1 Samuɛl 12:23 - EBƆRƐ BE KAWƆL

²³ Nɛ m baŋ yige kebaakule Ebɔrɛ a sa menyi, kumo ere Enyɛnpe Ebɔrɛ na nɛ m maŋ wora kasonu na. Meeŋ ŋini menyi kusɔ nɛ k daga fanɛ men baa wora.

1 Samuɛl 12:23 ပူးပေါင်းရင်းမြစ်များ

1 Bewura 8:36

kumo ere, Enyɛnpe Ebɔrɛ, yili esoso n nu bumo be kekule nseŋ ta fo basa Israɛlebi be alubi m paŋ bumo nseŋ ŋini bumo kusɔ nɛ k daga, n shin nɛ bɔrɛ e ba fo kasawule nɛ fo ta n sa fo basa fanɛ bumo be kapetɛ mbaanaayɔ ere so.

2 Kronikɛls 6:27

kumo ere, Enyɛnpe Ebɔrɛ yili esoso n nu bumo be kekule nseŋ ta fo basa Israɛlebi be alubi m paŋ bumo nseŋ ŋini bumo kusɔ nɛ k daga nseŋ shin nɛ bɔrɛ e ba fo kasawule nɛ fo ta n sa fo basa fanɛ bumo be kapetɛ mbaanaayɔ ere so.

Nshɛ 122:6

Men kule kayurwushi n sa Jerusalɛm; saŋɛ na so, asheŋ beeŋ nite nɛnɛ n sa bekama nɛ b kɔ kasha n sa kumo na.

Nshɛ 34:11

Ma mbia, men kaŋ kusoe n nu; nɛ n ŋini menyi kananɛ menyeeŋ baa bunyaŋ Enyɛnpe na.

Nshɛ 34:12

Menyeeŋ baa sha kenu kebaawɔtɔ to be ebel a? Menyeeŋ baa sha efute tenteŋ nɛ kagbenefuli a?

Ɛksodɔs 32:30

Kumo be ŋklade kachipurso nɛ Mosis kaŋɛ basa na le: “Men wora kulubi gboŋgboŋi ga, ama meeŋ naŋ bɛta n dii kebee na so n ya kule Enyɛnpe Ebɔrɛ na ŋ keni ashere e beeŋ ta men be alubi m paŋ menyi.”

Aŋasa 4:11

Ŋ ŋini fo kanyiasheŋ, nɛ kananɛ feeŋ baa kɔ kebaawɔtɔ niŋi so.

Kaŋinichiŋgeliŋ 12:10

E wora ania fanɛ e beeŋ keni to n fin mmalgabi nɛ e bee wushi kagbene. Kusɔ nɛ e sibɛ na malɛ niŋi nna nsaa la kashenteŋ.

Aizaaya 30:21

Nɛ fanɛ men foe ekpa a yɔ jisoso ŋko bena so gba, menyeeŋ nu mbe ebɔl menyi be kamanto ka bee kaŋɛ le: “Ekpa na nde. Men bɔla kumo so.”

Jɛremaya 15:1

Ndoŋ nna nɛ Enyɛnpe Ebɔrɛ na kaŋɛ ma le: “Nɛ Mosis nɛ Samuɛl nɛ b daa la anebiana gba ti fo so nfe a kule ma fanɛ n wu basa ere kuwɔr, m maaŋ nu bumo be kekule nseŋ wu bumo kuwɔr. Amoso shin nɛ Juda be basa e lar ma anishi to a yɔ.”

Jɛremaya 27:18

Nɛ fanɛ ŋ gbagba e daŋ malga n sa anebiana ere, b daa beeŋ baa nyi kusɔ nɛ mee sha kewora na, nseŋ kule ma fanɛ n sa maŋ naŋ shin nɛ bedoŋ e ba ta shuwa nɛ gbiti be asɔ nɛ e ka bɔrɛlambu na to nɛ Juda be ewurkpa nɛ Jerusalɛm be mboŋ nɛ a ka na n yɔ Babilɔn be efuli so.”

Jɛremaya 42:4

Nɛ ma alɛ kaŋɛ le: “To, n nu kusɔ nɛ men kaŋɛ na! Meeŋ kule Enyɛnpe, anyi be Ebɔrɛ na, fanɛ kananɛ men kaŋɛ na. Kusɔ kama nɛ e kaŋ kaŋɛ ma, meeŋ kaŋɛ menyi. M maaŋ ta shɛŋ ŋ ŋana menyi so.”

