1 Samuɛl 14:15 - EBƆRƐ BE KAWƆL

¹⁵ Ndoŋ nna nɛ kufu pɛ Filisti be benapo na ga. Bumo nɛ b wɔ keeyi na to na nɛ bumo nɛ b wɔ kade na be kupuŋ to na gba nɛ benapo nɛ baa ta kena a purgi basa na nɛ benapo nɛ b wɔ anishito a kuŋ keeyi na kikɛ daa chicha kufuso nna, nɛ Ebɔrɛ shin nɛ kasawule gbuŋgbuŋ nɛ keyeŋiyeŋi tɔr bumo so.

1 Samuɛl 14:15 ပူးပေါင်းရင်းမြစ်များ

Jɛnesis 35:5

Jeekɔb nɛ mbe kanaŋ ka lar Shɛkɛm a yɔ nɛ Ebɔrɛ shin nɛ kufu pɛ nde nɛ b bɔla amo ase a choŋ na be basa. Amoso b daŋ maŋ tiŋ n wora Jeekɔb nɛ mbe basa shɛŋ.

2 Samuɛl 5:24

Men ka baŋ nu awɔr ka bee chɛ ndibi na to, kumo ere men fara a kɔ, ŋkpal manɛ so, meeŋ juŋkpar menyi n ya kɔ m pɔɔ Filistiebi be benapo na so.”

Job be kawɔl 18:11

Kenishipere nɛ k bee keta kufu bɛ bumo so kaba kama so nna.

Nshɛ 14:5

Menyi alɛ nɛ kufu nɛ keyeŋiyeŋi nna, ŋkpal manɛ so, Ebɔrɛ wɔ basa nɛ baa wora asheŋ niŋiso kutɔ nna.

Ɛksodɔs 19:18

Kumo be kachɛ na, Sainai be kebeegboŋ na so kikɛ daŋ baa la edishi nna, ŋkpal manɛ so, Enyɛnpe Ebɔrɛ daŋ bɔla edɛ to nna m ba kumo so. Nɛ kumo be edishi na daŋ yɔ awɔlto fanɛ edishi nɛ a shi edɛ nɛ baa chɔɔ nɛ a shi ga na nɛ kebeegboŋ na kikɛ gbuŋgbuŋ to eleŋso.

Danɛl 5:6

Nɛ kufu pɛ mo alegaiso nɛ mbe anishito ki foleebi nɛ mbe amuli kikɛ fara a chicha nɛ e niŋi to ŋ gben.

Matiu 24:6

Menyeeŋ ba kaa nu fanɛ basa bee kɔ abar ana nseŋ naa nu fanɛ basa beeŋ kɔ abar ana, ama men sa maŋ shin nɛ menyi be ŋgbene e baa ku menyi, ŋkpal manɛ so, a daga loŋ be asheŋ na ka wora, ama lalaloge be jemanɛ na maŋ naŋ fo pɔɛŋ.

Joshuwa 2:9

“M baa nyi geeŋ fanɛ Enyɛnpe Ebɔrɛ na ta kasawule ere nna n sa menyi nɛ kumo be loŋ e shin nɛ kufu nɛ keyeŋiyeŋi e tɔr ekama nɛ e wɔ efuli ere so so.

Demujipoana 7:21

Gidiɔn be benapo na kikɛ kraa yil nna ŋ kulti Midianebi na n wɔtɔ, nɛ Midianebi na kikɛ fara a boŋ to nsaa shile a mɔlga bumo be amu.

1 Samuɛl 13:17

Filisti be benapo nɛ baa ta kena a purgi basa a suge bumo be asɔ na daŋ barga bumo amu to ntuŋ asa nna n lar bumo be keeyi to. Ntuŋ na be kuko daŋ bɔla Ɔfra ashi Shuwal be efuli so nna.

1 Samuɛl 13:18

Nɛ kuko bɔla Bɛf Hɔrɔn be kaba so nɛ katuŋ nɛ k ka na malɛ bɔla Zeboyim be ketaŋɛ na be kaba nɛ k dese n shoŋi keshishɛrsawule na be ekarso be kaba so na.

1 Samuɛl 13:23

Ndoŋ nna nɛ Filistiebi na shuŋi benapo be katuŋ ko fanɛ b yɔ Mikmash n ya kuŋ ekpa nɛ k dese m bɔla abee na to na.

1 Samuɛl 14:14

Pɔɛŋ nɛ Jonatan nɛ kabrantiɛbia nɛ e bee sulɔ mbe akɔsɔ na nite fanɛ ateŋgreŋ kalfa nɛ b teŋ mɔ Filistiebi na be benapo adunyɔ ashi sososo be kena nɛ b kɔ na to.

1 Samuɛl 14:16

Sɔɔl be benapo nɛ b wɔ Gibia na k wɔ Bɛnjamin be kasawule so a dara bumo doŋana na, daŋ wu Filisti be benapo na ka bee shile a yɛla kenishi to kaplɛkama.

1 Samuɛl 7:10

Samuɛl kraa lara sarga na nna, nɛ Filistiebi na gbaŋ m buu bumo so nɛ b kɔ bumo, nɛ Enyɛnpe Ebɔrɛ shin nɛ bɔrɛ ponte nɛ Filistiebi na be nfɛra wul bumo to nɛ keyeŋiyeŋi tɔr bumo so nɛ b shile.