1 Samuɛl 1:9 - EBƆRƐ BE KAWƆL

⁹ Kachako b ka ji ajibi n loge nɛ Haana koso nɛ e ya kule Ebɔrɛ, nɛ Eli malɛ chena mbe kabɛ so m mata bɔrɛlambu na be kukuloŋ.

1 Samuɛl 1:9 ပူးပေါင်းရင်းမြစ်များ

2 Samuɛl 7:2

Ndoŋ nna nɛ ewura Deevid kaŋɛ anebi Neetan le: “Keni! Ndibi nɛ baa tre sida na nɛ b ta m pɔr ma laŋ ere, ama Ebɔrɛ be ŋkre be deka na bre wɔ wajɛbu to nna!”

Nshɛ 27:4

Kusɔ koŋwule nɛ mee fin Enyɛnpe Ebɔrɛ kutɔ; Kumo e la fanɛ, ŋ ka beeŋ baa wɔ mbe laŋ to saŋɛ so nɛ n wɔ ŋkpa to ere; saŋɛ na so mbe alelasheŋ beeŋ baa bɔlɔ ma kenishi, nɛ m baa wɔ mo kutɔ ashi mbe bɔrɛlambu to.

Nshɛ 29:9

Enyɛnpe Ebɔrɛ be kamalga e naa shin nɛ ndibigboŋ bee gbuŋgbuŋ to; nɛ kupo to be ndibi be afantaŋ bee chuge a tɔr; nɛ basa nɛ b wɔ mbe bɔrɛlambu na to bee ponte a kaŋɛ fanɛ kemaŋkura e baa la Enyɛnpe Ebɔrɛ peya.

Nshɛ 5:7

Ama ŋkpal fo kuwɔrwu ka shi so, meeŋ tiŋ m ba fo bɔrɛlambu to; m ba gbir bunyanso, m maŋkura fo.

Ɛksodɔs 21:6

kumo ere a daga fanɛ mo nyɛnpe na ka keta mo n yɔ kakpa nɛ baa shuŋ Ebɔrɛ na n ya shin nɛ e yili m mata kukuloŋ ŋko kabuna to nɛ e futi mbe kusoe, a ŋini fanɛ e beeŋ baa la mo nyɛnpe be kenya hale nɛ e ya wu.

1 Samuɛl 1:10

Haana be kagbene daŋ jija mo nna ga nɛ kabɔltoduŋi pɛ mo, amoso e ka daa kule Ebɔrɛ na kikɛ nɛ e bee shu,

1 Samuɛl 3:15

Samuɛl ka dese nɛ karechɛ, nɛ e koso n ya bugi Enyɛnpe Ebɔrɛ be bɔrɛlambu na be akuloŋ. E daa ŋana kekaŋɛ Eli kusɔ nɛ Enyɛnpe Ebɔrɛ kaŋɛ mo na nna.

1 Samuɛl 3:3

nɛ Samuɛl malɛ dese Ebɔrɛ be lambu to be kakpa nɛ Ebɔrɛ be ŋkre be deka na wɔ na. Saŋɛ so nɛ Ebɔrɛ be lambu to be fitila na maŋ naŋ duŋ na

1 Samuɛl 4:13

E ka fo Shilo nɛ Eli tase mbe kabɛ so ekpakar a jo, ŋkpal manɛ so e daa lɔ kufu nna ŋkpal kusɔ nɛ k beeŋ wora ŋkre be deka na so. Kanyɛn na ka luri kade to n ya kaŋɛ bumo kusɔ nɛ k wora na, nɛ basa na kikɛ fara a shu.