1 Samuɛl 10:1 - EBƆRƐ BE KAWƆL

¹ Ndoŋ nna nɛ Samuɛl ta ɔlif be ŋku kɔlbabi to n chulgi n wurge Sɔɔl be kumu so nseŋ chɔrɔ mo fanɛ kananɛ baa chɔrɔ ewura na ŋ kaŋɛ le: “Enyɛnpe Ebɔrɛ na e lara fo fanɛ mbe basa Israɛlebi be ejuŋkparpo. Feeŋ baa juŋkpar mbe basa a kuŋ bumo ashi bumo doŋana kikɛ kutɔ. Kusɔ nɛ ŋ kaŋɛ ere be tɔɔnɛ nɛ feeŋ wu nde:

1 Samuɛl 10:1 ပူးပေါင်းရင်းမြစ်များ

2 Samuɛl 1:14

Nɛ Deevid kaŋɛ mo le: “Manɛ nna nɛ fo nya kagbene m mɔ Enyɛnpe Ebɔrɛ be ewura lara so?”

2 Samuɛl 19:39

Ndoŋ nna nɛ Deevid be benapo na kikɛ dii Jɔɔdan be Lɔr na. Nɛ mo ere shir kaman n kela Bazilai kashaso nseŋ nɛfa mo nɛ Bazilai bɛta n yɔ epe. Kumo be kaman nɛ Deevid malɛ nɛ Chimham dii n ya tu benapo na.

2 Samuɛl 20:19

Kadegboŋ nɛ kagbenewushi be kade e la anyi be kade ere ashi Israɛl kikɛ nɛ feeŋ tiŋ n yirda kumo be basa. Amoso manɛ e ba nɛ menyee sha k jija kade nɛ k du fanɛ enio ashi Israɛl, ŋko menyee sha nna nɛ meeŋ mur kusɔ nɛ k la Enyɛnpe Ebɔrɛ peya?”

2 Samuɛl 5:2

Dra kikɛ, hale saŋɛ so nɛ Sɔɔl daa la anyi be ewura na gba, fo e naa juŋkpar Israɛlebi a yɔ kena to. Enyɛnpe Ebɔrɛ na e yili kumo fanɛ, fo e naŋ ki anyi be ejuŋkparpo nɛ ewura, a keni anyi so fanɛ kananɛ mbolpɔkpapo bee keni mbe mbolpɔ so na.”

1 Bewura 1:34

nɛ bɔrɛmatapo Zadɔk nɛ anebi Neetan e ya chulgi ŋku n do mbe kumu so m buu mo Israɛl be kuwura. Kumo be kaman nɛ men shin nɛ b foŋ kabel n shin nɛ ekama e cha awɔrso ŋ kaŋɛ le: ‘Ebɔrɛ e sa ewura Sɔlɔmɔn ŋkpa tenteŋ!’

1 Bewura 19:18

Basa ŋgboŋ ashunu nɛ b maŋ gbir m bunyaŋ kegbir nɛ baa tre Baal na nɛ n yige n sa ma kumu.”

2 Bewura 20:5

fanɛ e naŋ bɛta n yɔ ewura Hɛzekaya kutɔ n ya kaŋɛ mo le: “Ma, Enyɛnpe, fo nananyɛn ewura Deevid be Ebɔrɛ na, nu fo kabɔrɛkule nseŋ wu fo anishichubi na. Nchɛ asa be kefɛato, meeŋ chɛ fo nseŋ shin nɛ fo naŋ bɛta n yɔ bɔrɛlambu na to.

2 Bewura 9:1

Kachako nɛ anebi Elaisha tre anebiana be katuŋ na to be eko ŋ kaŋɛ mo le: “Bela ase n ta ɔlif be ŋku kɔlba ere n yɔ Ramɔf nɛ k wɔ Giliad na.

2 Bewura 9:12

Nɛ b kaŋɛ le: “An maŋ nyi, kaŋɛ anyi kusɔ nɛ e kaŋɛ!” Nɛ Jehu kaŋɛ: “Kusɔ nɛ e yɛ Enyɛnpe na kaŋɛ e la fanɛ, e buu ma Israɛl be kuwura.”

Nshɛ 135:4

Ŋkpal manɛ so, mo e lara an nananyɛn Jeekɔb be kaman to ebi, nɛ b la Israɛl be basa na, fanɛ b baa la mo gbagba be basa.

Nshɛ 2:12

Men baa jɔŋɛ a bunyaŋ mo pibi na, nɛ mannɛ aloŋ e beeŋ nya agbo epul to m mur menyi. E bee nɛfa nsaa kuŋ bekama nɛ baa shile a yɔ mo kutɔ na nna.”