Jɛremaya 6:16

Ade kikɛ be kaman nɛ Enyɛnpe Ebɔrɛ naŋ kaŋɛ mbe basa le: “Men yili ŋkpancheri n to anishi ŋ keni, nseŋ bishi m pin ekpa dra nɛ men nananyɛnana daa bɔla so a wora asheŋ na nsaa bɔla kumo so wora asheŋ, saŋɛ na so nɛ men baa wɔ kayurwushi be kebaawɔtɔ to.” Ama le nɛ men daŋ kaŋɛ: “Ayai, anyi maaŋ wora loŋ!”

Ashuŋ Shunso 12:5

Amoso nɛ b daŋ shin nɛ Pita daŋ kraa wɔ kabuti to na. Ama jemanɛ na so nɛ asɔriebi na malɛ wɔ kabɔrɛkule kpakpaso to a sa Pita.

Ashuŋ Shunso 20:20

Men nyi fanɛ saŋɛ nɛ n daŋ bɔ kubɔya na n sa menyi nseŋ ŋini menyi asheŋ basa to nɛ menyi peana na, n daa maŋ ta kusɔ kama nɛ k beeŋ chɛ menyi to ŋ ŋana menyi so kikɛ.

Romebi 1:9

Ebɔrɛ nɛ n ta ma kagbene kikɛ nyam a bɔ mo Pibinyɛn be baru lela na gbagba e la ma shɛdajipo a nyi menyi be asheŋ ka baa wɔ ma kagbene to ashi ma kabɔrɛkule to saŋkikɛ.

1 Kɔrintebi 9:16

Ama m maŋ kɔ ekpa bre nɛ ŋ kpal ŋ ka bee bɔ Baru Lela na so m puchi, ŋkpal manɛ so, k la katiŋ nna fanɛ m bɔ Baru Lela na. Nɛ ma alɛ maŋ bɔ Baru Lela na, asheŋ maaŋ nyalɛ n sa ma kikɛ.

Kɔlɔsiebi 1:28

Yesu Kristo be asheŋ nɛ anyee malga a sa basa kikɛ a fiɛ ekama so nsaa ŋini bumo kanyiashenso nɛ an shin nɛ ekama e pin Yesu Kristo nɛnɛ.

Kɔlɔsiebi 1:9

Kumo so nɛ saŋkama nɛ anyee kule Ebɔrɛ a sa menyi, yili jemanɛ nɛ an nu men be asheŋ na. Anyee kule mo nna fanɛ e shin nɛ men baa pin asɔ nɛ e bee sha nɛnɛ, kumo e la fanɛ nɛ men nya kashennyi m pin kusɔ nɛ e bee sha ashi Kiyoyu Cheeŋ na to.

1 Tɛsalɔnikaebi 3:10

Kapa nɛ kanyɛ anyee bugi anyi be ŋgbene to nna a kule Ebɔrɛ fanɛ e shin nɛ an gbagba e wu menyi n sa menyi yirda na be kusɔ nɛ k ka.

2 Timoti 1:3

Mee chɔrɔ Ebɔrɛ nɛ ŋ kɔ nfɛra lela a shuŋ fanɛ kananɛ n nananyɛnana shuŋ mo na. Saŋkama, kapa nɛ kanyɛ nɛ n nyiŋi fo asheŋ, mee di mo epaŋ nna.

1 Samuɛl 12:19

Ndoŋ nna nɛ b kaŋɛ Samuɛl le: “Jande kule Enyɛnpe fo Ebɔrɛ na n sa anyi, saŋɛ na so anyi maaŋ wu. Naniere an pin fanɛ anyi be alubi nɛ an wora na kikɛ be kaman, anyi be kekaŋɛ fanɛ anyee sha ewura na gba la kulubi nna.”

1 Samuɛl 8:6

K daŋ maŋ par Samuɛl ŋkpal b ka kaŋɛ fanɛ baa fin ewura so. Ndoŋ nna nɛ e kule Enyɛnpe Ebɔrɛ a yɔ kumo be kaplɛa so.