1 Samuɛl 11:5 - EBƆRƐ BE KAWƆL

⁵ K maŋ chɛr ko nɛ Sɔɔl shi ndɔ to m bɛ mbe ana dɔso so a ba m ba bishi bumo le: “Manɛ e wora a? Manɛ nna nɛ ekama bee shu loŋ?” Ndoŋ nna nɛ b kaŋɛ mo kusɔ nɛ mbɔ nɛ b shi Jabesh na ba kaŋɛ.

1 Samuɛl 11:5 ပူးပေါင်းရင်းမြစ်များ

Jɛnesis 21:17

Ndoŋ nna nɛ Ebɔrɛ nu kebia na be kushu na nɛ Ebɔrɛ be malaika shi ebɔrɛso n tre Heega m bishi mo le: “Heega, manɛ nna? Sa maa lɔ kufu. Ebɔrɛ nu kebia na be kushu ashi kakpa nɛ e dese na.

1 Bewura 19:19

Anebi Elaija ka lar a yɔ nɛ e ya tu Shafat pibinyɛn Elaisha nɛ e kɔ ana dɔso a dɔ: Ana dɔso nɛ b chɛ m mata abar benyɔnyɔ kudukako e daŋ juŋkpar mo a dɔ. Nɛ mo alɛ keta katuŋ kuduanyɔsopo na a bɛ so. Ndoŋ nna nɛ anebi Elaija lara mbe piŋi n deŋi Elaisha so.

Nshɛ 78:71

Mbolpɔ na be kekpa to nɛ e daa wɔ nɛ Ebɔrɛ lara mo nseŋ buu mo Israɛl be kuwura nɛ e baa juŋkpar mbe basa nɛ b la Jeekɔb be kaman to ebi na.

Aizaaya 22:1

Kubɔya nɛ k wɔtɔ a laŋɛ ketaŋɛ nɛ baa tre Ebɔrɛdare be Ketaŋɛ na be kaplɛa so nde. Manɛ e naa wora? Manɛ nna nɛ basa nɛ b wɔ kadegboŋ na to bee ji eyur ashi bumo be achoŋi so?

Demujipoana 18:23

nseŋ fara a boŋ to a tre Danebi na nɛ b kilgi m bishi Maika le: “Manɛ e kɔ fo? Manɛ e ba nɛ fo keta basa damta le m bɛ fo kumu so loŋ?”

1 Samuɛl 9:1

Damawura ko e daa wɔtɔ nɛ baa tre mo Kish nɛ e shi Bɛnjamin be yiri to. Mo tuto be ketre e daa la Abiɛl nɛ mo nananyɛn malɛ daa la Zɛrɔ. Zɛrɔ malɛ mo tuto e daa la Bɛkurɔf nɛ Bɛkurɔf malɛ mo tuto daa la Afaya.