1 Pita 5:9 - EBƆRƐ BE KAWƆL

⁹ Men baa kɔ men be yirda to kpakpa a tu mo nsaa maa sa mo kashuli, ŋkpal manɛ so, menyi alɛ gba nyi fanɛ loŋ nɛ men braana bebɛsopo ashi durnya ere to be kaplɛkama gba bee nya tɔrɔ.

1 Pita 5:9 ပူးပေါင်းရင်းမြစ်များ

Luuk 22:32

ama ŋ kule Ebɔrɛ n sa fo fanɛ fo yirda e tiŋ a kɔ fo to kpakpa a yil. Nɛ fo alɛ ka baŋ lar loŋ be kebaawɔtɔ na to, fo leŋ fo kurgepoana na to.”

Baru lela nɛ Jɔn kute na 16:33

Ŋ kaŋɛ menyi asheŋ ere nna, saŋɛ na so, menyeeŋ bɔla ma so n nya kagbenewushi. Menyeeŋ nya tɔrɔ durnya ere to, ama men baa kɔ kagbene, ma e pɔɔ durnya ere so.”

Ashuŋ Shunso 14:22

Kumo be kaman nɛ b bɛta n yɔ Listra nɛ Ikoniam nɛ Pisidia be Antiɔk a wushi beyirdapoana na be ŋgbene nseŋ naa leŋ bumo to fanɛ b baa kɔ yirda nɛ kashenteŋto kpakpa. Le nɛ b daŋ naa kaŋɛ bumo: “An kikɛ beeŋ luri etɔrɔ damta to pɔɛŋ nseŋ luri Ebɔrɛ be kuwura na to.”

1 Kɔrintebi 10:13

Kechɔŋkeni kama nɛ k ba menyi so la kusɔ nɛ k bee kaa ba esa kama so nna. Ama Ebɔrɛ la esa nɛ e maaŋ yige anyi n to nna, e maaŋ shin nɛ men luri kechɔŋkeni mo nɛ k chɔ menyi be eleŋ so to. Nɛ men baŋ luri kechɔŋkeni to, mo alɛ beeŋ bugi ekpa n sa menyi nɛ men tiŋ n nya n yili to kpakpa.

Ɛfesesebi 4:27

Sa maŋ kaŋ sa alubipo na ekpa kikɛ.

Ɛfesesebi 6:16

Saŋkikɛ men baa kɔ yirda to fanɛ kebɛlso be kusɔ kuŋkumuso. Yirda na nɛ menyeeŋ tiŋ n ta n duŋ Setani be atanyembi nɛ a bɛl m pere fanɛ ajanwulɛbi nɛ e kɔ a tu menyi na.

Kɔlɔsiebi 2:5

M baa maa wɔ menyi kutɔ geeŋ, ama men be asheŋ wɔ ma kagbene to ga. Ma kagbene malɛ fuli ma ga ŋkpal ŋ ka nyi men ka kɔ men be amu nɛnɛ nsaa yirda Yesu Kristo na kagbene koŋwuleso.

1 Tɛsalɔnikaebi 3:3

Menyi alɛ gba nyi fanɛ etɔrɔ na gba la asɔ nɛ Ebɔrɛ yili fanɛ a wora nna.

1 Timoti 6:12

Pere kenishi a kɔ yirda to be kolu lela na. Baa kɔ ŋkpa nɛ k maŋ kɔ ekar nɛ b tre fo n wɔtɔ kumo to saŋɛ nɛ fo yili basa damta to n ji fo shɛda na to.

2 Timoti 3:12

Kashenteŋto, esa kama nɛ e bugi kagbene a sha kebɛ Kristo Yesu so, baaŋ tɔrɔ amodoŋwura.

2 Timoti 4:7

Ŋ kɔ kolu lela na n loge nseŋ shile eshile na n loge, ma alɛ nseŋ naŋ keta yirda na m ba fo ekar.

Hibruwebi 11:33

Ŋkpal yirda so b daŋ kɔ efuliana ko ebi nna kena m pɔɔ bumo so n wora asheŋ nɛ a daga nseŋ nya kusɔ nɛ Ebɔrɛ daŋ nase kɔnɔ fanɛ e beeŋ sa na. B daŋ tiŋ n ti ebuluŋana be nnɔ nseŋ daŋ tiŋ n duŋ edɛgboŋana nseŋ daŋ tiŋ ŋ gelge etokobi be keta m mɔ bumo.

Hibruwebi 12:8

Nɛ men la mbia a wɔtɔ nɛ men tuto maa niŋi menyi ekpa kananɛ e bee wora mbe mbia kikɛ, kumo ere men baa nyi fanɛ mannɛ mbe mbia e la menyi na, ayurbi e la menyi na.

Jeems 4:7

Amoso, men baa ta men be amu a bɔɔ Ebɔrɛ enɔ. Men sa maa sa Setani kashuli kikɛ. Loŋ e naaŋ shin nɛ e baa shile menyi.

1 Pita 1:6

Kashenteŋ nna fanɛ shere naniere naniere bre, men be ŋgbene beeŋ jija menyi nchɛnnyɔ ko ŋkpal kechɔŋkeni be etɔrɔ be nnaŋ to mo nɛ a bee tu menyi so, ama men shin nɛ men be ŋgbene e baa fuli menyi ŋkpal enɛfa na so.

1 Pita 2:21

Kashenteŋto malɛ, loŋ so nɛ Ebɔrɛ tre menyi, ŋkpal manɛ so, loŋ nɛ Kristo gba ji tɔrɔ m bugi loŋ be ekpa na n nase fanɛ men bɛ mbe aya so.

1 Pita 3:14

Hale nɛ men wora kelela nɛ b kpal loŋ so n tɔrɔ menyi gba, nɛfa la menyeya nna. Men sa maa ŋana bumo be kafunti, menyi alɛ e sa maŋ naa shin nɛ men be ŋgbene e baa ku.

1 Pita 4:13

Ama men shin nɛ men be ŋgbene e baa fuli menyi parr fanɛ men ka bee ji Yesu be tɔrɔ na be ako, saŋɛ na so men be ŋgbene beeŋ fuli menyi saŋɛ nɛ mbe kemaŋkura beeŋ lar efuli na.

Kelaraŋŋini 1:9

Kachako b shin nɛ ma Jɔn, men kurgepo nɛ an kikɛ bee ji awurfoŋ nsaa la kuwura na to be basa a kɔ kanyiti a yil to ŋkpal Yesu so na ya kaa wɔ kepla nɛ baa tre Patmɔs na so ŋkpal ŋ ka daŋ malga Ebɔrɛ be kamalga na nseŋ daŋ ji Yesu be shɛda so.

Kelaraŋŋini 6:11

Ndoŋ nna nɛ b ta epiŋi fuful n sa bumo be ekama nseŋ kaŋɛ bumo fanɛ b baa kraa jo gbrɛ pɔɛŋ nɛ bumo braana anya nɛ bumo kurgepoana mo nɛ basa beeŋ mɔ fanɛ kananɛ b daŋ mɔ bumo alɛ gba na nyam e ya ba abar so.

Kelaraŋŋini 7:14

Ndoŋ nna nɛ ŋ kaŋɛ mo le: “Ebunyampo, fo e nyi.” Nɛ e kaŋɛ ma: “Bumo e la basa nɛ b ji n lar tɔrɔgboŋ to na nseŋ fɔr bumo be epiŋi n ta amo n wɔtɔ Kpakpafɔlbi na be ŋklaŋ to nɛ a fuli parr na.