1 Samuɛl 1:26 - EBƆRƐ BE KAWƆL

²⁶ Nɛ Haana kaŋɛ mo le: “N nyɛnpe fo pin ma a? Ma e la kache nɛ e daŋ ba yili nfe jemanɛ ko a kule Enyɛnpe Ebɔrɛ na.

1 Samuɛl 1:26 ပူးပေါင်းရင်းမြစ်များ

Jɛnesis 42:15

Kananɛ anyi alɛ beeŋ wora m pin fanɛ kashenteŋ nɛ menyee ji nde: M bɔ ewura Fɛɛro be kuwurputi nɛ e tase so ere fanɛ men maaŋ lar nfe ama men be kaluge na baŋ ba nfe nna pɔɛŋ.

2 Samuɛl 11:11

Nɛ Yuriya kaŋɛ Deevid le: “Israɛl nɛ Juda be basa kikɛ lar n choŋ kena to nɛ ŋkre be deka na malɛ gba wɔ bumo kutɔ, hale benapo be ejuŋkparpo Jɔab nɛ benimu nɛ b bɛ mo so na kikɛ dese kowushina, nuso nɛ ma ere bee dese laŋ to a ji a nuu, nɛ ma nɛ ma eche e baa di? M maaŋ wora loŋ kikɛ!”

2 Samuɛl 14:19

Nɛ ewura na bishi mo le: “Fee tama fanɛ Jɔab be kɔnɔ maa ji asheŋ ere to a?” Nɛ kache na yɛ: “Yiramu, fo kuwura be eleŋ so m maŋ kɔ ekpa kikɛ nɛ ŋ kini kesa fo mbishi ere be atuwebi. Fo kayɛrbi Jɔab gbagba e kaŋɛ ma kusɔ nɛ meeŋ wora nɛ kusɔ nɛ meeŋ kaŋɛ kikɛ.

2 Bewura 2:2

B ka wɔ ekpa to a yɔ na, nɛ anebi Elaija kaŋɛ Elaisha le: “Enyɛnpe Ebɔrɛ na kaŋɛ fanɛ n yɔ Bɛtɛl, amoso fo ere e baa jo nfe.” Nɛ Elaisha kaŋɛ le: “Enyɛnpe Ebɔrɛ ka baa wɔ ŋkpa to nɛ fo ere gba wɔ ŋkpa to ere bre, meeŋ tu fo n yɔ.” Amoso bumo kikɛ daŋ bɛ abar so nna n yɔ Bɛtɛl.

2 Bewura 2:4

Ndoŋ nna nɛ Anebi Elaija naŋ kaŋɛ Elaisha le: “Enyɛnpe Ebɔrɛ na yɛ n yɔ Jɛriko, amoso ba jo nfe.” Nɛ Elaisha malɛ kaŋɛ le: “Enyɛnpe Ebɔrɛ ka baa wɔ ŋkpa to nɛ fo ere gba wɔ ŋkpa to ere bre, maaŋ bɛta fo so kikɛ.” Ndoŋ nna nɛ b yɔ Jɛriko.

2 Bewura 2:6

Kumo be kaman nɛ Elaija naŋ kaŋɛ Elaisha le: “Enyɛnpe Ebɔrɛ na yɛ n yɔ Jɔɔdan be Lɔr na to, amoso baa jo ma nfe.” Nɛ Elaisha yɛ: “Enyɛnpe Ebɔrɛ ka baa wɔ ŋkpa to nɛ fo ere gba wɔ ŋkpa to ere bre, maaŋ bɛta fo so kikɛ.” Ndoŋ nna nɛ b bɛ abar so a yɔ.

2 Bewura 4:30

Ndoŋ nna nɛ kebia na mo nio kaŋɛ Elaisha le: “Ŋkpal Ebɔrɛ ka la ma shɛdajipo nɛ menyi alɛ gba la so, maaŋ naŋ bɛta n yɔ epe ama fo baŋ bɛ ma so nna.” Nɛ Elaisha koso m bɛ mo so n yɔ.

1 Kronikɛls 4:10

Ama Jabez daŋ kule Israɛl be Ebɔrɛ na nna ŋ kaŋɛ le: “Ebɔrɛ, nɛfa ma nseŋ shin nɛ ma kasawule e wora keshi ga. Baa wɔ ŋ kutɔ nsaa kuŋ ma ashi kulubi to, saŋɛ na so ebesa maaŋ ba ma so.” Nɛ Ebɔrɛ wora kusɔ nɛ e kule na gbagba n sa mo.

1 Samuɛl 17:55

Saŋɛ nɛ Deevid daa yɔ nɛ e ya kɔ Goliɛf na, nɛ Sɔɔl bishi mbe benapo be enimu Abna le: “Abna, wanɛ pibinyɛn nde?” Nɛ Abna yɛ: “Yiramu, m maŋ nyi.”

1 Samuɛl 20:3

Ama le nɛ Deevid daŋ kaŋɛ: “Fo tuto gba nyi kananɛ fee sha ma ga, amoso nɛ e yili kumo fanɛ e maaŋ kaŋɛ fo kusɔ nɛ e kre na, saŋɛ na so fo kagbene maaŋ jija fo ga. Fo nɛ Ebɔrɛ e la ma shɛdajipo fanɛ ma nɛ luwu maŋ naa wɔ kufɔ!”

1 Samuɛl 25:26

Enyɛnpe Ebɔrɛ na e shin nɛ fo maŋ wora n tal fo doŋana to m mɔ bumo, ama Enyɛnpe Ebɔrɛ nɛ e la ma shɛdajipo na be ketre to, fo doŋana nɛ basa nɛ baa sha ketɔrɔ fo na kikɛ beeŋ nya kasogberge fanɛ kananɛ fee sha kegberge Nabaal kusoe ere.