1 Samuɛl 12:19 - EBƆRƐ BE KAWƆL

¹⁹ Ndoŋ nna nɛ b kaŋɛ Samuɛl le: “Jande kule Enyɛnpe fo Ebɔrɛ na n sa anyi, saŋɛ na so anyi maaŋ wu. Naniere an pin fanɛ anyi be alubi nɛ an wora na kikɛ be kaman, anyi be kekaŋɛ fanɛ anyee sha ewura na gba la kulubi nna.”

1 Samuɛl 12:19 ပူးပေါင်းရင်းမြစ်များ

Jɛnesis 20:7

Amoso bɛta Sɛɛra naniere n ya sa mo kul, nɛ e kule Ebɔrɛ n sa fo nɛ fo sa maŋ wu, ŋkpal manɛ so e la anebi nna. Ama fo baŋ maŋ bɛta mo n yɔ bre, meeŋ gberge fo kusoe nɛ fo nɛ fo basa kikɛ e wu.”

Job be kawɔl 37:13

Mo e naa shin nɛ bɔrɛ bee ba kasawule so nɛ kakpa bee wushi. E beeŋ tiŋ n shin nɛ k ba ŋ gberge basa kusoe, mo alɛ beeŋ naŋ tiŋ n shin nɛ k ba a ŋini mbe kasha.

Job be kawɔl 42:8

Amoso mee sha fanɛ men ta egbolu ashunu nɛ ekpakpa ashunu n ya sa Job nɛ e ta amo n yili men be katelamu to n lara sarga chɔɔso nɛ k beeŋ par ma. Kumo be kaman nɛ ma kayɛrbi Job e kule Ebɔrɛ n sa menyi nɛ n sɔ mbe kekule na nsaa maaŋ naŋ wora menyi kusɔ nɛ k daga menyi ŋkpal menyi be kawuli so. Menyi maŋ malga kusɔ nɛ k daga a laŋɛ ma kaplɛa so fanɛ kananɛ ma kayɛrbi Job bre wora na.”

Ɛksodɔs 10:17

Amoso men ta ma alubi nɛ n wora na m paŋ ma nseŋ kule Enyɛnpe, men be Ebɔrɛ na nɛ e lara le be aleblawu lubi ere ma so.”

Ɛksodɔs 32:30

Kumo be ŋklade kachipurso nɛ Mosis kaŋɛ basa na le: “Men wora kulubi gboŋgboŋi ga, ama meeŋ naŋ bɛta n dii kebee na so n ya kule Enyɛnpe Ebɔrɛ na ŋ keni ashere e beeŋ ta men be alubi m paŋ menyi.”

Ɛksodɔs 9:28

Amoso kule Enyɛnpe Ebɔrɛ n sa anyi, ŋkpal manɛ so, bɔrɛ na be keponte nɛ abɔrɛjembubi na wora kebanso. Naniere bre n sa menyi ekpa fanɛ men baa yɔ. A maŋ naŋ daga fanɛ men baa kraa wɔ nfe.”

Aizaaya 26:16

Enyɛnpe Ebɔrɛ, fo gberge fo basa kusoe, nɛ b ta kagbenejija nɛ kushu ŋ kule fo.

Jɛremaya 15:1

Ndoŋ nna nɛ Enyɛnpe Ebɔrɛ na kaŋɛ ma le: “Nɛ Mosis nɛ Samuɛl nɛ b daa la anebiana gba ti fo so nfe a kule ma fanɛ n wu basa ere kuwɔr, m maaŋ nu bumo be kekule nseŋ wu bumo kuwɔr. Amoso shin nɛ Juda be basa e lar ma anishi to a yɔ.”

Jɛremaya 27:18

Nɛ fanɛ ŋ gbagba e daŋ malga n sa anebiana ere, b daa beeŋ baa nyi kusɔ nɛ mee sha kewora na, nseŋ kule ma fanɛ n sa maŋ naŋ shin nɛ bedoŋ e ba ta shuwa nɛ gbiti be asɔ nɛ e ka bɔrɛlambu na to nɛ Juda be ewurkpa nɛ Jerusalɛm be mboŋ nɛ a ka na n yɔ Babilɔn be efuli so.”

Jɛremaya 37:3

Ewura Zɛdikaya daŋ shuŋi Shelemaya pibinyɛn, Jehukal nɛ bɔrɛmatapo Zefanaiya nɛ e la Maaseia pibinyɛn na nna fanɛ b ba kaŋɛ ma fanɛ n yili mbe katelamu to ŋ kule Enyɛnpe, anyi be Ebɔrɛ na n sa mo.

