1 Samuɛl 13:6 - EBƆRƐ BE KAWƆL

⁶ Ndoŋ nɛ b yili ŋ kre kena m ba kɔ Israɛlebi na n shin nɛ ebɔl lar bumo. Nɛ Israɛl be benapo ko shile n ya ŋana abeelaŋ to nɛ beko malɛ ya ŋana amaŋ to nɛ abee to nɛ ajanmaŋ to nɛ atirbu nɛ a maŋ kɔ nchu to;

1 Samuɛl 13:6 ပူးပေါင်းရင်းမြစ်များ

2 Samuɛl 24:14

Nɛ Deevid kaŋɛ le: “Nuso be asheŋ nde? Asheŋ ere be kekama maŋ bɔ! Ama maa sha keji tɔrɔ dimɛdi be enɔ to. Amoso shin nɛ Enyɛnpe Ebɔrɛ gbagba e gberge ma kusoe, ŋkpal manɛ so e la kuwɔrwu be Ebɔrɛ nna.”

Aizaaya 42:22

Ama naniere mbe basa ki basa nɛ beko suge bumo be asɔ eleŋso nna, nseŋ ta bumo kikɛ n wɔtɔ emaŋ chiŋgeliŋ to ŋko n ti ebu nɛ esa kikɛ maaŋ tiŋ n lara bumo. Beko daŋ suge asɔ kama b daa kɔ nna nɛ esa kama malɛ daa maŋ wɔtɔ nɛ e kɔ n sɔ amo n sa bumo.

Jɛremaya 41:9

Ketirbu nɛ Ishmaɛl nɛ mbe benapo daŋ ta basa nɛ b daŋ mɔ n ti Gɛdaliya so n lɛ to na daa la ketirbu nɛ Juda be ewura Asa na daŋ kur a suse bɔrɛchu jemanɛ nɛ Israɛl be kuwurgboŋ nɛ k wɔ kelargato be esoso na be ewura Baasha na daa kɔ mo kena na nna. Ishmaɛl daŋ mɔ basa na nna m bɔlɔ ketirbu na.

Ezikɛl 33:27

Kaŋɛ bumo fanɛ ŋ ka la Enyɛnpetale Ebɔrɛ nɛ e bee sa ŋkpa so, mee fɛa basa nɛ b kraa wɔ nde bureso na to na so nna nsaa kaŋɛ bumo fanɛ baaŋ wu kena to. Kumo be kaman nɛ kupuŋ to be asɔbɔya lubi e pɛ bumo nɛ b wɔ ndekarso na n we, nɛ kulɔ e mɔ bumo nɛ bumo alɛ ŋana a wɔ abee so nɛ abeelaŋ to na.

Filipaiebi 1:23

M baŋ ki nna cham a wɔ asɔ anyɔ na to be nferinto, ŋkpal manɛ so, kusɔ nɛ mee sha e la kelar durnya ere to n ya kaa wɔ Kristo kutɔ, kusɔ nɛ k baa bɔ malɛ nna na.

Hibruwebi 11:38

Le be basa ere kikɛ, durnya be kelela daa maŋ fo bumo peya so, amoso bumo be beko daa na kiyi to nna nɛ abeeana so nɛ abeelaŋana to nɛ amaŋana to nna.

Joshuwa 8:20

Ai be benyɛn na ka gbɛ ŋ keni nɛ bumo be kade kikɛ bee suse edɛ nɛ edishi bee dii a yɔ awɔlpa to. Nɛ b wora cham a maŋ naa nyi kakpa nɛ baaŋ naŋ bɔla ŋ ŋana, ŋkpal manɛ so saŋɛ na so nɛ Israɛlebi nɛ b daŋ ju a yɔ keshishɛrsawule so na malɛ kilgi nɛ b kɔ bumo.

Demujipoana 10:9

Ammɔnebi na malɛ daŋ dii Jɔɔdan be lɔr na nna m ba kaa kɔ Juda nɛ Bɛnjamin nɛ Efrayim be mbuna ebi kena. Nɛ kagbene jija damta daŋ tɔr Israɛlebi na so.

Demujipoana 20:41

Ndoŋ nna nɛ Israɛl be benapo na kilgi n tu bumo nɛ kufu pɛ Bɛnjamin be benapo na, ŋkpal manɛ so, b wu fanɛ baa shin nɛ b mur nna na.

Demujipoana 6:2

Ŋkpal Midianebi na ka daa chɔ Israɛlebi na eleŋ ga so, Israɛlebi na daŋ fin mboŋ nna ŋ ŋana ashi abeelaŋ to nɛ abeeana so nɛ mboŋ nɛ basa maaŋ wu bumo.

1 Samuɛl 13:15

Kumo be kaman nɛ Samuɛl lar Gilgaal m pɛ mbe ekpa n choŋ. Ndoŋ nna nɛ basa na be beko bɛ Sɔɔl so n ya ti benapo nɛ b ka na so. Gilgaal nɛ b daŋ fara n nite hale n ya fo Gibia nɛ k wɔ Bɛnjamin be efuli so na. Sɔɔl ka karga benapo nɛ b ka na, b daa wɔ basa alfa ashe.

1 Samuɛl 14:11

Ndoŋ nna nɛ b shin nɛ Filistiebi na wu bumo nseŋ kaŋɛ le: “Men keni Israɛlebi na ka lar amaŋ nɛ b daŋ ŋana amo to na a ba.”

1 Samuɛl 14:22

Israɛlebi damta nɛ b daŋ ŋana abee nɛ a wɔ Efrayim be efuli so na ka nu fanɛ Filistiebi na bee shile na, nɛ b lar kakpa nɛ b ŋana na m ba chɛ to a ju Filistiebi na kenishipereso.

1 Samuɛl 23:19

Ade be kaman nɛ basa ko nɛ b shi Ziif be kade to yɔ Sɔɔl kutɔ ashi Gibia n ya kaŋɛ le: “Deevid maŋ wɔ kufɔ. E wɔ anyi be efuli so be kebeegboŋ nɛ baa tre Hakila nɛ k wɔ Jeshimɔn be kelargato be kaseto be kaba so m mata Hɔrɛsh na.

1 Samuɛl 24:3

E daŋ ba kebeelaŋ ko nɛ k mata mbolpɔ be aluu nɛ a mata ekpa na nna nseŋ luri ndoŋ nɛ e ya jɔŋɛ. Loŋ be saŋɛ na nɛ Deevid nɛ mbe basa malɛ ŋana loŋ be kebeelaŋ na be ŋkpar to.

1 Samuɛl 31:7

Israɛlebi nɛ b wɔ Jizreel be ketaŋɛ be kaba ndoŋ, nɛ bumo nɛ bumo alɛ wɔ Jɔɔdan be lɔr na be epeŋilarkpa be kaba so na ka nu fanɛ Israɛl be benapo shile nɛ b mɔ Sɔɔl nɛ mbe mbinyɛnsobi, nɛ bumo alɛ gba shile n lar bumo be nde to nɛ Filistiebi na ba sɔ amo n chena.

1 Samuɛl 7:7

Filistiebi na ka nu fanɛ Israɛlebi na shɛr Mizpa nɛ bumo be bewura nɛ benapo yɔ nɛ b ya kɔ Israɛlebi na. Israɛlebi na ka nu loŋ, nɛ kufu pɛ bumo.