1 Samuɛl 10:7 - EBƆRƐ BE KAWƆL

⁷ Le be etɔɔnɛsheŋ ere baŋ wora m bɔlɔ so, kumo ere fo wora kusɔ kama nɛ fee fɛ fanɛ k walɛ, ŋkpal manɛ so, Ebɔrɛ beeŋ baa juŋkpar fo.

1 Samuɛl 10:7 ပူးပေါင်းရင်းမြစ်များ

Jɛnesis 21:20

Kebia na ka wɔ Para be kiyi na to a daŋ na nɛ Ebɔrɛ wɔ mo kutɔ. E daa wɔ ndoŋ nna loŋ hale n ya daŋ ŋ ki keta be etopo.

2 Samuɛl 7:3

Nɛ Neetan shuli so ŋ kaŋɛ le: “Kusɔ kama nɛ fee fɛ fanɛ feeŋ wora, fo wora, ŋkpal manɛ so, Enyɛnpe Ebɔrɛ na wɔ fo kutɔ.”

Job be kawɔl 31:25

ŋko a puchi ŋkpal asɔ damta nɛ ŋ kɔ so.

Ɛksodɔs 4:8

Kede be kaman nɛ Enyɛnpe Ebɔrɛ naŋ kaŋɛ mo: “Hale nɛ b maŋ yirda ŋko n ta bumo be nfɛra n yuu fo kusɔ nɛ fo juŋkpar n wora na gba so, baaŋ yirda kenyɔsopo ere bre.

Kaŋinichiŋgeliŋ 9:10

Kushuŋ kama nɛ fo nya, baa shuŋ kumo nɛ fo eleŋ kikɛ, ŋkpal manɛ so, k maaŋ chɛr feeŋ yɔ bubuni to, kakpa nɛ kushuŋ nɛ kefɛ nfɛra nɛ kekre asheŋ nɛ kanyiasheŋ maŋ wɔ.

Aizaaya 7:14

To, kumo ere Enyɛnpe Ebɔrɛ na gbagba e naaŋ sa anyi tɔɔnɛ. Kasuŋgurbia nɛ e maŋ nyi enyɛn ŋ ku so beeŋ di kedampo ŋ kurge ebinyɛn nseŋ nase mo ketre Immanuɛl. Kumo be kifito e la fanɛ Ebɔrɛ wɔ anyi kutɔ.

Matiu 1:23

E yɛ: “Kasuŋgurbia nɛ e maŋ nyi enyɛn beeŋ di kedampo ŋ kurge ebinyɛn nɛ b nase mo ketre Emanuɛl. Kumo be kifito e la fanɛ Ebɔrɛ wɔ anyi kutɔ.”

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”

Luuk 2:12

Kusɔ nɛ k beeŋ ŋini menyi kumo nde: Menyeeŋ wu b ka ta ewajɛ m mea kebia na n nase asɔbɔya be deka jiso to, asɔbɔya be edikpa to.”

Baru lela nɛ Jɔn kute na 6:14

Basa na ka wu mamachi be kesheŋ nɛ e daŋ wora na nɛ b fara a kaŋɛ: “Kashenteŋto, Anebi mo nɛ e beeŋ ba durnya ere to na nna na.”

Ditɛronɔmi 20:1

Nɛ men kaŋ yɔ nɛ men ya kɔ men doŋana kena nseŋ wu fanɛ bumo be egbaŋɛ nɛ egbaŋɛturko nɛ benapo shi a chɔ menyeya, men sa maa ŋana bumo. Ŋkpal manɛ so, Enyɛnpe menyi be Ebɔrɛ nɛ e kɔ n suge menyi ashi Ijipt be efuli so na beeŋ chɛ menyi to ŋ kɔ.

Hibruwebi 13:5

Men lara menyi be ŋgbeneana ashi kemansherbisha to nseŋ shin nɛ asɔ nɛ men kɔ na e baa kukwe menyi, ŋkpal manɛ so, Ebɔrɛ kaŋɛ fanɛ: “M maaŋ yige menyi kikɛ, ma alɛ maaŋ kplaŋ menyi so kikɛ.”

Joshuwa 1:5

Esa kama malɛ maaŋ tiŋ m pɔɔ fo so fo kebaawɔtɔ to kikɛ. Kananɛ n daa wɔ Mosis be kaman na, loŋ nɛ meeŋ baa wɔ fo alɛ gba be kaman. M maaŋ yige fo ŋko ŋ kplaŋ fo so kikɛ.

Joshuwa 1:9

Nyiŋi fanɛ n teŋ kaŋɛ fo fanɛ fo baa leŋ fo kumu to nsaa kɔ kagbene. Sa maŋ shin nɛ kufu e pɛ fo nɛ fo pɔ aba, ŋkpal manɛ so, kaplɛkama nɛ fo wɔ, ma, Enyɛnpe fo Ebɔrɛ na wɔ fo kaman.”

Demujipoana 6:12

Ndoŋ nna nɛ malaika na lar Gidiɔn so nseŋ kaŋɛ mo: “Enapo lempo, Enyɛnpe Ebɔrɛ na wɔ fo kutɔ!”

Demujipoana 9:33

Ta a ba kachipurdidi, saŋɛ nɛ epeŋi kraa pete na, nɛ men kre kena m ba gbuŋ kade na. Nɛ Gaal nɛ mbe benapo kaŋ lar kade na to m ba tu menyi a kɔ nɛ men mɔ bumo ga.”

1 Samuɛl 2:34

Saŋɛ nɛ fo mbinyɛnsobi Hofni nɛ Finihas kikɛ beeŋ wu kachɛ koŋwule na nɛ feeŋ pin fanɛ kusɔ kama nɛ ŋ kaŋɛ na beeŋ bɔlɔ so kashenteŋto.

1 Samuɛl 20:13

Nɛ fanɛ e bee sha ketɔrɔ fo malɛ nna, meeŋ kaŋɛ fo nseŋ chɛ fo to nɛ fo shile ŋ ŋana mo so. Nɛ ma alɛ kaa maŋ wora loŋ, kumo ere Enyɛnpe Ebɔrɛ e gberge ma kusoe. Ma kabɔrɛkule e la fanɛ Enyɛnpe Ebɔrɛ e chɛ fo to fanɛ kananɛ e chɛ n tuto to na,

1 Samuɛl 3:19

Samuɛl ka bee daŋ na kikɛ nɛ Enyɛnpe Ebɔrɛ daa wɔ mo kutɔ nseŋ shin nɛ asɔ nɛ e kaŋɛ na malɛ be kekama bɔlɔ so.