1 Samuɛl 14:40 - EBƆRƐ BE KAWƆL

⁴⁰ Kumo be kaman nɛ Sɔɔl kaŋɛ Israɛlebi be benapo na kikɛ le: “Men kikɛ e ya yili ndoŋ ere nɛ ma alɛ nɛ Jonatan e ya yili nfe ere.” Nɛ bumo kikɛ shuli so.

1 Samuɛl 14:40 ပူးပေါင်းရင်းမြစ်များ

2 Samuɛl 15:15

Nɛ b shuli so ŋ kaŋɛ le: “Mm, Yiramu, kusɔ kama nɛ fo kaŋɛ, anyeeŋ wora”

1 Samuɛl 1:23

Nɛ Ɛlkana kaŋɛ le: “K nyalɛ, wora kusɔ nɛ fee fɛ fanɛ k walɛ n sa fo, ama baa wɔ laŋ to n ya fo saŋkama nɛ feeŋ ku kebia na kenyipo. Enyɛnpe Ebɔrɛ e shin nɛ fo kɔnɔ nɛ fo nase na e bɔlɔ so.” Ndoŋ nna nɛ Haana chena laŋ to a nyipo kebia na n ya fo saŋɛ nɛ e ku mo kenyipo.

1 Samuɛl 14:36

Kumo be kaman nɛ Sɔɔl kaŋɛ le: “Men shin nɛ an ya kɔ Filistiebi na kanyɛ ere kikɛ hale n ya fo karechɛso m mɔ bumo kikɛ nseŋ muu bumo be asɔ kikɛ.” Ndoŋ nna nɛ b kaŋɛ le: “Anyeeŋ wora kusɔ kama nɛ fee sha.” Nɛ bɔrɛmatapo Ahija malɛ kaŋɛ le: “Men shin nɛ an bishi Ebɔrɛ kusɔ nɛ anyeeŋ wora.”

1 Samuɛl 14:39

Ŋkpal Enyɛnpe Ebɔrɛ nɛ e bee shin nɛ Israɛlebi bee kɔ a pɔɔ so na ka la ma shɛdajipo so, esa kama nɛ e wora kulubi daga luwu nna, hale nɛ k ba fanɛ m pibinyɛn Jonatan gba e wora kumo.” Ama esa kama daa maŋ kaŋɛ shɛŋ.

1 Samuɛl 14:41

Nɛ Sɔɔl kule Enyɛnpe Israɛl be Ebɔrɛ na ŋ kaŋɛ le: “Enyɛnpe, manɛ nna nɛ fo maŋ tuge ma kabre? Jande ŋini anyi esa nɛ e wora kulubi. Nɛ ma nɛ m pibinyɛn Jonatan e wora kulubi ŋko fo basa Israɛlebi na e wora kulubi, fo kaŋɛ anyi.” Nɛ bɔrɛmatapo na bishi Ebɔrɛ nseŋ wu fanɛ kulubi na shi Jonatan ŋko Sɔɔl kutɔ nna.

1 Samuɛl 14:7

Nɛ kabrantiɛbia na kaŋɛ le: “Wora kusɔ kama nɛ fee sha. M bɛ fo so nɛ ma kagbene kikɛ.”