1 Samuɛl 1:21 - EBƆRƐ BE KAWƆL

²¹ Kafɛ kikɛ Ɛlkana nɛ mbe kanaŋ kikɛ daa yɔ n ya kaa lara sarga nna a sa Enyɛnpe Ebɔrɛ na nsaa ta kakɛ nɛ e nase kɔnɔ fanɛ e beeŋ ba sa Enyɛnpe Ebɔrɛ na a ti so a yɔ.

1 Samuɛl 1:21 ပူးပေါင်းရင်းမြစ်များ

Jɛnesis 18:19

N lara mo nna, nɛ e shin nɛ mbe mbia nɛ basa nɛ b wɔ mbe laŋ to kikɛ e wora kasonu n sa ma nsaa wora kusɔ nɛ k niŋi nɛ kusɔ nɛ k daga. Nɛ b wora loŋ, ma alɛ beeŋ wora kusɔ kama nɛ n nase kɔnɔ fanɛ meeŋ wora n sa mo ere Eebraham na.”

Nshɛ 101:2

Jande, chɛ ma to nɛ ŋ koya kebaawora asheŋ niŋiso; saŋɛ na so meeŋ baa ji kashenteŋ nsaa maa kɔ ŋkpɛato ashi ma kuwurji to.

Ditɛronɔmi 12:11

Kumo be kaman, Enyɛnpe Ebɔrɛ na beeŋ lara kakpa koŋwule nɛ menyeeŋ baa shuŋ mo ndoŋ nsaa lara menyi be esarga chɔɔso nɛ kudu kudusopoana nɛ ŋkɛ be yiri yiri nɛ menyeeŋ nase nnɔ n sa mo na nɛ asɔ kama nɛ e kaŋɛ fanɛ men baa bar mo na kikɛ ndoŋ.

Ditɛronɔmi 12:6

Loŋ be mboŋana na nɛ menyeeŋ baa lara menyi be esarga chɔɔso nɛ menyi be kudu kudusopoana nɛ ŋkɛ be yiri yiri nɛ menyeeŋ nase nnɔ n sa Enyɛnpe Ebɔrɛ na nɛ menyi be keparso be esarga nɛ ana nɛ mbolpɔ be ewurkoŋ be esarga nɛ esarga nɛ a ka na kikɛ.

Joshuwa 24:15

Ama nɛ kushuŋ Enyɛnpe Ebɔrɛ na maa par menyi bre, kumo ere men lara esa nɛ menyeeŋ baa shuŋ kabre. Nɛ menyeeŋ baa shuŋ agbir nɛ men nananyɛnana daŋ shuŋ Yufreetes be lɔr na be kaba ndoŋ ŋko Amɔriebi nɛ men wɔ bumo be kasawule so ere be agbir nɛ menyeeŋ baa shuŋ, men baa shuŋ! Ma ere nɛ ma laŋ to ebi bre beeŋ shuŋ Enyɛnpe Ebɔrɛ na.”

1 Samuɛl 1:3

Kafɛ kikɛ Ɛlkana daa shi Raama nna a yɔ Shilo n ya kaa bunyaŋ Enyɛnpetale na nsaa lara sarga a sa mo. Eli nɛ mbe mbinyɛnsobi anyɔ nɛ baa tre Hofni nɛ Finihas na e daa la bɔrɛmatapoana ashi ndoŋ.

1 Samuɛl 2:19

Kafɛ kikɛ malɛ mo nio bee ba piŋi nna a yili, saŋɛ na so mo kul baa yɔ Shilo nɛ e ya lara mbe kafɛ kafɛ be sarga na, nɛ e tu mo n ta kumo n ya sa Samuɛl.