Ade kikɛ be kaman nɛ e kaŋɛ Sɔlɔmɔn malɛ le: “M pibinyɛn, ta fo kagbene nɛ fo nfɛra kikɛ a shuŋ fo tuto be Ebɔrɛ na. Mo e nyi anyi be nfɛra nɛ kusɔ nɛ anyee sha kikɛ. Nɛ fo ba mo kutɔ, e beeŋ sɔ fo, ama nɛ fo shile mo bre, mo alɛ beeŋ kplaŋ fo so mbaanaayɔ.
nɛ e yɔ ewura Asa kutɔ n ya kaŋɛ mo le: “Ewura Asa nɛ Juda nɛ Bɛnjamin be basa, men kikɛ e nu nfe! Men baa nu a sa Enyɛnpe Ebɔrɛ na, mo alɛ beeŋ baa wɔ menyi kutɔ saŋkikɛ. Men baa fin mo, menyeeŋ wu mo, ama nɛ men baŋ pal kaman n sa mo bre, mo alɛ beeŋ yige menyi to.
Nuso nɛ Ijiptebi na beeŋ kaŋɛ a yɔ fo kaplɛa so? B maaŋ kaŋɛ fanɛ fo lara bumo nna ashi Ijipt be kasawule so nna m ba abee to nɛ fo ba mur a? Amoso shin nɛ fo kagbene e dese nɛ fo chɛrga fo nfɛra nsaa maŋ shin nɛ le be tɔrɔ ere e ba fo basa so.
Nɛ ma basa be ebɔl to wɔlto ŋkpal achukoŋ so, nɛ baa fin nchu nɛ b nuu nseŋ kule ma, ma, Enyɛnpe Ebɔrɛ na beeŋ nu bumo be kekule. Ma, Israɛl be Ebɔrɛ na, maaŋ kplaŋ bumo so kikɛ.
Meeŋ juŋkpar etanpo m bɔla ekpaana nɛ b maŋ naŋ bɔla so ŋ ku so so. Meeŋ shin nɛ bumo be tentembiri e ki kefulto nseŋ shin nɛ ekpa lubi nɛ baa nite so e nyalɛ n sa bumo. Ma nnɔ naseso nna na, ma alɛ beeŋ wora m bɔlɔ amo kikɛ so nyam.
Ŋ gbagba so nɛ mee wora le na. M maa sha fanɛ ma ketre e jija nɛ basa e baa keni ma jiga, ŋko n shin nɛ ma nɛ esa ko e chige ma kemaŋkura to. Ma kemaŋkura la n nawule peya nna.”
Ndoŋ nna nɛ Enyɛnpe Ebɔrɛ na kaŋɛ le: “Eche kurgepo beeŋ tiŋ n teŋ kebia nɛ mo gbagba sa mo kenyipo so a? Nɛ ebinio beeŋ tiŋ n teŋ mo kebia so gba, ma ere maaŋ teŋ menyi so kikɛ.
Nyiŋi fo nnɔ naseso nsaa maŋ kini anyi n lɛ. Sa maŋ shin nɛ nyɔmɔ e ba Jerusalɛm nɛ k la kakpa nɛ fo kemaŋkura be kuwurputi wɔ na so. Sa maŋ lar anyi nɛ fo be kɔnɔkoŋwule be ŋkre na kaman.
Ma basa bee shu a tre ma a kaŋɛ le nna: ‘Kashenteŋto, anyi be alubi bee ji a bri anyi, amoso chɛ anyi to, Enyɛnpe Ebɔrɛ, fanɛ kananɛ fo nase kɔnɔ fanɛ feeŋ chɛ anyi to na. Ale damta nɛ an shile n lar fo kaman. An wora alubi ŋ gbiti fo kashenteŋto
Manɛ nna nɛ fee wora asheŋ fanɛ esa nɛ asheŋ purgi loŋ, ŋko fanɛ enapo nɛ e maŋ kɔ eleŋ nɛ e tiŋ n chɛ esa to? Fo Enyɛnpe Ebɔrɛ na wɔ anyi kutɔ kashenteŋto nna! An la fo basa nna nɛ fo bɔrɛlambu wɔ anyi kutɔ nfe, amoso, sa maŋ kini anyi n lɛ.’ ”
Ama n daa maŋ wora loŋ, ŋkpal ŋ ka daa maa sha fanɛ ma ketre e jija efuliana nɛ baaŋ wu kananɛ meeŋ lara ma kumu ŋ ŋini Israɛl be basa nseŋ juŋkpar bumo n lar Ijipt be efuli so na be anishito so.
