1 Samuɛl 13:5 - EBƆRƐ BE KAWƆL

⁵ Ndoŋ nna nɛ Filistiebi na tre bumo be benapo m ba shɛr abar so nɛ b kɔ Israɛlebi kena. B daa kɔ egbaŋɛturko ŋgboŋ asa nɛ egbaŋɛdiipoana ŋgboŋ ashe nɛ bumo be benapo nɛ b na aya so malɛ daa shi fanɛ teku ase be leele. Nɛ b ya wora bumo be keeyi to ashi Mikmash nɛ k wɔ Bɛf Avɛn be epeŋilarkpa be kaba so na.

1 Samuɛl 13:5 ပူးပေါင်းရင်းမြစ်များ

Jɛnesis 22:17

meeŋ nɛfa fo kashenteŋto nseŋ shin nɛ fo kaman to ebi e baa shi fanɛ awɔlpa to be achɛkpabi nɛ teku ase be shishɛr na. Fo kaman to ebi beeŋ ba koso m pɔɔ bumo doŋana so n sɔ bumo be ndeana.

2 Samuɛl 17:11

Ma kasotoji e la fanɛ fo yili Dan be kade to ashi kelargato be esoso be kaba so n chala Israɛl be benapo n ya fo Bɛshiba be kade to be kelargato be kaseto na saŋɛ na so feeŋ nya benapo, nɛ b baa shi fanɛ teku ase be leele na, nɛ fo Absalɔm gbagba e juŋkpar nɛ an ya kɔ Deevid kena.

1 Bewura 20:27

Nɛ Israɛlebi na gba bela ase nɛ b ya tu bumo ŋ kɔ. Ndoŋ nna nɛ bumo kikɛ ya wora bumo be nyi to ŋ kilgi amo be anishito n shoŋi abar. Siriya be benapo daa shibi nna n sɔ kaplɛkama pɛlɛlɛ ama Israɛlebi be benapo na bre daa du nna fanɛ mboe be ntuŋ wurbi anyɔ ka yil m mata abar.

2 Kronikɛls 1:9

O Enyɛnpe Ebɔrɛ, jande shin nɛ fo nnɔ nɛ fo nase n sa n tuto na e bɔlɔ so. Fo ta ma nna ŋ ki basa nɛ b shibi m baŋ so kekarga ere be ewura,

Aizaaya 10:28

Bedoŋ be benapo na daŋ ba kɔ n suge kade nɛ baa tre Ai na. B daŋ bɔla Migrɔn nna, nseŋ daŋ yige bumo be asɔ nɛ ajibi ashi kakpa nɛ baa tre Mikmash na,

Aizaaya 48:19

Menyi be kaman to ebi beeŋ wora keshi fanɛ shishɛr, nɛ ma alɛ e shin nɛ b sa maŋ mur kikɛ

Jɛremaya 15:8

Juda be kasawule so be bekulpoche beeŋ ba kaa chɔ teku ase be eshishɛr gba. Meeŋ shin nɛ menyi be mbrantiɛfɔlbi e wu nɛ bumo nioana e ji awurfoŋ. Meeŋ shin nɛ kagbenejija nɛ kufugboŋ e tɔr bumo so epul to.

Hoziya 10:5

Kufu beeŋ pɛ basa nɛ b wɔ Samɛria be kadegboŋ to na, nɛ b shu ga ŋkpal bumo be kegbir nɛ b ta shuwa m pɔr fanɛ gbolu na ka foe ashi Bɛtɛl so. Bumo nɛ agbirwuraana nɛ baa shuŋ kumo na beeŋ shu ga ŋkpal kumo so. Saŋɛ nɛ baaŋ marga kumo so be shuwa na nɛ baaŋ shu awɔrso ga.

Hoziya 4:15

“Menyi Israɛl be basa maa ji kashenteŋ a sa ma, ama men sa maŋ shin nɛ Judaebi gba e luri loŋ be kulubi koŋwule ere to. Men sa maŋ naa yɔ Gilgaal ŋko Bɛtavɛn n ya kaa bunyaŋ agbir ŋko a nase nnɔ Enyɛnpe Ebɔrɛ na be ketre to.”

