1 Samuɛl 12:10 - EBƆRƐ BE KAWƆL

¹⁰ Ndoŋ nna nɛ b naŋ shu n tre Enyɛnpe Ebɔrɛ ŋ kaŋɛ le: “An wora kulubi ŋkpal an ka kini keshuŋ fo Enyɛnpe Ebɔrɛ na nsaa shuŋ agbir nɛ baa tre Baal nɛ kegbirche Ashtɔrɛf na so so. Mɔlga anyi ashi an doŋana kutɔ saŋɛ na so anyeeŋ shuŋ fo!”

1 Samuɛl 12:10 ပူးပေါင်းရင်းမြစ်များ

Nshɛ 106:44

Ama b ka shu n tre Enyɛnpe Ebɔrɛ kagbenejijaso, e daŋ nu bumo be kushu na nna.

Aizaaya 26:16

Enyɛnpe Ebɔrɛ, fo gberge fo basa kusoe, nɛ b ta kagbenejija nɛ kushu ŋ kule fo.

Aizaaya 33:22

Enyɛnpe Ebɔrɛ na e la anyi be demujipo nɛ esa nɛ e bee ji kuwura anyi so. Mo e la anyi be ewura nɛ e bee kuŋ anyi nɛ an nya anyi be amu a wɔtɔ.

Joshuwa 13:31

Giliad be kasawule na be bargato nɛ Ashterɔf nɛ Edrei nɛ a la Ɔg be efuli so be ndegboŋ ashi Bashan na kikɛ gba daŋ ti bumo be kasawule so nna. B daŋ ta amo kikɛ nna n sa Makiir nɛ e la Manase pibinyɛn na be yiri to be basa be bargato nɛ a ba la bumo be kapetɛ.

Demujipoana 10:10

Ndoŋ nna nɛ Israɛlebi na shu n tre Enyɛnpe Ebɔrɛ na ŋ kaŋɛ: “An wora alubi ŋ gbiti fo nseŋ kplaŋ anyi be Ebɔrɛ so n ya kaa shuŋ agbir nɛ baa tre Baal na.”

Demujipoana 2:11

Ndoŋ nna nɛ Israɛlebi na ya kaa shuŋ agbir nɛ baa tre Baal nseŋ wora n da Enyɛnpe Ebɔrɛ na so.

Demujipoana 2:13

ŋkpal b ka daŋ yige mbe kebunyaŋ nseŋ ya kaa shuŋ agbir nɛ baa tre Baal nɛ kegbir cheso Ashtɔrɛf na so.

Demujipoana 3:15

Ndoŋ nna nɛ Israɛlebi na naŋ shu n tre Enyɛnpe Ebɔrɛ na nɛ e naŋ sa bumo emɔlgapo nɛ baa tre mo Ehud, nɛ e la enapo nsaa la kanyɛn nɛ baa tre Gɛra, nɛ e shi Bɛnjamin be yiri to na pibinyɛn. Israɛlebi daŋ ta bumo be lampo nna n shuŋi Ehud fanɛ e ta n ya sa ewura Ɛglɔn nɛ e la Mowab be efuli so be ewura na.

Demujipoana 3:7

Israɛlebi na daŋ teŋ Enyɛnpe bumo be Ebɔrɛ na so nna nseŋ wora alubi n da mo so, nsaa shuŋ kegbir nɛ baa tre Baal nɛ kegbirche nɛ baa tre Ashira na.

Demujipoana 3:9

Ama Israɛlebi na ka naŋ shu n tre Enyɛnpe Ebɔrɛ na nɛ e shuŋi Kalɛb mo sipo Kɛnaz pibinyɛn, Ofniɛl, fanɛ e ba mɔlga bumo.

Demujipoana 4:3

Ewura Jabin daa kɔ abɛlso be egbaŋɛturko nɛ b kɔ a yɔ kena to alfa akpanu nna nseŋ daŋ kɔrfɛ Israɛl be basa na ga nfɛ adunyɔ. Ndoŋ nna nɛ Israɛlebi na shu n tre Enyɛnpe Ebɔrɛ na fanɛ e chɛ bumo to.

Demujipoana 6:7

Ndoŋ nna nɛ Israɛlebi na shu n tre Enyɛnpe Ebɔrɛ nɛ e chɛ bumo to ŋ kɔ Midianebi,

1 Samuɛl 7:2

Enyɛnpe Ebɔrɛ be ŋkre be deka na daŋ ji nfɛ adunyɔ kikɛ nna ashi Kiriaf Jearim. Loŋ be jemanɛ na malɛ nɛ Israɛlebi na bee shu a kule Enyɛnpe Ebɔrɛ a fin kechɛto.

1 Samuɛl 7:6

Nɛ Israɛlebi na ba shɛr abar so ashi Mizpa. Samuɛl e daa la bumo be ejuŋkparpo. B daŋ saŋ nchu nna n chulgi n wurge kasawule fanɛ sarga n sa Enyɛnpe Ebɔrɛ. Bumo alɛ daŋ kishi kumo be kamɔnchɛ kikɛ nna nseŋ bugi to ŋ kaŋɛ Enyɛnpe Ebɔrɛ fanɛ b wora alubi n da mo so.