1 Samuɛl 13:2 - EBƆRƐ BE KAWƆL

² Kachako nɛ Sɔɔl lara Israɛl be benyɛn ŋgboŋ asa nɛ b ki mbe benapo. Benapo na be ŋgboŋ anyɔ daa wɔ mo kutɔ nna ashi abee nɛ a kulti Mikmash nɛ Bɛtɛl na, nɛ kagboŋ koŋwule malɛ daa wɔ Jonatan kutɔ ashi Gibia nɛ k wɔ Bɛnjamin be efuli so na, nɛ e shin bumo nɛ b ka na yɔ epe.

1 Samuɛl 13:2 ပူးပေါင်းရင်းမြစ်များ

2 Samuɛl 20:1

Kanyɛn ko nɛ e daa ku asheŋ nɛ baa tre Shɛba nɛ e la Bikri pibinyɛn nseŋ shi Bɛnjamin be yiri to daa wɔ Gilgaal nna. E daŋ foŋ kabel nna m ber kubomboŋ ŋ kaŋɛ le: “Men sa maŋ bɛ Jɛsi pibinyɛn Deevid so! E maŋ la anyi to be eko! Israɛlebi men shin nɛ an yɔ epe!”

2 Samuɛl 21:6

Amoso, lara mbe kanaŋ to be benyɛn ashunu n sa anyi nɛ an ya chɛ bumo efɔl n shiga ashi Enyɛnpe Ebɔrɛ be ewura laraso Sɔɔl be kade nɛ baa tre Gibia na be kakpa nɛ baa bunyaŋ Enyɛnpe Ebɔrɛ na.” Nɛ Deevid yɛ: “Meeŋ ta bumo n sa menyi.”

Ɛzra 2:27

Mikmash ebi daa la basa kalfa nɛ adunyɔ nɛ anyɔ.

Nehemaya 11:31

Nde nɛ Bɛnjamin be yiri to ebi malɛ daa wɔ e la Geeba nɛ Mikmash nɛ Ai nɛ Bɛtɛl nɛ kumo be ndewurbi nɛ

Joshuwa 18:28

Zela nɛ Helɛf nɛ Jerusalɛm nɛ k la Jebusiebi be kadegboŋ na, nɛ Gibia nɛ Kiriaf Jearim. Amo alɛ nɛ amo be ndewurbi daa la nde kuduana. Kasawule nɛ Bɛnjamin be yiri to ebi daŋ nya fanɛ bumo be kapetɛ nna na.

Joshuwa 22:6

Kumo be kaman nɛ Joshuwa nɛfa bumo nseŋ ta le kubɔya n sa bumo fanɛ b yɔ epe: “Menyee bɛta a yɔ epe nɛ kedamaya nɛ asɔbɔya nɛ gbiti nɛ shuwa nɛ ntishaŋ peper nɛ abɛlso nɛ asɔbuuso damta. Men ya sa men braana asɔ nɛ men sɔ men doŋana kutɔ na be ako.” Nɛ b lar n yɔ. Mosis e daŋ sa Manase be yiri to ebi be bargato kasawule ashi Jɔɔdan be lɔr na be epeŋilarkpa nɛ Joshuwa malɛ sa yiri na be bargato nɛ k ka na nɛ eyiri nɛ a ti so na kasawule ashi Jɔɔdan be lɔr na be epeŋitɔrkpa be kaba so.

Demujipoana 19:12

Nɛ mo nyɛnpe kaŋɛ: “Ayai. Anyi maaŋ dese basa nɛ b maŋ la Israɛlebi ere be kade to. Anyeeŋ baa yɔ kade nɛ baa tre Gibiya na ŋko Rama, n ya dese amo be kuko to n wushi.”

1 Samuɛl 10:26

Ndoŋ nna nɛ Ebɔrɛ malga n sa benapo lempo ko nɛ b ber ŋgbene n shuŋi Sɔɔl n yɔ Gibia.

1 Samuɛl 10:5

Kumo be kaman nɛ fo yɔ Gibia, kakpa nɛ Filistiebi be benapo be keeyi to wɔ na. Fo baa luri kade na to, feeŋ tu anebiana be katuŋ ko nɛ b bɛ abar so n shi kakpa nɛ baa bunyaŋ Ebɔrɛ na a gbelge to a ba nɛ b juŋkpar bumo a laŋ ejaŋjilaŋ nɛ ŋkure nɛ egoji nsaa foŋ nlopi nɛ bumo alɛ bee wu asheŋ a kaŋɛ.

