kenu n sa Enyɛnpe Ebɔrɛ na so, mo alɛ gba kini fo fanɛ ewura.”
Reechel malɛ daŋ ta mo tuto be agbir na nna n wɔtɔ mbe nyɔma be gaare be kaseto n chena so. Ndoŋ nna nɛ Leeban keni wajɛbu na to be asɔ kikɛ to nyam e maŋ wu shɛŋ.
Ade kikɛ be kaman nɛ e kaŋɛ Sɔlɔmɔn malɛ le: “M pibinyɛn, ta fo kagbene nɛ fo nfɛra kikɛ a shuŋ fo tuto be Ebɔrɛ na. Mo e nyi anyi be nfɛra nɛ kusɔ nɛ anyee sha kikɛ. Nɛ fo ba mo kutɔ, e beeŋ sɔ fo, ama nɛ fo shile mo bre, mo alɛ beeŋ kplaŋ fo so mbaanaayɔ.
Ma alɛ beeŋ shin nɛ Ijiptebi be ŋkre e mel to nɛ bumo be ŋgbene e jija bumo nɛ b paŋ kenyɛn. Baaŋ ya fin kechɛto bumo be agbirana kutɔ nseŋ naaŋ yɔ belejipo kutɔ n ya bishi so a fin kenu kusɔ ko ashi bubuni kutɔ.
Ama basa beeŋ kaŋɛ menyi fanɛ men yɔ bekpalpo nɛ belejipo nɛ baa gbar a jugeto na kutɔ n ya bishi so n nu abɔya nɛ a wɔtɔ. Baaŋ kaŋɛ le: “Basa bee yili bumo nɛ b wɔ ŋkpa to be katelamu to nna a bishi abɔya ashi ayoyu nɛ bubuni kutɔ.”
Amoso kusɔ nɛ Enyɛnpe Ebɔrɛ na bee kaŋɛ e la fanɛ e beeŋ lara fo ashi durnya to. Pɔɛŋ nɛ kafɛ ere e fo ekar feeŋ wu, ŋkpal fo ka ku efɛ n sa basa ere nɛ b lar Enyɛnpe Ebɔrɛ na kaman nseŋ kini mo so.”
Loŋ koŋwule na nɛ k beeŋ chɛr ga pɔɛŋ nɛ Israɛl be basa e nya ewura ŋko basa nɛ baaŋ ba juŋkpar bumo. K beeŋ chɛr pɔɛŋ nɛ b naaŋ bɔla esarga ŋko ajembu cheembi ŋko kabɔrɛmata be piŋi ŋko agbir so n fin Ebɔrɛ be nɛfa.
Amoso men sa maŋ shin nɛ an kini kenu n sa Enyɛnpe Ebɔrɛ na. K maŋ daga an ka bee ŋana basa nɛ b wɔ ndoŋ na, ŋkpal manɛ so, Enyɛnpe Ebɔrɛ na wɔ anyi kutɔ, amoso b maaŋ tiŋ ŋ kɔ m pɔɔ anyi so.”
Ebɔrɛ ka gboŋi mo kuwura na to nɛ e shin nɛ Deevid ki bumo be ewura. Le nɛ Ebɔrɛ daŋ malga Deevid be asheŋ: ‘N wu fanɛ Jɛsi pibi Deevid be kaduli gbagba nɛ mee sha na. Mo e la emo nɛ e beeŋ wora kusɔ kama nɛ mee sha fanɛ e wora na.’
Manɛ be ŋkre e wɔ Ebɔrɛ be lambu nɛ agbirana be nferinto? Ŋkpal manɛ so, anyi e la Ebɔrɛ nɛ e wɔ ŋkpa to na be lambu. Kumo be asheŋ nɛ Ebɔrɛ malɛ gba kaŋɛ na fanɛ: “Meeŋ baa wɔ bumo to nsaa na bumo to a la bumo be Ebɔrɛ nɛ bumo alɛ e baa la ma basa.
nɛ agbirshunsheŋ nɛ kegbaya nɛ kekishi nɛ nlusheŋ nɛ abar be asɔ be kebaayɛlga nɛ kanya agbo nɛ nfɛragboŋ be kebaafɛ nɛ amu be kebarga a wɔ ntuŋ so be kebaawɔtɔ.
Men sa maŋ kaŋ teŋ kananɛ men daŋ shin nɛ Enyɛnpe menyi be Ebɔrɛ na nya agbo ashi keshishɛrsawule na so na. Yili kachɛ nɛ men lar Ijipt be efuli so m ba fo nfe, men baa la basa nɛ menyee lar Enyɛnpe Ebɔrɛ na kaman nna.
Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”
Bumo nɛ b la njɔnɔ nɛ basa nɛ baa wora ŋ kilgi nɛ kesakaleawuraana nɛ bemɔpo nɛ agbirshumpoana nɛ esa kama nɛ e bee sha nsaa bɛ efɛsheŋ kama so na nawule e maŋ wɔ kadegboŋ na to.
Ama ŋkpal fo ka kini kenu n sa Enyɛnpe Ebɔrɛ so nɛ e yɛ e maaŋ naŋ lara fo kanaŋ to be esa kikɛ nɛ e ki Israɛl be ewura na. E teŋ lara mo gbagba be kepar be esa nɛ e beeŋ baa la mbe basa be ewura.”
Nɛ Enyɛnpe Ebɔrɛ kaŋɛ Samuɛl le: “Nchɛ afanɛ nɛ fo shin nɛ fo chena kagbenejijaso a fɛ Sɔɔl be asheŋ? M maŋ naŋ shuli fanɛ e baa la Israɛl be ewura, amoso ta ɔlif be ŋku n yɔ kanyɛn nɛ baa tre Jɛsi nɛ e wɔ Bɛtlɛhɛm na pe. N lara mbe mbia na be eko nɛ e ki Israɛl be ewura.”
Ma, Enyɛnpe, Israɛl be Ebɔrɛ na e daŋ nase kɔnɔ fanɛ fo kanaŋ e naaŋ baa la bɔrɛmatapoana mbaanaayɔ, ama mee kaŋɛ fo nna fanɛ loŋ maaŋ naŋ wora kikɛ. Basa kama nɛ baa bunyaŋ ma na nɛ mee sa bunyaŋ nsaa sho bekama nɛ b kishi ma na kɔnɔ.
Samuɛl ka wu, nɛ Israɛlebi na kikɛ ba abar so m ba shu mbe keeli nseŋ ta mo n ya puli mbe kade to ashi Raama. Ndoŋ nna nɛ Sɔɔl ju bekpalpo nɛ belejipo kikɛ ashi Israɛl be kasawule so.