1 Samuɛl 14:47 - EBƆRƐ BE KAWƆL

⁴⁷ Saŋɛ nɛ Sɔɔl daa ji kuwura ashi Israɛl be efuli so na, e daŋ yɔ kaplɛkama nɛ mo doŋana wɔ nna n ya kɔ bumo kena. Mo doŋana e daa la Mowab be basa nɛ Ammɔn nɛ Edɔm be basa nɛ Zoba be bewura nɛ Filistiebi. Kaplɛkama malɛ nɛ e daŋ kɔ kena, e daŋ pɔɔ so nna.

1 Samuɛl 14:47 ပူးပေါင်းရင်းမြစ်များ

Jɛnesis 19:37

Ndoŋ nna nɛ Lɔt pibi gboŋiso na kurge ebinyɛn nseŋ nase mbe ketre Mowab. Mo e ba ki Mowabebi bumo nananyɛn hale nɛ mbre.

Jɛnesis 19:38

Nɛ mo pibiche karso na malɛ naŋ kurge ebinyɛn nseŋ nase mbe ketre Bɛn Ami. Mo alɛ e ki Ammɔnebi bumo nananyɛn hale nɛ mbre.

Jɛnesis 36:1

Isɔɔ nɛ mo koŋwule na la Edɔm na be kaman to ebi nde.

Jɛnesis 36:19

Isɔɔ nɛ mo koŋwule la Edɔm na be mbia mo nɛ b daa la bewura nɛ bumo nɛ b daa maŋ la bewura nna na.

Jɛnesis 36:8

Amoso Isɔɔ nɛ mo koŋwule na la Edɔm na, daŋ ya chena Edɔm be efuli so be abee to nna.

2 Samuɛl 1:22

Jonatan be keta daa maa to a paŋ. Nɛ Sɔɔl malɛ be tokobi daa maa wu kuwɔr. Bedoŋ lempo nɛ k daa mɔ.

2 Samuɛl 10:6

Ammɔnebi na ka pin fanɛ b wora n da ewura Deevid so ga so, nɛ b ya fin Siriya be benapo nɛ bumo be ŋgboŋ adunyɔ shi Bɛtrihɔb nɛ Zoba, nɛ ŋgboŋ kuduanyɔ malɛ shi Tɔb, nɛ kagboŋ malɛ shi Maaka be ewura kutɔ.

2 Samuɛl 8:15

Saŋɛ nɛ Deevid daa la Israɛl be efuli so kikɛ be ewura na, e daa ji asheŋ nɛ amo be ekpa so nna nsaa wora asheŋ nɛ a niŋi.

2 Samuɛl 8:3

Ndoŋ nna nɛ ewura Deevid lar a yɔ Yufreetes be Lɔr na ase nɛ e ya ŋini fanɛ ndoŋ la mo peya nna. E ka bee yɔ na, nɛ e ya tu Zoba be ewura nɛ baa tre Hadadeza nɛ mo tuto la Rehob na ŋ kɔ kena m pɔɔ mo so.

1 Bewura 11:23

Ebɔrɛ malɛ daŋ shin nna nɛ Eliada pibinyɛn Rezɔn nɛ ewura Sɔlɔmɔn ki bedoŋ. Saŋɛ so nɛ ewura Deevid daŋ kɔ kena m pɔɔ ewura Hadadeza so nseŋ mɔ Siriya be basa nɛ b daŋ ba chɛ mo to a kɔ na nɛ Rezɔn ere daŋ shile mo nyɛnpe Zoba be ewura Hadadeza,

2 Bewura 14:27

Ama ŋkpal k kaa daa maŋ la Enyɛnpe Ebɔrɛ na be kepar fanɛ e mur Israɛl be basa cheche so, e daŋ bɔla ewura Jeroboam so nna m mɔlga bumo.

1 Samuɛl 12:2

Men gbagba ere wu kananɛ n juŋkpar menyi saŋɛ so nɛ n la kabrantiɛ na kikɛ. Naniere bre m bel nɛ ma emin malɛ gba fuli. Ma mbinyɛnsobi gba ki benimu. Naniere k daga men ka keni kananɛ menyi be ewura na beeŋ ba keni menyi so.

1 Samuɛl 13:1

Sɔɔl daa la nfɛ adesa nna nseŋ ba ki Ewura. E daŋ ji Israɛl be kuwura nfɛ adena nɛ anyɔ nna.

1 Samuɛl 14:46

Kumo be kaman nɛ Sɔɔl yige kebaaju a buu Filistiebi na so; nɛ Filistiebi na bɛta n yɔ bumo be efuli so.

1 Samuɛl 14:52

Sɔɔl ka daa wɔ ŋkpa to na, mo nɛ Filistiebi na daŋ kɔ ana kpakpaso damta nna. Mo alɛ daŋ baŋ wu enapo kama nɛ e kɔ eleŋ ŋko kenyɛn, e daa ta mo nna a ti mbe benapo so.

1 Samuɛl 21:7

Duɛg nɛ e shi Edɔm be efuli so nsaa la Sɔɔl be mbolpɔkpapo nimuso na gba daŋ ba ndoŋ kumo be kamɔnchɛ nna, nɛ e ba bunyaŋ Enyɛnpe Ebɔrɛ.