1 Samuɛl 11:2 - EBƆRƐ BE KAWƆL

² Nɛ Nahaash kaŋɛ le: “Kusɔ koŋwule so nɛ meeŋ yili nɛ ma nɛ menyi e wora kɔnɔkoŋwule be ŋkre. Meeŋ chule men be ekama be jisoso be kenishi nɛ anishinyɔr e pɛ Israɛlebi na kikɛ.”

1 Samuɛl 11:2 ပူးပေါင်းရင်းမြစ်များ

Jɛnesis 34:14

Le nɛ b daŋ kaŋɛ bumo: “Anyi maaŋ tiŋ n wora le be kesheŋ ere, anyi maaŋ tiŋ n ta an sipoche n sa esa nɛ e maŋ ku kututu. K beeŋ baa la anishinyɔr be kusɔ nna n sa anyi.

2 Bewura 18:31

Men sa maŋ nu n sa Hɛzekaya! Men nu n sa ma efuli so be ewura. Nɛ men ta menyi be amu n sa mo, e beeŋ shin nɛ men ba kraa kɔ menyi be waindibi be adɔana nɛ efigi be ndibi be asɔrso nsaa nuu menyi be atirbu to be nchu

Nshɛ 44:13

Fo shin nɛ an ki basa fuloŋ ashi an braana be anishito nna. Nseŋ shin nɛ anyi be bechenashapo bee wora anyi amɔmɔshiasheŋ nsaa keni anyi jiga.

Ɛksodɔs 3:6

Ma e la fo tutoana, Eebraham nɛ Aizek nɛ Jeekɔb be Ebɔrɛ na.” Ndoŋ nna nɛ Mosis kurgi kumu n yuu to, ŋkpal e ka daa ŋana kekeni Ebɔrɛ na so.

Aŋasa 12:10

Basa lela bee keni bumo be asɔbɔya gba so nɛnɛ nna, ama basa lubi bre be shɛŋ maŋ wɔ bumo be asɔbɔya to.

Jɛremaya 39:7

Ade be kaman nɛ e shin nɛ b chule ewura Zɛdikaya be anishi nseŋ chɛ mo ŋgbɛlɛbi n ta mo n yɔ Babilɔn be efuli so.

Nɔmbɛs 16:14

Men nase kɔnɔ fanɛ menyeeŋ yɛra anyi kudɔsawule lela nɛ k bee wora adɔjibi nɛnɛ nɛ anyeeŋ tiŋ n dɔ asɔrso nɛ baa tre greeps kumo so na so nɛ k ki anyeya. Ama naniere nnɛ nɛ a wɔ? Menyee fule anyi nna. Amoso anyi maaŋ ba!”

Demujipoana 16:21

Ndoŋ nna nɛ Filisti be basa na ba pɛ mo nseŋ lute mbe anishi. Kumo be kaman nɛ b ta mo n yɔ Gaaza nseŋ ya ta danyaŋ be ŋgbɛlɛbi ŋ kre mo nseŋ shin nɛ e bee ŋin kuboo jembu a kɔr asɔ ashi kabuti to.

1 Samuɛl 11:10

Nɛ b kaŋɛ Nahaash le: “Echefo anyeeŋ shuli so n sa fo, saŋɛ na so feeŋ wora anyi kusɔ kama nɛ k par fo.”

1 Samuɛl 12:12

Ama men ka wu Nahaash nɛ e la Ammɔn be ewura na ka bee ba nɛ e ba kɔ menyi na, nɛ men kini Enyɛnpe Ebɔrɛ na fanɛ menyi be ewura nsaa fin menyi gbagba be ewura nɛ e beeŋ baa juŋkpar menyi.

1 Samuɛl 17:26

Nɛ Deevid bishi benapo nɛ b yili n taga mo to na le: “Manɛ nɛ baaŋ sa esa kama nɛ e beeŋ mɔ Filisti be esa ere nseŋ lara Israɛl ashi le be anishinyɔr ere to? Kanyamase jiga ere malɛ e la wanɛ nɛ e bee keni Ebɔrɛ nɛ e wɔ ŋkpa to na be benapo jiga?”