E yɛ: “Israɛlebi, saŋkama, ma kasha wɔ menyi so nna ga.” Ama le nɛ bumo alɛ daŋ kaŋɛ: “Ekpa mo so nɛ fo ŋini anyi kasha?” Ndoŋ nna nɛ Enyɛnpe Ebɔrɛ kaŋɛ: “Isɔɔ nɛ Jeekɔb la esa nɛ mo sipo nna, ama Jeekɔb nɛ mbe kaman to ebi nɛ n lara a sha ga,
Mannɛ menyi e lara ma, ma e lara menyi nseŋ kaŋɛ menyi fanɛ men ya nya asɔrso nɛ a beeŋ baa wɔtɔ a yɔ. Saŋɛ na so, Etuto na beeŋ sa menyi kusɔ kama nɛ men ta ma ketre ŋ kule mo.
To, kusɔ nɛ mee sha nɛ m bishi e la fanɛ, Ebɔrɛ kini mbe basa nna ŋko? Kaarɛ, ma alɛ gba la Israɛl be efuli so be esa nna n shi Eebraham be kanaŋ to a la Bɛnjamin be yiri to be esa.
Ŋkpal manɛ so, wanɛ e la fo nɛ fee fɛ fanɛ fo bɔ fo niopibiana? Mannɛ Ebɔrɛ e kɛ fo asɔ nɛ fo kɔ ere kikɛ a? To, nɛ manɛ e ba nɛ fee puchi fanɛ asɔ nɛ fo kɔ ere maŋ la kakɛ nna?
Nɛ b kaŋ wora loŋ malɛ, meeŋ nya agbo ga n wora bumo nseŋ kplaŋ bumo so nɛ b mur. Kumu lubi gboŋgboŋi beeŋ ba bumo so nɛ b pin fanɛ asheŋ ere kikɛ bee wora nna ŋkpal ma, bumo be Ebɔrɛ na, ka maŋ naa wɔ bumo kutɔ so.
Men nya kagbene a kɔ kenyɛn. Men sa maa ŋana bumo. Ŋkpal manɛ so, Enyɛnpe menyi be Ebɔrɛ na gbagba beeŋ baa wɔ menyi kutɔ. Mo alɛ maaŋ lar menyi kaman ŋko ŋ kplaŋ menyi so kikɛ.”
A daga fanɛ men wora loŋ ŋkpal manɛ so, men la Enyɛnpe menyi be Ebɔrɛ na be basa gbagba nna. Efuli damtaana e wɔ durnya ere to, ama menyi Israɛl be basa nɛ e lara fanɛ men baa la mo gbagba be basa.
Mannɛ men ka la basa nɛ menyee ji kashenteŋ nsaa wora kusɔ nɛ k daga so nɛ Enyɛnpe Ebɔrɛ na bee ta kasawule na a sa menyi, ama e beeŋ ju bumo nna ŋkpal b ka la basa lubi so nɛ ŋkpal e kaa bee wora a bɔlɔ kɔnɔ nɛ e nase n sa Eebraham nɛ Aizek nɛ Jeekɔb nɛ b la men nananyɛnana na so so.
Amoso, m baa nyi fanɛ Ebɔrɛ nɛ e baŋ fara le be kushuŋ lela menyi to ere beeŋ shin nɛ k baa wɔ menyi to loŋ n ya loge nɛnɛ kachɛ nɛ Kristo Yesu beeŋ naŋ ba na.
Men lara menyi be ŋgbeneana ashi kemansherbisha to nseŋ shin nɛ asɔ nɛ men kɔ na e baa kukwe menyi, ŋkpal manɛ so, Ebɔrɛ kaŋɛ fanɛ: “M maaŋ yige menyi kikɛ, ma alɛ maaŋ kplaŋ menyi so kikɛ.”
Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.