1 Samuɛl 14:1 - EBƆRƐ BE KAWƆL

¹ Kachako nɛ Sɔɔl pibinyɛn Jonatan kaŋɛ kabrantiɛbia nɛ e bee sulɔ mbe akɔsɔ na le: “Shin nɛ an yɔ Filistiebi be benapo na be keeyi to.” Ama Jonatan malɛ daa maŋ kaŋɛ mo tuto Sɔɔl kumo be asheŋ,

1 Samuɛl 14:1 ပူးပေါင်းရင်းမြစ်များ

Maika 7:5

Sa maŋ kaŋ yirda fo echenashapo ŋko fo teri kikɛ. Baa de kusɔ nɛ fee kaŋɛ fo eche gba so.

Demujipoana 14:6

Ama Enyɛnpe Ebɔrɛ na be Kiyoyu gbelge m ba Samsɔn so nɛ e nya eleŋ n ta mbe enɔana m pɛ buluŋ na m gberge to n tuge to fanɛ k ka la kaboebi na. Mo alɛ daŋ maŋ kaŋɛ mo nio ŋko mo tuto kusɔ nɛ e wora na be asheŋ.

Demujipoana 14:9

Ndoŋ nna nɛ e lute emushoŋkurfɔ na be ako n wɔtɔ enɔ to a ji a yɔ. E ka ya tu mo nio nɛ mo tuto na nɛ e sa bumo alɛ gba mushoŋ na be ako nɛ b ji. Ama e daa maŋ kaŋɛ bumo fanɛ buluŋ nɛ e wu n yaa na to nɛ e lara amo.

Demujipoana 6:27

Ndoŋ nna nɛ Gidiɔn keta mbe nyɛrbi kudu n ya wora kusɔ nɛ Enyɛnpe Ebɔrɛ na kaŋɛ mo na. Ama ŋkpal e ka daa ŋana mbe kanaŋ to ebi nɛ kade na to ebi so, kanyɛso nɛ e daŋ wora loŋ.

1 Samuɛl 13:2

Kachako nɛ Sɔɔl lara Israɛl be benyɛn ŋgboŋ asa nɛ b ki mbe benapo. Benapo na be ŋgboŋ anyɔ daa wɔ mo kutɔ nna ashi abee nɛ a kulti Mikmash nɛ Bɛtɛl na, nɛ kagboŋ koŋwule malɛ daa wɔ Jonatan kutɔ ashi Gibia nɛ k wɔ Bɛnjamin be efuli so na, nɛ e shin bumo nɛ b ka na yɔ epe.

1 Samuɛl 13:22

Amoso Israɛl be benapo na be ekama daa maa keta tokobi ŋko kekpa a yɔ kena to, she Sɔɔl nɛ mo pibinyɛn Jonatan nawule.

1 Samuɛl 13:23

Ndoŋ nna nɛ Filistiebi na shuŋi benapo be katuŋ ko fanɛ b yɔ Mikmash n ya kuŋ ekpa nɛ k dese m bɔla abee na to na.

1 Samuɛl 14:2

Sɔɔl be benapo alfa ashe na daa wɔ mbe keeyi to ashi kedibi nɛ k duli kokotiko na be kifito ashi Migrɔn nɛ kumo nɛ Gibia daa maŋ wɔ kufɔ ko na nna.

1 Samuɛl 25:19

Kumo be kaman nɛ e kaŋɛ nyɛrbi na le: “Men ta asɔ ere a juŋkpar nɛ ma alɛ e wora a bɛ menyi so a ba.” Ama e daa maŋ kaŋɛ mo kul Nabaal kusɔ nɛ e daa wora.