1 Samuɛl 13:9 - EBƆRƐ BE KAWƆL

⁹ Ndoŋ nna nɛ Sɔɔl kaŋɛ benapo na le: “Men ta asɔbɔya nɛ meeŋ ta n lara sarga chɔɔso nɛ amo nɛ meeŋ ta n lara kɔnɔkoŋwule be sarga na m bar ma.” Nɛ b ta amo m ba sa mo nɛ e lara sarga chɔɔso n sa Enyɛnpe Ebɔrɛ.

1 Samuɛl 13:9 ပူးပေါင်းရင်းမြစ်များ

2 Samuɛl 24:25

nseŋ pɔr bɔrɛsure ndoŋ n sa Enyɛnpe Ebɔrɛ. Kumo be kaman nɛ e lara esarga chɔɔso nɛ kɔnɔkoŋwuleso be esarga. Ndoŋ nna nɛ Enyɛnpe Ebɔrɛ na nu mbe kabɔrɛkule nɛ aleblawu nɛ k wɔ Israɛl na kikɛ ku.

1 Bewura 3:4

Kachɛgboŋachɛ ko, e daŋ yɔ kakpa nɛ baa bunyaŋ Ebɔrɛ ashi Gibiɔn na nna n ya lara sarga bɔrɛsure nɛ keshi a chɔ amo nɛ a ka na kikɛ so. E daŋ lara esarga damta kumo so nna.

Nshɛ 37:7

Baa kɔ kanyiti a jo Enyɛnpe be saŋɛ. Sa maŋ shin nɛ k baa tɔrɔ fo ŋkpal asheŋ ka bee nite nɛnɛ a sa belubiworapo so.

Aŋasa 15:8

Enyɛnpe Ebɔrɛ kishi belubiworapo be sarga ga, ama basa lela bre be kabɔrɛkule bee bɔlɔ mo kenishi nna ga.

Aŋasa 20:22

Sa maa kɔ a fin kewora n tal esa nɛ e wora fo kulubi to. Shin nɛ Enyɛnpe Ebɔrɛ e bishi kuwule n sa fo.

Aŋasa 21:27

Enyɛnpe Ebɔrɛ kishi belubiworapo be sarga ga. Fɔŋfɔŋ saŋɛ nɛ b nya kumo ekpa lubi so na.

Aŋasa 21:3

Kewora kusɔ nɛ k niŋi nɛ kashenteŋji bee par Enyɛnpe Ebɔrɛ a chɔ sarga be kelara.

Aizaaya 66:3

Basa kikɛ bee wora bumo be aparsheŋ nna nsaa wɔtɔ a wora mbushusheŋ kananɛ baa sha. Ŋkpal loŋ so, esa kama nɛ e ta gbolu n lara sarga n sa ma nɛ esa nɛ e mɔ esa kikɛ la kukoŋwule nna; nɛ emo nɛ e ta kpakpafɔlbi n lara sarga malɛ nɛ esa nɛ e kii jɔnɔ be kubɔ to m mɔ gba la kukoŋwule nna. Bekama malɛ nɛ baa ta ayu a lara esarga a sa ma nɛ basa nɛ baa ta epreku be ŋklaŋ a lara esarga kikɛ la kukoŋwule nna ashi ma anishito. Esa nɛ e bee chɔɔ duwu a lara sarga a sa ma nɛ emo nɛ e bee shuŋ agbir kikɛ la kukoŋwule nna.

Ditɛronɔmi 12:5

Enyɛnpe Ebɔrɛ na gbagba beeŋ lara kakpa nɛ menyi to be eyiriana na beeŋ baa shɛr a shuŋ mo ashi bumo be mboŋ nɛ baaŋ chena.

Ditɛronɔmi 12:6

Loŋ be mboŋana na nɛ menyeeŋ baa lara menyi be esarga chɔɔso nɛ menyi be kudu kudusopoana nɛ ŋkɛ be yiri yiri nɛ menyeeŋ nase nnɔ n sa Enyɛnpe Ebɔrɛ na nɛ menyi be keparso be esarga nɛ ana nɛ mbolpɔ be ewurkoŋ be esarga nɛ esarga nɛ a ka na kikɛ.

1 Samuɛl 14:18

Ndoŋ nna nɛ Sɔɔl kaŋɛ Ahija nɛ e daa la bɔrɛmatapo na le: “Ba nɛ an bishi Ebɔrɛ kusɔ nɛ e bee sha fanɛ an wora.”