1 Samuɛl 13:1

Sɔɔl daa la nfɛ adesa nna nseŋ ba ki Ewura. E daŋ ji Israɛl be kuwura nfɛ adena nɛ anyɔ nna.

1 Samuɛl 13:11

Nɛ Samuɛl bishi mo le: “Manɛ nɛ fo wora ere?” Nɛ Sɔɔl kaŋɛ: “Ma benapo na bee pesaŋ to nna a yɔ, fo alɛ maŋ ba saŋɛ nɛ k daga fanɛ fo ba na. Kumo be kaman Filistiebi na bee gama abar nna ashi Mikmash.

1 Samuɛl 13:15

Kumo be kaman nɛ Samuɛl lar Gilgaal m pɛ mbe ekpa n choŋ. Ndoŋ nna nɛ basa na be beko bɛ Sɔɔl so n ya ti benapo nɛ b ka na so. Gilgaal nɛ b daŋ fara n nite hale n ya fo Gibia nɛ k wɔ Bɛnjamin be efuli so na. Sɔɔl ka karga benapo nɛ b ka na, b daa wɔ basa alfa ashe.

1 Samuɛl 13:16

Sɔɔl nɛ mo pibinyɛn Jonatan nɛ bumo be benapo daŋ yɔ bumo be keeyi to ashi Gɛba nɛ k wɔ Bɛnjamin be efuli so na nna. Ama Filisti be benapo na bre be keeyi to daa wɔ Mikmash nna.

1 Samuɛl 13:23

Ndoŋ nna nɛ Filistiebi na shuŋi benapo be katuŋ ko fanɛ b yɔ Mikmash n ya kuŋ ekpa nɛ k dese m bɔla abee na to na.

1 Samuɛl 13:5

Ndoŋ nna nɛ Filistiebi na tre bumo be benapo m ba shɛr abar so nɛ b kɔ Israɛlebi kena. B daa kɔ egbaŋɛturko ŋgboŋ asa nɛ egbaŋɛdiipoana ŋgboŋ ashe nɛ bumo be benapo nɛ b na aya so malɛ daa shi fanɛ teku ase be leele. Nɛ b ya wora bumo be keeyi to ashi Mikmash nɛ k wɔ Bɛf Avɛn be epeŋilarkpa be kaba so na.

1 Samuɛl 14:31

Ta n ya ka fo kaaseso be jemanɛ nɛ Israɛl be benapo na kikɛ gben ga ŋkpal b ka fara Mikmash a mɔ Filistiebi na hale n ya fo Aijalɔn so.

1 Samuɛl 14:5

Ajembu gboŋgboŋi na be kuko daa yil kebee na be kelargato be esoso be kaba so nna a shoŋi Mikmash, nɛ kuko malɛ wɔ kelargato be kaseto nsaa shoŋi Gɛba be kaba so.

1 Samuɛl 14:52

Sɔɔl ka daa wɔ ŋkpa to na, mo nɛ Filistiebi na daŋ kɔ ana kpakpaso damta nna. Mo alɛ daŋ baŋ wu enapo kama nɛ e kɔ eleŋ ŋko kenyɛn, e daa ta mo nna a ti mbe benapo so.

1 Samuɛl 15:34

Kede be kaman nɛ Samuɛl bɛta n yɔ Raama nɛ Sɔɔl malɛ bɛta n yɔ mbe kade to Gibia.

1 Samuɛl 24:3

E daŋ ba kebeelaŋ ko nɛ k mata mbolpɔ be aluu nɛ a mata ekpa na nna nseŋ luri ndoŋ nɛ e ya jɔŋɛ. Loŋ be saŋɛ na nɛ Deevid nɛ mbe basa malɛ ŋana loŋ be kebeelaŋ na be ŋkpar to.

1 Samuɛl 26:2

Epul to nɛ Sɔɔl keta Israɛl be benapo nɛ b nyi kena be kekɔ ga na be ŋgboŋ asa n yɔ Ziif be kiyi na to nɛ e ya fin Deevid.

1 Samuɛl 8:11

E yɛ: “Le nɛ menyi be ewura na beeŋ wora menyi. E beeŋ tintiŋ men be mbinyɛnsobi nɛ b ki mbe benapo nseŋ shin nɛ bumo be beko e baa far mbe egbaŋɛturko nɛ beko malɛ e baa di egbaŋɛ a kɔ kena, nɛ beko e baa shile a juŋkpar mbe egbaŋɛturko.