1 Samuɛl 12:13 - EBƆRƐ BE KAWƆL

¹³ Ewura nɛ men lara na nde. “Menyi e kule fanɛ menyee sha ewura nɛ Enyɛnpe Ebɔrɛ lara mo n sa menyi.

1 Samuɛl 12:13 ပူးပေါင်းရင်းမြစ်များ

Hoziya 13:11

Amoso n daŋ kaa agbo nna n sa menyi ewura nseŋ naŋ kaa agbo n lara mo ashi menyi to.

Ashuŋ Shunso 13:21

Jemanɛ na so nɛ b kule Samuɛl fanɛ e lara ewura n sa bumo nɛ Ebɔrɛ ta Sɔɔl, Kish nɛ e shi Bɛnjamin be kanaŋ to na pibi n sa bumo fanɛ e ji bumo so kuwura nfɛ adena.

1 Samuɛl 10:24

Ndoŋ nna nɛ Samuɛl kaŋɛ basa na le: “Kanyɛn nɛ Enyɛnpe Ebɔrɛ lara nna na! Esa kama maŋ du fanɛ mo.” Ndoŋ nna nɛ basa na kikɛ cha awɔr ŋ kaŋɛ le: “Ewura! Ebɔrɛ e sa fo ŋkpa tenteŋ!”

1 Samuɛl 11:15

Ndoŋ nna nɛ bumo kikɛ yɔ Gilgaal be kakpa nɛ baa bunyaŋ Ebɔrɛ na n ya yili kumo fanɛ Sɔɔl e la bumo be ewura. Kumo be kaman nɛ b lara kɔnɔkoŋwuleso be esarga ndoŋ nseŋ ji eyur ndoŋ ga.

1 Samuɛl 12:17

Mannɛ ketarso nde a? Meeŋ kule Enyɛnpe Ebɔrɛ nɛ e shin nɛ bɔrɛ e ba nseŋ ponte eleŋso. Le be kesheŋ kaŋ wora na, nɛ menyeeŋ pin men ka wora kulubi gboŋgboŋi ŋ gbiti Enyɛnpe Ebɔrɛ, ŋkpal men ka kule mo fanɛ e sa menyi ewura so.”

1 Samuɛl 12:19

Ndoŋ nna nɛ b kaŋɛ Samuɛl le: “Jande kule Enyɛnpe fo Ebɔrɛ na n sa anyi, saŋɛ na so anyi maaŋ wu. Naniere an pin fanɛ anyi be alubi nɛ an wora na kikɛ be kaman, anyi be kekaŋɛ fanɛ anyee sha ewura na gba la kulubi nna.”

1 Samuɛl 8:5

n ya kaŋɛ mo le: “Naniere fo bel nna na, nɛ fo mbinyɛnsobi ere malɛ maŋ du fanɛ fo, amoso lara ewura n sa anyi nɛ e baa juŋkpar anyi fanɛ kananɛ efuli pɔtɛana na gba be basa kɔ bewura na.”

1 Samuɛl 9:20

Sa maŋ shin nɛ fo ekurma nɛ b foe nchɛ asa kikɛ ere bre be asheŋ e baa fɔŋ fo. B wu bumo. Wanɛ bre nɛ fee tama fanɛ Israɛl bee sha e ka ki bumo be ejuŋkparpo? Mannɛ fo nɛ fo kanaŋ a?”