1 Samuɛl 1:10 - EBƆRƐ BE KAWƆL

¹⁰ Haana be kagbene daŋ jija mo nna ga nɛ kabɔltoduŋi pɛ mo, amoso e ka daa kule Ebɔrɛ na kikɛ nɛ e bee shu,

1 Samuɛl 1:10 ပူးပေါင်းရင်းမြစ်များ

Jɛnesis 30:1

Jemanɛ ere so kikɛ nɛ Reechel bre maŋ naŋ nya mbia n sa Jeekɔb, amoso e daa kɔ mo da Lia kukɔrkɔ nna nseŋ kaŋɛ Jeekɔb le: “Sa ma alɛ gba mbia, nɛ mannɛ aloŋ, meeŋ wu.”

Jɛnesis 50:10

B daŋ ta loŋ m ba fo Atad nɛ k wɔ Jɔɔdan be epeŋipetekpa be kugooro nɛ b daa bri asɔ ndoŋ na m ba shu awɔrso ndoŋ ga nɛ Josɛf ta bɔkwe n wora keeliwora be edaŋkaresheŋ ndoŋ.

2 Samuɛl 13:36

E maŋ naŋ malga n loge gba nɛ Deevid be mbinyɛnsobi na shu m ba luri laŋ to nɛ ewura Deevid nɛ mbe benimu shu ga.

2 Samuɛl 17:8

Fo gbagba na nyi fo tuto Deevid nɛ mbe basa ka bee pere kenishi a kɔ kena ga, bumo alɛ nseŋ naŋ lubi a chɔ shishiri nɛ b mɔ kumo be mbia. Fo tuto nyi kena to nɛnɛ ga amoso e maaŋ tu mbe benapo n dese kakpa koŋwule kanyɛ ere.

2 Bewura 20:3

“Enyɛnpe Ebɔrɛ, baa nyiŋi kananɛ n shuŋ fo kashenteŋto nɛ kagbene koŋwule so. Ma alɛ wora ania fanɛ meeŋ wora kusɔ kama nɛ fee sha fanɛ n wora.” Kumo be kaman nɛ e shu ga.

Job be kawɔl 10:1

Kebaawɔtɔ lar ma ebɔl! O Ebɔrɛ, nya asoe n nu ma kenishipere be nfubel ere.

Job be kawɔl 7:11

Amoso m maaŋ tiŋ n lo ma kɔnɔ. Kagbenejija nɛ ebesa damta to nɛ mee fubel a bile asheŋ na.

Job be kawɔl 9:18

Pɔɛŋ nɛ meeŋ nya n fute n wushi gba na, e beeŋ shin nɛ ma awurfoŋ e ti so.

Nshɛ 50:15

Men shu n tre ma ashi men be etɔrɔ to nɛ n mɔlga menyi, nɛ men bunyaŋ ma.

Nshɛ 91:15

Nɛ fo luri asheŋ to nseŋ shu n tre ma, meeŋ nu fo kekule m ba mɔlga fo nseŋ ta kemaŋkura m buu fo so.

Aŋasa 14:10

Esa pɔtɛ maaŋ tiŋ m pin kagbenefuli ŋko ebesa nɛ k wɔ esa be kagbene to.

Aizaaya 38:15

Manɛ nɛ meeŋ naŋ kaŋɛ? Enyɛnpe Ebɔrɛ na e wora ma loŋ. Kagbenejija nɛ ebesa damta e bɔlɔ ma kagbene to, hale m maaŋ tiŋ n di gba kuraa.

Aizaaya 54:6

Menyi, Israɛlebi, du fanɛ eche fɔlbi nɛ mo kul kini mo nɛ e bee shu kagbenejijaso nna. Ama Enyɛnpe Ebɔrɛ na naŋ tre menyi m ba, nsaa kaŋɛ menyi le:

Jɛremaya 13:17

Ama nɛ men kini kenu n sa ma bre, meeŋ kpal menyi be kamoowuso n shu ashiri to. Meeŋ shu kenishipereso nɛ anishichubi a lar ma anishi to ŋkpal b ka beeŋ pɛ menyi nɛ men la Enyɛnpe Ebɔrɛ be basa n yɔ efuli pɔtɛana so fanɛ anya so.

Jɛremaya 22:10

Juda be basa men sa maŋ shu ŋkpal ewura Josaya ka wu so. Ama menyeeŋ tiŋ n shu ga ŋkpal mo pibinyɛn, ewura Jehowahaz nɛ b pɛ a yɔ efuli pɔtɛ wɔfɔ so nɛ e maaŋ naŋ bɛta m ba ŋko n wu kasawule nɛ b kurge mo kumo so na so.

Nfabel 3:15

Ebɔrɛ shin nɛ kebaawɔtɔ ki kekera n sa ma.

Luuk 22:44

Mbe kagbene ka jija mo alegaiso nɛ e bugi kagbene ŋ kule Ebɔrɛ ga hale nɛ kebleŋ ya kaa lar mo so a do kasawule so fanɛ ŋklaŋ.

Hibruwebi 5:7

Yesu ka daa wɔ ŋkpa to durnya ere to na e daa ta kushu nɛ anishichubi nna a wɔ kabɔrɛkule to nseŋ daa kaŋɛ Ebɔrɛ nɛ e daa beeŋ tiŋ m mɔlga mo ashi luwu to na mbe asheŋ tirso. Ebɔrɛ malɛ daŋ nu mbe kekule na ŋkpal mbe kabɔrɛŋana so.

Demujipoana 21:2

Israɛlebi na daŋ ta kagbenejija nna n yɔ Bɛtɛl n ya shu ŋ ŋini Ebɔrɛ hale nɛ kaase ya fo.

Ruf be kawɔl 1:20

Ndoŋ nna nɛ Nawomi kaŋɛ bumo le: “Men sa maŋ naa tre ma Nawomi, men baa tre ma Mara, ŋkpal manɛ so, Enyɛnpe Ebɔrɛ Elempo na shin nna nɛ kebaawɔtɔ ki nyaŋnyaŋ n sa ma.

1 Samuɛl 1:11

nseŋ nase kɔnɔ ŋ kaŋɛ le: “Enyɛnpetale, n la fo kebita nna! Ama kebaawɔtɔ ki ma jiga. Nɛ fo baa maŋ teŋ ma so nseŋ chɛ ma to nɛ n nya ebinyɛn, kumo ere ma alɛ beeŋ laŋɛ mo n sa fo nɛ e baa wɔ fo kutɔ hale n ya fo mbe luwuachɛ. Kusɔ nɛ k beeŋ ŋini fanɛ n ta kebia na ŋ kɛ fo e la fanɛ b maaŋ she mbe emin kikɛ.”

1 Samuɛl 1:9

Kachako b ka ji ajibi n loge nɛ Haana koso nɛ e ya kule Ebɔrɛ, nɛ Eli malɛ chena mbe kabɛ so m mata bɔrɛlambu na be kukuloŋ.