1 Samuɛl 14:6 - EBƆRƐ BE KAWƆL

⁶ Nɛ Jonatan kaŋɛ kabrantiɛbia nɛ e bee sulɔ mbe akɔsɔ na le: “Ba nɛ an yɔ Filistiebi, nnyamase na, be keeyi to. Ashere Enyɛnpe Ebɔrɛ na beeŋ chɛ anyi to. Nɛ e baŋ shuli fanɛ e beeŋ chɛ anyi to nɛ an kɔ m pɔɔ so bre, shɛŋ shɛŋ maaŋ tiŋ ŋ kuŋ mo ekpa. K maŋ tir fanɛ an shibi ŋko anyi maŋ shibi.”

1 Samuɛl 14:6 ပူးပေါင်းရင်းမြစ်များ

2 Samuɛl 1:20

Sa maŋ ber kumo be kubomboŋ ashi Gaaf ŋko Ashkɛlɔn be abɔrbiana so. Nɛ mannɛ aloŋ, Filisti be nnyamaseche na be ŋgbene beeŋ fuli bumo nɛ b baa tɛto kagbenefuliso

2 Samuɛl 16:12

Ashere Enyɛnpe Ebɔrɛ beeŋ wu kagbenejija nɛ k tɔr ma so ere nseŋ shin nɛ kɔnɔsho ere e ki nɛfa n sa ma.”

2 Bewura 19:4

Asiriya be ewurgboŋ e shuŋi mbe benapo be enimu nɛ e ba tege Ebɔrɛ nɛ e wɔ ŋkpa to na. Enyɛnpe fo Ebɔrɛ na e naŋ nu katege ere kikɛ nseŋ gberge basa nɛ baa tege mo na kusoe. Amoso kule Ebɔrɛ n sa anyi be basa nɛ b kraa wɔ ŋkpa to.”

2 Kronikɛls 14:10

Nɛ ewura Asa nɛ mbe benapo lar n ya yili ŋ karga abar so n wora shiriya nɛ b tu mo ŋ kɔ kena ashi Zefata be ketaŋɛ nɛ k mata Marɛsha na ase.

2 Kronikɛls 14:11

Ndoŋ nna nɛ ewura Asa kule Enyɛnpe mbe Ebɔrɛ na ŋ kaŋɛ le: “O Enyɛnpe Ebɔrɛ, fo nawule e naa tiŋ a chɛ benapo pɔshipo to nɛ baa tiŋ a kɔ a pɔɔ benapo lempo so. Amoso, an Nyɛnpe nɛ anyi be Ebɔrɛ, ba chɛ anyi to naniere, ŋkpal manɛ so, fo nɛ anyee fute a yige so. Fo ketre be eleŋ na malɛ to nɛ an ba nɛ an ba kɔ benapo damta ere na. Enyɛnpe, fo e la anyi be Ebɔrɛ. Esa kama malɛ maŋ wɔtɔ nɛ e beeŋ tiŋ m pɔɔ fo so.”

Nshɛ 135:6

Kusɔ nɛ k par mo nɛ e bee wora ashi ebɔrɛso nɛ kasawule so nɛ teku be kechimbi to kikɛ nyam.

Jɛremaya 9:23

Kumo be kaman nɛ Enyɛnpe Ebɔrɛ na naŋ kaŋɛ le: “Benyiashempo e sa maa puchi bumo be kanyiasheŋ so, ŋko belempo e sa maa puchi bumo be eleŋ so, ŋko damawuraana e sa maa puchi bumo be kedama so.

