1 Samuɛl 12:2 - EBƆRƐ BE KAWƆL

² Men gbagba ere wu kananɛ n juŋkpar menyi saŋɛ so nɛ n la kabrantiɛ na kikɛ. Naniere bre m bel nɛ ma emin malɛ gba fuli. Ma mbinyɛnsobi gba ki benimu. Naniere k daga men ka keni kananɛ menyi be ewura na beeŋ ba keni menyi so.

1 Samuɛl 12:2 ပူးပေါင်းရင်းမြစ်များ

Nshɛ 71:18

Naniere, nɛ m bel n fuli kumu, sa maŋ pal kaman n sa ma, O Ebɔrɛ. Shin nɛ m baa kraa wɔtɔ a malga fo eleŋgboŋ be asheŋ a sa kaman to ebi nɛ baa ba na.

Nɔmbɛs 27:17

nsaa beeŋ tiŋ ŋ ŋini bumo kena be kekɔ saŋɛ na so fo basa maaŋ baa du fanɛ mbolpɔ nɛ b maŋ kɔ ekpapo na.”

2 Timoti 4:6

Ma ere, jemanɛ nɛ baaŋ ta ma n lara sarga na fo nɛ jemanɛ nɛ meeŋ lar durnya ere to na fo n loge.

Joshuwa 23:1

Enyɛnpe Ebɔrɛ na daŋ sa Israɛlebi na ewushi nfɛ damta nna ashi bumo doŋana kutɔ. Joshuwa malɛ daŋ bel ga nna.

Joshuwa 23:2

Kachako nɛ e tre Israɛlebi be bejuŋkparpo kikɛ, benimu nɛ demujipoana nɛ bumo be ekrachi m ba kaŋɛ bumo le: “Naniere bre m bel.

2 Pita 1:14

N nyi fanɛ k maaŋ naŋ chɛr nɛ ŋ gbaŋ ma eyur ere n lɛ, kumo alɛ be loŋ nɛ an Nyɛnpe Yesu Kristo bugi to ŋ ŋini ma na.

1 Samuɛl 2:22

Eli daŋ bel ga, mo alɛ nsaa nu kusɔ nɛ mbe mbinyɛnsobi na kɔ a ŋini Israɛlebi na hale n nu fanɛ mbia na bee tu beche nɛ baa shuŋ Enyɛnpe Ebɔrɛ be Nshɛr be wajɛbu na be kabuna to na nna a di keche nɛ kenyɛn.

1 Samuɛl 2:29

Ama fo maa keni ma esarga na a bɔlɔ kenishi. Manɛ nna nɛ fee bunyaŋ fo mbinyɛnsobi na a chɔ ma nseŋ shin nɛ baa ji esarga na be mboŋ lela kikɛ?

1 Samuɛl 3:10

Ndoŋ nna nɛ Enyɛnpe Ebɔrɛ ba yili Samuɛl kutɔ n tre mo kananɛ e daŋ tre mo na: “Samuɛl! Samuɛl!” Ndoŋ nna nɛ Samuɛl shuli so ŋ kaŋɛ le: “Baa malga, fo kayɛrbi bee nu.”

1 Samuɛl 3:13

N teŋ kaŋɛ mo fanɛ meeŋ gberge mbe laŋ to ebi kusoe mbaanaayɔ ŋkpal mbe mbinyɛnsobi ka maŋ ta bunyaŋ n sa ma nsaa wora alubi a gbiti ma nɛ mo alɛ kini keshin nɛ b yige kebaawora loŋ so.

1 Samuɛl 3:16

Ama Eli daŋ tre mo nna ŋ kaŋɛ le: “Ma kebia Samuɛl!” Nɛ Samuɛl shuli so ŋ kaŋɛ: “Ma nde n nyɛnpe!”

1 Samuɛl 8:1

Samuɛl ka bel, nɛ e lara mbe mbinyɛnsobi anyɔ nɛ b ki Israɛl be demujipoana.

1 Samuɛl 8:20

Saŋɛ na so anyi alɛ gba beeŋ ba du fanɛ efuli pɔtɛana a kɔ an gbagba be ewura nɛ e baa ji anyi so kuwura nsaa juŋkpar anyi a yɔ ana to n ya kaa kɔ a sa anyi.”

1 Samuɛl 8:3

Ama bumo ere daa maŋ du fanɛ bumo tuto. Amansherbi nɛ bumo kenishi daŋ pere so ga, nɛ baa puni basa a sɔ bumo be asɔ nsaa ji basa be edemuana durmu so.

1 Samuɛl 8:5

n ya kaŋɛ mo le: “Naniere fo bel nna na, nɛ fo mbinyɛnsobi ere malɛ maŋ du fanɛ fo, amoso lara ewura n sa anyi nɛ e baa juŋkpar anyi fanɛ kananɛ efuli pɔtɛana na gba be basa kɔ bewura na.”