Hoziya 5:8

Men foŋ kena to be kabel ŋ kpele Gibia nɛ Raama nɛ Bɛtavɛn be basa kikɛ kusoe, nɛ Bɛnjamin be basa malɛ e bela ase n yɔ kena to!

Romebi 9:27

Le nɛ anebi Aizaaya bee kaŋɛ Israɛlebi be asheŋ awɔrso: “Nɛ Israɛlebi baa shi fanɛ teku ase be ajembubi gba, bumo to be gbrɛbi e naaŋ nya kumɔlga.

Joshuwa 11:4

Nɛ bumo nɛ bumo be benapo nɛ b shi fanɛ teku ase be leele na nɛ bumo be egbaŋɛ nɛ egbaŋɛturko damta ba.

Joshuwa 18:12

Bumo be kasawule na be kelargato be esoso be kaba so be ekar fara Jɔɔdan be lɔr na to nna m gbelge to n yɔ Jɛriko be kelargato be esoso be kaba so nseŋ ya sɔ to epeŋitɔrkpa be kaba so m bɔla abee be efuli so hale n ya fo Bɛf Avɛn be keshishɛrsawule na,

Joshuwa 7:2

Kachako nɛ Joshuwa shuŋi basa ko ashi Jɛriko fanɛ b yɔ Ai nɛ k mata Bɛfavɛn ashi Bɛtɛl be epeŋilarkpa na n ya ŋana n dara kananɛ ndoŋ be kasawule na du.

Demujipoana 7:12

Midianebi nɛ Amalɛkebi nɛ eyiri nɛ b shi epeŋilarkpa na kikɛ daŋ pesaŋ to nna n sɔ ketaŋɛ na to kikɛ fanɛ elotɔr ka gama abar so na. Enyɔma nɛ b daa kɔ ndoŋ na be keshi daa du fanɛ teku ase be shishɛr nna.

1 Samuɛl 13:11

Nɛ Samuɛl bishi mo le: “Manɛ nɛ fo wora ere?” Nɛ Sɔɔl kaŋɛ: “Ma benapo na bee pesaŋ to nna a yɔ, fo alɛ maŋ ba saŋɛ nɛ k daga fanɛ fo ba na. Kumo be kaman Filistiebi na bee gama abar nna ashi Mikmash.

1 Samuɛl 13:2

Kachako nɛ Sɔɔl lara Israɛl be benyɛn ŋgboŋ asa nɛ b ki mbe benapo. Benapo na be ŋgboŋ anyɔ daa wɔ mo kutɔ nna ashi abee nɛ a kulti Mikmash nɛ Bɛtɛl na, nɛ kagboŋ koŋwule malɛ daa wɔ Jonatan kutɔ ashi Gibia nɛ k wɔ Bɛnjamin be efuli so na, nɛ e shin bumo nɛ b ka na yɔ epe.

1 Samuɛl 14:23

B daŋ kɔ bumo kena hale n ya choŋ Bɛf Avɛn so. Kumo be kamɔnchɛ nɛ Enyɛnpe Ebɔrɛ mɔlga Israɛlebi na.

1 Samuɛl 14:52

Sɔɔl ka daa wɔ ŋkpa to na, mo nɛ Filistiebi na daŋ kɔ ana kpakpaso damta nna. Mo alɛ daŋ baŋ wu enapo kama nɛ e kɔ eleŋ ŋko kenyɛn, e daa ta mo nna a ti mbe benapo so.

1 Samuɛl 17:1

Kachako nɛ Filisti be basa ba abar so ashi Sukɔɔ nɛ k wɔ Juda be efuli so na nɛ b ba kɔ Israɛl be basa kena. B daŋ wora bumo be keeyi to ashi Efis Dammim nɛ k wɔ Sukɔɔ nɛ Azeka be kefɛato na nna.

1 Samuɛl 7:13

Israɛl be benapo na daŋ pɔɔ Filistiebi na so nna. Samuɛl be jemanɛ so malɛ kikɛ Enyɛnpe Ebɔrɛ daŋ chɛ Israɛlebi na to nna nɛ Filistiebi na maŋ naŋ tiŋ n sɔ bumo be efuli kikɛ.