Jɛremaya 9:25

Ade be kaman nɛ Enyɛnpe Ebɔrɛ na naŋ kaŋɛ le: “Jemanɛ ko bee ba nɛ ŋ gberge basa nɛ b shi Ijipt nɛ Juda nɛ Edɔm nɛ Ammɔn nɛ Mowab be efuliana so nɛ eyiriana nɛ e wɔ keshishɛrsawule so na kusoe. Basa nɛ b wɔ efuli pɔtɛana ere kikɛ so ku atutu nna, ama bumo alɛ maa bɛ kɔnɔkoŋwule be ŋkre nɛ k bee ŋini katutuku be kefito na. Bumo nɛ Israɛl be basa be ekama maa bɛ ma kɔnɔkoŋwule be ŋkre na so. Eyurto be kaplɛa so, b ku atutu, ama bumo alɛ be ŋgbene maŋ chɛrga.”

Eemɔs 5:15

Men kishi kulubi, nsaa wora kelela. Men baa kɔ a fin asheŋ be keji nɛ amo be ekpa so ashi men be edemujikpa. Ashere Enyɛnpetale na beeŋ wu efuli ere be bekama nɛ b kraa wɔ ŋkpa to ere kuwɔr.

Zefanaiya 2:3

Menyi bekama nɛ men la bebɔlpo ashi kasawule ere so na e baa bar menyi be amu kaseto nsaa nu a sa Enyɛnpe Ebɔrɛ na. Men baa wora kusɔ nɛ k walɛ nsaa bar menyi be amu kaseto a sa mo. Nɛ men wora loŋ, ashere menyeeŋ gelge kasogberge kachɛ nɛ Enyɛnpe Ebɔrɛ na be agbo beeŋ koso na.

Zakareya 4:6

Kumo be kaman nɛ malaika na kaŋɛ fanɛ n ta Enyɛnpetale Ebɔrɛ na be kubɔya ere n sa Zerubabel. E yɛ: “Feeŋ pɔɔ fo doŋana so ama mannɛ kena to be eleŋ ŋko kuwibi to be eleŋ nɛ feeŋ ta ŋ kɔ m pɔɔ bumo so. Ma Kiyoyu na be eleŋ so nɛ feeŋ ta m pɔɔ so.”

Nɔmbɛs 10:32

Nɛ fo baŋ tu anyi n yɔ, nɛfa kama nɛ Enyɛnpe Ebɔrɛ beeŋ ta n nɛfa anyi na, fo alɛ gba beeŋ nya ako.”

Nɔmbɛs 31:4

Men lara benapo kagboŋ ashi Israɛl be eyiri na be kekama to nɛ b yɔ kena na to.”

Matiu 19:26

Ndoŋ nna nɛ Yesu keni bumo nseŋ kaŋɛ le: “Nyiŋgbasa bre kutɔ loŋ maaŋ tiŋ n wora, ama shɛŋ shɛŋ maŋ du Ebɔrɛ so kpakpa.”

Romebi 8:31

To, asheŋ nɛ an nu ere kikɛ be kaman, nuso nɛ anyeeŋ kaŋɛ? Nɛ Ebɔrɛ baa wɔ anyi be kaman, wanɛ e naaŋ tiŋ m pɔɔ anyi so?

Ditɛronɔmi 32:30

Manɛ so nɛ esa koŋwule tiŋ m pɔɔ basa kagboŋ so, nɛ basa anyɔ malɛ tiŋ m pɔɔ basa ŋgboŋ kudu so? Enyɛnpe bumo be Ebɔrɛ na e kini bumo n lɛ. Bumo be Ebɔrɛ lempo na e ta bumo n sa bumo doŋana.

Filipaiebi 3:3

Ŋkpal manɛ so, anyi e la kashenteŋ be katutukuebi a bɔla Ebɔrɛ be Kiyoyu na so a bunyaŋ mo nsaa ji anyi be ŋkpa nɛ an kɔ ashi Kristo Yesu to ere be njɔŋ. Anyi nɛ anyee wora asheŋ ere maa ta anyi be yirda a wɔtɔ eyur ere be kedulgi to.

