1 Samuɛl 13:12 - EBƆRƐ BE KAWƆL

¹² Ndoŋ nna nɛ n fɛ fanɛ Filistiebi na beeŋ ba kɔ ma kena ashi Gilgaal. Ma alɛ daa maŋ lara sarga kikɛ a fin kechɛto ashi Enyɛnpe Ebɔrɛ kutɔ, amoso nɛ n fɛ fanɛ k daga fanɛ n lara sarga na.”

1 Samuɛl 13:12 ပူးပေါင်းရင်းမြစ်များ

Nshɛ 66:3

Men kaŋɛ Ebɔrɛ fanɛ mbe aworbi kikɛ kɔ kufu nna, nɛ mbe eleŋgboŋ na bee shin nɛ mo doŋana bee chicha a jɔŋɛ mo ase kufuso.

Eemɔs 8:5

Menyi e naa kaŋɛ men be amu le na: “Saŋɛ mo nɛ kufɔl popɔr ere beeŋ wu nɛ an ya fa anyi be ayu. Saŋɛ mo nɛ kewushiachɛ na beeŋ choŋ nɛ an naaŋ fara a fa asɔ yawu kpakpaso nsaa puni a ta ekurwawurbi a karga asɔ?

2 Kɔrintebi 9:7

Kanaŋkama nɛ ekama fɛ mbe kagbene to fanɛ e beeŋ sa, e sa nsaa maa shin nɛ k naa besa mo ŋko a wora fanɛ b kaa bee tintiŋ mo na, ŋkpal manɛ so, esa nɛ e bee sa kagbenefuliso nɛ Ebɔrɛ bee sha.

1 Samuɛl 13:11

Nɛ Samuɛl bishi mo le: “Manɛ nɛ fo wora ere?” Nɛ Sɔɔl kaŋɛ: “Ma benapo na bee pesaŋ to nna a yɔ, fo alɛ maŋ ba saŋɛ nɛ k daga fanɛ fo ba na. Kumo be kaman Filistiebi na bee gama abar nna ashi Mikmash.

1 Samuɛl 13:13

Ndoŋ nna nɛ Samuɛl kaŋɛ mo le: “Fo wora kawulisheŋ ga. Fo maŋ bɛ kenishipere be mmalga nɛ Enyɛnpe fo Ebɔrɛ na kaŋɛ fo na so. Fo daŋ bɛ amo so nna e daa beeŋ shin nɛ fo nɛ fo kaman to ebi e baa ji Israɛl be kuwura mbaanaayɔ.

1 Samuɛl 15:12

Kumo be ŋklade kachipurdidi Samuɛl koso nɛ e ya fin Sɔɔl, nseŋ nu fanɛ Sɔɔl yɔ Kamɛl be kade to. Ndoŋ nɛ e pɔr kapɔrduli tenteŋ n yili nɛ b baa kɔ kumo a nyiŋi mo. E ka loge nɛ e yɔ Gilgaal.

1 Samuɛl 15:22

Ndoŋ nna nɛ Samuɛl kaŋɛ le: “Ade be kumo bre nɛ Enyɛnpe Ebɔrɛ na bee sha ga? Kebaakɔ kasonu ŋko kebaalara esarga? Kebaakɔ kasonu bɔ fo kaa ta mbolpɔ duliduli a lara esarga e sa mo.

1 Samuɛl 21:7

Duɛg nɛ e shi Edɔm be efuli so nsaa la Sɔɔl be mbolpɔkpapo nimuso na gba daŋ ba ndoŋ kumo be kamɔnchɛ nna, nɛ e ba bunyaŋ Enyɛnpe Ebɔrɛ.