Nshɛ 78:71

Mbolpɔ na be kekpa to nɛ e daa wɔ nɛ Ebɔrɛ lara mo nseŋ buu mo Israɛl be kuwura nɛ e baa juŋkpar mbe basa nɛ b la Jeekɔb be kaman to ebi na.

Ɛksodɔs 30:23

“Men ta efɛa belbelso be asɔ n wora ŋku nɛfaso cheembi. Men karga asɔ na fanɛ kananɛ baa karga asɔ ashi Ebɔrɛ be wajɛbu na to na. Men ta asɔ nɛ baa tre mir na fanɛ kilo ashe nɛ asɔ nɛ baa tre sinamɔn na kilo asa nɛ asɔ nɛ baa tre keen na kilo asa nɛ amo nɛ baa tre kashia na kilo ashe, n wea ɔlif be ŋku lita ana to n wora amo fanɛ kananɛ esa nɛ e nyi tulale be kewora bee wora na, nɛ a ki ŋku nɛfaso cheembi nɛ amo be efɛa wɔ ebel.

Jɛremaya 10:16

Ama Ebɔrɛ nɛ an nananyɛn Jeekɔb daŋ shuŋ na bre maŋ du fanɛ agbirana na. Mo e to kusɔ kama nseŋ lara Israɛl be basa fanɛ b baa la mo gbagba be basa. Mbe ketre e la Enyɛnpetale Ebɔrɛ na.

Ezikɛl 16:13

Shuwa nɛ gbiti be abitasɔ nɛ fo daa wɔtɔ nsaa buu epiŋi nɛ b jɔɔ nɛ yawu kpakpaso be asɔbuuso. Nyifu lela nɛ fo daa ta a wora bodobodo nseŋ daa ji mushoŋ nɛ ɔlif be ŋku. Ŋkpal loŋ so, nɛ fo kebita lar nɛnɛ nɛ fo ki ewurche.

Hoziya 13:2

B daa wɔtɔ nna a wora alubi nsaa ta gbiti a lɔŋɛ agbir nɛ a duli anabi nna. Le nɛ b daa kaŋɛ: “Men lara sarga n sa agbir na.” Nuso malɛ nɛ esa beeŋ tiŋ n bunyaŋ agbir nɛ a du fanɛ anabi ere kashaso!

Ashuŋ Shunso 13:21

Jemanɛ na so nɛ b kule Samuɛl fanɛ e lara ewura n sa bumo nɛ Ebɔrɛ ta Sɔɔl, Kish nɛ e shi Bɛnjamin be kanaŋ to na pibi n sa bumo fanɛ e ji bumo so kuwura nfɛ adena.

Ditɛronɔmi 32:9

E lara Jeekɔb be kenana bre nna n sa mbe kumu.

1 Tɛsalɔnikaebi 5:26

Men ta kegbumpipe cheembi n chɔrɔ bekurgepoana na kikɛ.

Hibruwebi 2:10

Kumo alɛ baŋ fuli nna a dese fanɛ Ebɔrɛ nɛ asɔ kikɛ wɔtɔ ŋkpal mo so nseŋ naa wɔtɔ a sa mo na e shin nɛ Yesu bɔla awurfoŋ to ŋ ki esa cheembi, saŋɛ na so emo nɛ e yɛr bumo kumɔlga to na beeŋ bar basa damta nɛ b ba tu mo a ji mbe kemaŋkura be ebel na be ako.

Kelaraŋŋini 5:8

E ka sɔ kawɔl sibɛso na nɛ asɔbɔya ana na nɛ bejuŋkparpo adunyɔ nɛ ana na gbir Kpakpafɔlbi na be anishito. Bumo be ekama daa kɔ goji nɛ shuwa be ntishaŋ mo nɛ duwu bɔlɔ m bɔlɔ amo to a la Ebɔrɛ be basa be kabɔrɛkuleana nna.

1 Samuɛl 12:3

Ma e yili nfe na. Nɛ n wora kusɔ ko ŋ gbɛ to nna, kumo ere men kaŋɛ kulubi nɛ n wora na ashi Enyɛnpe Ebɔrɛ nɛ mbe ewura laraso na kikɛ be anishito. Wanɛ be kena ŋko kurma nɛ n daŋ suge? Wanɛ nɛ n daŋ puni ŋko m mɛaŋ? Wanɛ kutɔ nɛ n daŋ sɔ brɔbu? Nɛ fanɛ n wora asɔ ere be kekama nna, kumo ere meeŋ ka kumo be kukɔ.”

1 Samuɛl 13:14

Ama ŋkpal fo ka kini kenu n sa Enyɛnpe Ebɔrɛ so nɛ e yɛ e maaŋ naŋ lara fo kanaŋ to be esa kikɛ nɛ e ki Israɛl be ewura na. E teŋ lara mo gbagba be kepar be esa nɛ e beeŋ baa la mbe basa be ewura.”