Joshuwa 14:12

Naniere ta kebeeso be efuli nɛ Enyɛnpe Ebɔrɛ nase kɔnɔ kamɔnchɛ afanɛ e beeŋ sa ma na n sa ma. An teŋ kaŋɛ fo fanɛ basa tenteŋ gboŋgboŋi nɛ baa tre Anakebi na e wɔ ndegboŋ nɛ b pɔr egbal ŋ kulti na to ashi efuli na kikɛ so. Ashere Enyɛnpe Ebɔrɛ beeŋ yili ma kaman nɛ n ju bumo n lar fanɛ kananɛ Enyɛnpe Ebɔrɛ kaŋɛ na gbagba chap.”

Demujipoana 15:18

Achukoŋ ka pɛ Samsɔn ga nɛ e kule Ebɔrɛ ŋ kaŋɛ: “O Enyɛnpe Ebɔrɛ, fo e shin nɛ n tiŋ n ji eleŋ nseŋ tiŋ ŋ kɔ m pɔɔ so. Feeŋ shin nɛ achukoŋ e mɔ ma nɛ nnyamase ere e naŋ ba nya ma m pɛ a?”

1 Samuɛl 14:5

Ajembu gboŋgboŋi na be kuko daa yil kebee na be kelargato be esoso be kaba so nna a shoŋi Mikmash, nɛ kuko malɛ wɔ kelargato be kaseto nsaa shoŋi Gɛba be kaba so.

1 Samuɛl 14:7

Nɛ kabrantiɛbia na kaŋɛ le: “Wora kusɔ kama nɛ fee sha. M bɛ fo so nɛ ma kagbene kikɛ.”

1 Samuɛl 17:26

Nɛ Deevid bishi benapo nɛ b yili n taga mo to na le: “Manɛ nɛ baaŋ sa esa kama nɛ e beeŋ mɔ Filisti be esa ere nseŋ lara Israɛl ashi le be anishinyɔr ere to? Kanyamase jiga ere malɛ e la wanɛ nɛ e bee keni Ebɔrɛ nɛ e wɔ ŋkpa to na be benapo jiga?”

1 Samuɛl 17:36

M mɔ ebuluŋ nɛ eshishiri kikɛ, amoso loŋ be ekpa koŋwule na so nɛ meeŋ bɔla so m mɔ Filisti be kanyamasenyɛn nɛ e bee keni Enyɛnpe Ebɔrɛ nɛ e wɔ ŋkpa to na be benapo jiga na.

1 Samuɛl 17:46

Kabre be kachɛ ere, Enyɛnpe Ebɔrɛ beeŋ ta fo m bɔɔ ma enɔ nɛ m pɔɔ fo so ŋ ku fo kumu ere, nseŋ ta Filisti be benapo be eyurana n sa mbuibi nɛ kupuŋ to be asɔbɔya nɛ b ji. Saŋɛ na so nɛ durnya kikɛ e pin fanɛ Ebɔrɛ wɔ Israɛlebi kutɔ.

1 Samuɛl 17:47

Ekama malɛ nfe beeŋ pin fanɛ mannɛ etokobi ŋko akpa nɛ Enyɛnpe Ebɔrɛ na bee ta a kɔ a mɔlga mbe basa. E la ekɔmpɔɔsopo kena kikɛ to nna. Mo alɛ beeŋ chɛ anyi to nɛ an kɔ m pɔɔ menyi so.”

1 Samuɛl 31:4

Nɛ Sɔɔl kaŋɛ enapo nɛ e bee keta mbe akɔsɔ na le: “Ta fo tokobi m mɔ ma! Ŋkpal manɛ so, m maa sha Filistiebi, nnyamase ere ka mɛaŋ ma m mɔ.” Ama enapo na daŋ kini kewora loŋ nna ŋkpal kufu ka daŋ pɛ mo ga so. Ndoŋ nna nɛ Sɔɔl ta mo gbagba be tokobi be kumu ase n yuu kasawule nseŋ tɔr kumo so.