Jɛremaya 42:2

m ba kaŋɛ ma le: “Jande, wora kusɔ nɛ anyee kule fo ere n sa anyi. Kule Enyɛnpe, anyi be Ebɔrɛ na n sa anyi kikɛ nɛ an ji efute nsaa wɔ ŋkpa to ere. Jemanɛ nɛ k choŋ na an daa shi nna, ama fo gbagba beeŋ tiŋ n wu fanɛ naniere anyi basa gbrɛbi e ka.

Malakai 1:9

Nɛ menyi bɔrɛmatapoana kule Ebɔrɛ fanɛ e wu anyi kuwɔr e beeŋ nu menyi be kekule a? Nɛ k baŋ ba loŋ, kumo ere menyi e bar kumo.

Nɔmbɛs 21:7

Nɛ basa na ba Mosis kutɔ m ba kaŋɛ le: “Ŋkpal an ka malga ŋ gbiti fo nɛ Enyɛnpe Ebɔrɛ so, an wora kulubi, amoso kule Ebɔrɛ nɛ e ju awɔ ere nfe naniere.” Ndoŋ nna nɛ Mosis kule Ebɔrɛ n sa bumo.

Ashuŋ Shunso 8:24

Nɛ Saimɔn kaŋɛ Pita nɛ Jɔn: “Jande, men kule Ebɔrɛ n sa ma nɛ asheŋ nɛ men malga ere be kekama e sa maŋ wora ma.”

Jeems 5:15

Nɛ b baŋ kule Ebɔrɛ yirdaso, elɔpo na beeŋ nya eleŋ. Enyɛnpe beeŋ chɛ mo nɛ e niŋi to nɛ alubi kama malɛ nɛ e wora, Ebɔrɛ beeŋ ta m paŋ mo.

1 Jɔn 5:16

Esa kama nɛ e wu mo niopibi ka bee wora kulubi nɛ k maŋ la luwu be kulubi, amodoŋwura e kule Ebɔrɛ nɛ e sa mo ŋkpa. Basa nɛ bumo be alubi maa yɛr bumo luwu to na nɛ n de na. Kulubi ko wɔtɔ a yɛr esa luwu to, mannɛ loŋ be kulubi na be kabɔrɛkule nɛ ŋ kaŋɛ fanɛ amodoŋwura na e kule.

1 Samuɛl 12:13

Ewura nɛ men lara na nde. “Menyi e kule fanɛ menyee sha ewura nɛ Enyɛnpe Ebɔrɛ lara mo n sa menyi.

1 Samuɛl 12:17

Mannɛ ketarso nde a? Meeŋ kule Enyɛnpe Ebɔrɛ nɛ e shin nɛ bɔrɛ e ba nseŋ ponte eleŋso. Le be kesheŋ kaŋ wora na, nɛ menyeeŋ pin men ka wora kulubi gboŋgboŋi ŋ gbiti Enyɛnpe Ebɔrɛ, ŋkpal men ka kule mo fanɛ e sa menyi ewura so.”

1 Samuɛl 12:20

Ndoŋ nna nɛ Samuɛl kaŋɛ le: “Men sa maa lɔ kufu. Kashenteŋ nna fanɛ men wora kulubi, ama amo na amo kikɛ, men sa maŋ lar Enyɛnpe Ebɔrɛ na kaman ama men ta menyi be ŋgbene kikɛ a shuŋ mo.

1 Samuɛl 12:23

Nɛ m baŋ yige kebaakule Ebɔrɛ a sa menyi, kumo ere Enyɛnpe Ebɔrɛ na nɛ m maŋ wora kasonu na. Meeŋ ŋini menyi kusɔ nɛ k daga fanɛ men baa wora.

1 Samuɛl 7:5

Ndoŋ nna nɛ Samuɛl kaŋɛ le: “Men tre Israɛlebi na kikɛ nɛ b ba shɛr Mizpa nɛ ŋ kule Enyɛnpe Ebɔrɛ na n sa menyi.”

1 Samuɛl 7:8

Nɛ b kaŋɛ Samuɛl le: “Baa kule Enyɛnpe Ebɔrɛ na fanɛ e mɔlga anyi ashi Filistiebi ere be enɔ to.”

1 Samuɛl 8:6

K daŋ maŋ par Samuɛl ŋkpal b ka kaŋɛ fanɛ baa fin ewura so. Ndoŋ nna nɛ e kule Enyɛnpe Ebɔrɛ a yɔ kumo be kaplɛa so.