1 Samuɛl 15:1

Kachako nɛ Samuɛl kaŋɛ Sɔɔl le: “Ma nɛ Enyɛnpe Ebɔrɛ shuŋi fanɛ m ba ta ŋku n do fo kumu so n lara fo ŋ ki mbe basa Israɛlebi be ewura. Amoso kaŋ kusoe naniere n nu kusɔ nɛ Enyɛnpetale bee kaŋɛ.

1 Samuɛl 15:17

Nɛ Samuɛl yɛ: “Fo gbagba nyi fo ka daa maŋ la shɛŋ; ama naniere mannɛ fo e ba ki Israɛl be eyiri kikɛ be ejuŋkparpo ere a? Fo nɛ Enyɛnpe Ebɔrɛ lara fanɛ fo ki Israɛl be ewura naniere,

1 Samuɛl 16:1

Nɛ Enyɛnpe Ebɔrɛ kaŋɛ Samuɛl le: “Nchɛ afanɛ nɛ fo shin nɛ fo chena kagbenejijaso a fɛ Sɔɔl be asheŋ? M maŋ naŋ shuli fanɛ e baa la Israɛl be ewura, amoso ta ɔlif be ŋku n yɔ kanyɛn nɛ baa tre Jɛsi nɛ e wɔ Bɛtlɛhɛm na pe. N lara mbe mbia na be eko nɛ e ki Israɛl be ewura.”

1 Samuɛl 16:13

Nɛ Samuɛl duga ŋku na n do Deevid be kumu so nɛ mo daana yil a keni mo. Baŋ yili kumo be kamɔnchɛ na kikɛ nɛ Enyɛnpe Ebɔrɛ be kiyoyu ba luri m bɔlɔ Deevid to eleŋso nsaa wɔ mo to saŋkikɛ. Kumo be kamɔnchɛ na malɛ kikɛ nɛ Samuɛl bɛta n yɔ Raama.

1 Samuɛl 2:10

Bekama nɛ baa kɔ fo Enyɛnpe Ebɔrɛ na beeŋ mur cheche. Feeŋ shin nɛ bɔrɛ e shi esoso m ponte ŋ kɔ bumo. Fo Enyɛnpe Ebɔrɛ na beeŋ ji durnya ere kikɛ demu, nseŋ ta eleŋ nɛ yuku n sa fo ewura lara so.”

1 Samuɛl 24:6

Ndoŋ nna nɛ e kaŋɛ mbe basa na le: “Enyɛnpe Ebɔrɛ e baa pete ma nɛ n wora n nyɛnpe nɛ Enyɛnpe Ebɔrɛ lara fanɛ ewura kulubi. K maŋ daga fanɛ n wora mo kulubi kikɛ!”

1 Samuɛl 26:11

Enyɛnpe Ebɔrɛ e baa pete ma nɛ m mɔ esa nɛ mo ere Enyɛnpe Ebɔrɛ lara ŋ ki ewura. Men shin nɛ an ta mbe kekpa nɛ mbe kusɔjɔnchu a yɔ.”

1 Samuɛl 26:9

Ama le nɛ Deevid daŋ kaŋɛ mo: “Sa maŋ kaŋ mɔ mo! Enyɛnpe Ebɔrɛ na beeŋ gberge esa kama nɛ e beeŋ mɔ mbe ewura laraso kusoe.

1 Samuɛl 8:19

Nɛ basa na kini kenu n sa Samuɛl nseŋ kaŋɛ le: “Mm, anyi ere, ewura nɛ anyee sha.

1 Samuɛl 8:9

Kusɔ kama nɛ b kaŋɛ, fo nu n sa bumo, ama wora ania ŋ kpele bumo kusoe kenishipereso nɛ b pin kananɛ ewura na beeŋ ba kaa wora bumo.”

1 Samuɛl 9:16

“N wu kananɛ ma basa bee ji awurfoŋ. Ma alɛ nu bumo be kushu nɛ baa shu a fin kechɛto na. Echefo saŋɛ ere so gbagba, meeŋ shuŋi esa ko nɛ e shi Bɛnjamin be kanaŋ to nɛ fo duga ŋku n do mbe kumu so n lara mo ŋ ki Israɛl be ejuŋkparpo. Mo e naaŋ mɔlga bumo ashi Filistiebi na be enɔ to.”

1 Samuɛl 9:27

B ka bee fo kade na be ekarso, nɛ Samuɛl kaŋɛ Sɔɔl le: “Kaŋɛ fo kayɛrbi na nɛ e juŋkpar anyi a yɔ.” Nɛ kayɛrbi na choŋ. Ndoŋ nna nɛ Samuɛl naŋ kaŋɛ Sɔɔl le: “Jo nfe gbrɛbi nɛ n wora ŋ kaŋɛ fo kusɔ nɛ Ebɔrɛ kaŋɛ ma.”