1 Samuɛl 14:45 - EBƆRƐ BE KAWƆL

⁴⁵ Ama le nɛ basa na daŋ kaŋɛ Sɔɔl: “Jonatan nɛ e kɔ kena m pɔɔ so n sa Israɛl be efuli ere e daga luwu a? Loŋ maaŋ wora kikɛ, ŋkpal manɛ so, an teŋ nase kɔnɔ Enyɛnpe Ebɔrɛ nɛ e la anyi be shɛdajipo na be anishito fanɛ Jonatan be kemin gba maaŋ tia, ŋkpal manɛ so, Ebɔrɛ e chɛ mo to nɛ e wora kusɔ nɛ e wora kabre ere.” Amoso basa na e daŋ mɔlga Jonatan nɛ e maŋ luri luwu to.

1 Samuɛl 14:45 ပူးပေါင်းရင်းမြစ်များ

2 Samuɛl 14:11

Nɛ kache na kaŋɛ le: “Yiramu, jande, kule Enyɛnpe nɛ fo Ebɔrɛ na saŋɛ na so ŋkurgepoana nɛ b sɔ ma pibinyɛn ere be luwu be asheŋ a shin nɛ b kɔ n tal to ere maaŋ mɔ ma pibinyɛn nɛ e ka ere malɛ n naaŋ bar asheŋ lubi ko n ti so.” Nɛ ewura Deevid kaŋɛ le: “Ŋkpal Ebɔrɛ ka la ma shɛdajipo so shɛŋ maaŋ tiŋ n tɔrɔ fo pibinyɛn ere kikɛ.”

1 Bewura 1:52

Nɛ Sɔlɔmɔn malɛ kaŋɛ le: “Nɛ e beeŋ bɛ ma so bre, m maaŋ yuu mo kukuti gba; ama nɛ e maaŋ wora loŋ bre, e beeŋ wu.”

2 Kronikɛls 19:11

Bɔrɛmatapowura nimuso Amariya e naaŋ baa ji kabɔrɛshuŋ be kaplɛa so be asheŋ to, nɛ Zebadiya nɛ e la Ishmaɛl pibinyɛn nɛ e la Juda be gomena na malɛ e baa ji asheŋ nɛ a ka na to. Livaiebi na malɛ e naŋ baa keni nɛ kananɛ b nase asheŋ na a shuŋ. Men ba leŋ men be amu to nsaa bɛ keŋini ere so nɛ Enyɛnpe Ebɔrɛ e baa wɔ bekama nɛ b kɔ kashenteŋ be kaman!”

Nehemaya 9:27

Amoso fo ta bumo nna m bɔɔ bumo doŋana enɔ, nɛ b kɔrfɛ bumo ga. Ama bumo be awurfoŋ na to, b daŋ kule fo fanɛ fo chɛ bumo to nna. Ebɔrɛso nɛ fo wɔ nseŋ nu bumo be kekule, ŋkpal fo kuwɔrwu ka shi ga so, fo daŋ shuŋi bejuŋkparpo nna nɛ b ba kɔ n suge bumo ashi bedoŋ be enɔ to.

Aizaaya 13:3

N tre ma benapo lempoana nɛ b yirda bumo be amu n lar nɛ b ya kɔ kena ŋ gberge basa nɛ n nya agbo n wɔtɔ na kusoe.

Matiu 10:30

Ama menyi ere, Ebɔrɛ nyi kananɛ men be emin gba sa.

Luuk 21:18

ama menyi be kemin koŋwule kama gba maaŋ mur.

Ashuŋ Shunso 14:27

B ka ba Antiɔk nɛ b shɛr asɔriebi na kikɛ ŋ kaŋɛ bumo asɔ nɛ bumo nɛ Ebɔrɛ wora kikɛ nɛ kananɛ e bugi ekpa n sa nnyamase gba nɛ b yirda.

Ashuŋ Shunso 15:12

Pɔɔl nɛ Baanabas ka bee kute Ebɔrɛ be etɔɔnɛsheŋ nɛ emamachisheŋ damta nɛ Ebɔrɛ shin nɛ b wora nnyamase na to be asheŋ ere nɛ basa na kikɛ la to boeŋ a nu.

Ashuŋ Shunso 21:19

Ndoŋ nna nɛ Pɔɔl chɔrɔ bumo nseŋ kaŋɛ bumo asɔ nɛ Ebɔrɛ bɔla mo so n wora nnyamase to kikɛ nyam.

Ashuŋ Shunso 27:34

Jande men ji ajibi n nya eleŋ m mɔlga menyi gbagba be amu. Menyi be ekama maaŋ paŋ mbe kemin koŋwule gba.”

Romebi 15:18

Meeŋ baa kɔ kenyɛn nawule a malga asheŋ nɛ Kristo na wora ashi ma to nɛ loŋ e tiŋ n shin nɛ m bɔla mmalga nɛ ashuŋ shunso to n shin nɛ nnyamase e ba kaa nu a sa Ebɔrɛ.

1 Kɔrintebi 3:9

Ebɔrɛ mo braana beshumpo e la anyi nɛ menyi alɛ du fanɛ mbe kasawule nseŋ naa du fanɛ mbe ebu nɛ e bee pɔr.

2 Kɔrintebi 6:1

Naniere anyi nɛ Ebɔrɛ ka bee shuŋ ere, anyee kule nsaa fiɛ menyi so nna fanɛ men sa maa sɔ Ebɔrɛ be kuwɔr be kakɛ na kenyanyaŋɛso.

Kelaraŋŋini 17:14

Baaŋ kɔ Kpakpafɔlbi na kena, ama Kpakpafɔlbi na beeŋ pɔɔ bumo so, mo e la benyɛnpe to be Enyɛnpe nɛ bewura to be Ewura na. Saŋɛ na so, mo nɛ mbe basa treso nɛ bumo koŋwule na la basa laraso nseŋ naa la mbe bebɛsopo mo nɛ b maa lar mo kaman na beeŋ baa wɔtɔ.”

Kelaraŋŋini 19:14

Ebɔrɛso be benapo daŋ buu wajɛ fuful lela nɛ a walɛ so n fuli parr nna n dii egbaŋɛ fuful m bɛ mo so.

1 Samuɛl 11:13

Ama le nɛ Sɔɔl bre daŋ kaŋɛ: “B maaŋ mɔ esa kama kabre ŋkpal manɛ so le be kachɛ ere nɛ Enyɛnpe Ebɔrɛ ta m mɔlga Israɛl be basa.”

1 Samuɛl 14:23

B daŋ kɔ bumo kena hale n ya choŋ Bɛf Avɛn so. Kumo be kamɔnchɛ nɛ Enyɛnpe Ebɔrɛ mɔlga Israɛlebi na.

1 Samuɛl 14:46

Kumo be kaman nɛ Sɔɔl yige kebaaju a buu Filistiebi na so; nɛ Filistiebi na bɛta n yɔ bumo be efuli so.

1 Samuɛl 19:5

E ta mbe kumu gba nna ŋ kpa kelera saŋɛ nɛ e ya mɔ Goliɛf na. Kumo alɛ be loŋ e shin nɛ Enyɛnpe Ebɔrɛ kɔ n sɔ Israɛl be basa na. Fo alɛ gba ka wu kumo be loŋ nɛ fo kagbene fuli fo. Nɛ manɛ e ba nɛ fee sha kewora esa nɛ e maŋ wora shɛŋ kulubi hale a fin Deevid nɛ fo mɔ kenyanyaŋɛso?”