1 Samuɛl 14:16 - EBƆRƐ BE KAWƆL

¹⁶ Sɔɔl be benapo nɛ b wɔ Gibia na k wɔ Bɛnjamin be kasawule so a dara bumo doŋana na, daŋ wu Filisti be benapo na ka bee shile a yɛla kenishi to kaplɛkama.

1 Samuɛl 14:16 ပူးပေါင်းရင်းမြစ်များ

Nshɛ 58:7

Shin nɛ b foe fanɛ kabombi to be nchu ka wɔlto na. B baŋ gberge bumo be ata to, fo shin nɛ atanyembi na be nnɔ e gbel.

Nshɛ 68:2

Shin nɛ b pesaŋ to fanɛ edishi. Shin nɛ b ŋalga fo anishito fanɛ kananɛ kemushoŋmar bee ŋalga edɛ to na.

Aizaaya 19:2

Ndoŋ nna nɛ Enyɛnpe Ebɔrɛ na kaŋɛ le: “Meeŋ shin nɛ kelantokɔ e ku Ijipt be efuli so nɛ bekurgepo e kilgi a kɔ abar nɛ bechenashapo malɛ gba e baa kɔ abar. Kadegboŋ ko beeŋ kɔ kuko kena nɛ kuwurgboŋ ko e kɔ kuwurgboŋ nyɔsopo kena.

Demujipoana 7:22

Gidiɔn nɛ mbe benapo alfa asa na ka foŋ bumo be mbel na nɛ Enyɛnpe Ebɔrɛ na shin nɛ keyeŋiyeŋi tɔr bumo doŋana na so nɛ b pee etokobi a kɔ abar, nseŋ fara a shile a yɔ Bɛf Shitta nɛ k wɔ Zarera be kaba so na. B daŋ shile hale n ya fo Abel Mɛhola nɛ k taga Tabat to na.

1 Samuɛl 14:15

Ndoŋ nna nɛ kufu pɛ Filisti be benapo na ga. Bumo nɛ b wɔ keeyi na to na nɛ bumo nɛ b wɔ kade na be kupuŋ to na gba nɛ benapo nɛ baa ta kena a purgi basa na nɛ benapo nɛ b wɔ anishito a kuŋ keeyi na kikɛ daa chicha kufuso nna, nɛ Ebɔrɛ shin nɛ kasawule gbuŋgbuŋ nɛ keyeŋiyeŋi tɔr bumo so.

1 Samuɛl 14:17

Ndoŋ nna nɛ Sɔɔl kaŋɛ mbe benapo na le: “Men karga benapo na ŋ keni bumo e maŋ wɔtɔ!” B ka karga bumo nɛ b wu fanɛ Jonatan nɛ kabrantiɛbia nɛ e bee sulɔ mbe akɔsɔ na e maŋ wɔtɔ.

1 Samuɛl 14:20

Kumo be kaman nɛ Sɔɔl nya manaŋ n tre mbe benapo m ba abar so nɛ b yɔ Filistiebi na be keeyi to nɛ b ya kɔ bumo kena, ama b ka yɔ nɛ kebagato tɔr Filistiebi na so nɛ bumo gbagba kilgi a mɔ abar.