1 Samuɛl 1:28 - EBƆRƐ BE KAWƆL

²⁸ Amoso mee ta mo nna a sa Enyɛnpe Ebɔrɛ nɛ e ba la mo ere Enyɛnpe Ebɔrɛ be kayɛrbi mbe ŋkpa to kikɛ.” Ndoŋ nna nɛ b bunyaŋ Enyɛnpe Ebɔrɛ na.

1 Samuɛl 1:28 ပူးပေါင်းရင်းမြစ်များ

Jɛnesis 24:26

Kanyɛn na ka nu loŋ na nɛ e gbir m bunyaŋ Enyɛnpe Ebɔrɛ na

Jɛnesis 24:48

Kumo be kaman nɛ ŋ gbir m bunyaŋ nseŋ di n nyɛnpe Eebraham be Ebɔrɛ na epaŋ, ŋkpal e ka juŋkpar ma nɛ m ba nya n nyɛnpe Eebraham mo sipo Nahɔɔ mo nanabi nɛ n ya sa mo pibinyɛn na so.

Jɛnesis 24:52

Eebraham be kayɛrbi na ka nu kesheŋ nɛ b kaŋɛ na nɛ e gbir kasawule n chɔrɔ Enyɛnpe Ebɔrɛ na.

Aŋasa 31:2

M pibi Lamwɛl, kabɔrɛkule so nɛ m bɔla n nya fo; amoso kaŋ kusoe n nu kusɔ nɛ mee shin nɛ ŋ kaŋɛ fo ere.

Nɔmbɛs 6:8

Ŋkpal manɛ so, jemanɛ nɛ b lara bumo be amu n yili fanɛ b wɔtɔ nna n sa Ebɔrɛ nawule na, b la Enyɛnpe Ebɔrɛ na peya nna.

2 Timoti 3:15

Baa nyiŋi kananɛ fo kebiato kikɛ nɛ fo pin abɔrɛsibɛ cheembi nɛ a beeŋ tiŋ n sa fo kanyiasheŋ nɛ k beeŋ tiŋ n shin nɛ fo bɔla keyirda Kristo Yesu so n nya kumɔlga na.

Demujipoana 7:15

Gidiɔn ka nu edare na nɛ kumo be kifito nɛ e bunyaŋ Ebɔrɛ nseŋ bɛta n yɔ mo braana Israɛlebi na kutɔ n ya kaŋɛ: “Men koso! Enyɛnpe Ebɔrɛ na teŋ shin nɛ an pɔɔ Midianebi na so.”

1 Samuɛl 1:11

nseŋ nase kɔnɔ ŋ kaŋɛ le: “Enyɛnpetale, n la fo kebita nna! Ama kebaawɔtɔ ki ma jiga. Nɛ fo baa maŋ teŋ ma so nseŋ chɛ ma to nɛ n nya ebinyɛn, kumo ere ma alɛ beeŋ laŋɛ mo n sa fo nɛ e baa wɔ fo kutɔ hale n ya fo mbe luwuachɛ. Kusɔ nɛ k beeŋ ŋini fanɛ n ta kebia na ŋ kɛ fo e la fanɛ b maaŋ she mbe emin kikɛ.”

1 Samuɛl 1:22

Ama kafɛ nɛ Haana kurge na mo ere daa maŋ yɔ. Le nɛ e daŋ kaŋɛ mo kul: “Ma nɛ Samuɛl bre maaŋ yɔ ama m baŋ ku mo kenyipo nna pɔɛŋ nseŋ ta mo n ya sa Enyɛnpe Ebɔrɛ ashi Shilo nɛ e baa wɔ ndoŋ hale n ya fo mbe luwu achɛ.”

1 Samuɛl 2:11

Kede be kaman nɛ Ɛlkana nɛ Haana bɛta n yɔ bumo be kade to Raama, ama kebinyɛnsobi Samuɛl bre daŋ shir bɔrɛmatapo Eli kutɔ nna ashi Shilo a shuŋ Enyɛnpe Ebɔrɛ na.

1 Samuɛl 2:20

Nɛ Eli e nɛfa Ɛlkana nɛ mbe eche Haana nseŋ kaŋɛ le: “Enyɛnpe Ebɔrɛ e kraŋ bɔla kache ere so n shin nɛ fo kurge mbia n ti so, saŋɛ na so baaŋ tal emo nɛ fo ta n sa mo ere to.” Kumo be kaman nɛ b bɛta n yɔ epe.

1 Samuɛl 28:2

Nɛ Deevid kaŋɛ le: “Kashenteŋ nna, fo kayɛrbi e la ma, fo gbagba malɛ beeŋ wu kusɔ nɛ meeŋ wora.” Nɛ Akish malɛ kaŋɛ le: “Mbo! Meeŋ ta fo ŋ ki esa nɛ e beeŋ ba kuŋ ma saŋkikɛ.”