Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Pita 5:8 - EBƆRƐ BE KAWƆL

8 Men baa da so n shin nɛ men be nfɛra e baa niŋi, ŋkpal manɛ so, men doŋ alubipo na wɔtɔ nna a kilgi to fanɛ buluŋ a fin esa nɛ e beeŋ mur.

အခန်းကိုကြည့်ပါ။ ကော်ပီ




1 Pita 5:8
61 ပူးပေါင်းရင်းမြစ်များ  

Nɛ Ɛsta yɛ: “Mo e la Heman ere. E la esa lubi nɛ edoŋ nɛ emɔpo nna.” Ndoŋ nna nɛ kufu pɛ Heman ga ashi ewura na nɛ ewurche na be anishito.


Ndoŋ nna nɛ Enyɛnpe Ebɔrɛ na bishi Setani le: “Nnɛ nɛ fo shi! Manɛ nɛ fo daa wora?” Nɛ Setani kaŋɛ: “N na a kulti durnya kikɛ to nna.”


Ebuluŋ bee munto a shu nna a fin keji, nɛ Ebɔrɛ beeŋ sa bumo.


N doŋana yɛ: “Fin esa lubi ko nɛ e wu mo kulubi ŋ kaŋɛ fanɛ e wora kulubi ko nna.


Ewura be agbo du fanɛ buluŋ ka bee ponte to nna nɛ mbe kuwɔrwu malɛ du fanɛ bunyaŋ ka tɔr afitiri so.


Ewura be kanya agbo du fanɛ buluŋ ka nya agbo nna. Keshin nɛ ewura e nya agbo du fanɛ kapotɔ nna.


Ewura lubi nɛ e bee tɔrɔ betirpo du nna fanɛ buluŋ nɛ e bee ponte to na, ŋko shishiri nɛ akoŋ kɔ.


Ebɔrɛ nɛ e bee kuŋ ma na taga ma to nna, mo e naŋ chɛ ma kɔnɔ n sa ma. Esa ko wɔtɔ nɛ e ku ma kɔnɔ a? E shin nɛ ma nɛ mo kikɛ e yɔ demujikpa, nɛ e ya ku ma kɔnɔ ashi benimu be anishito!


Bedoŋ bee munto a kulti bumo nna fanɛ ebuluŋ; nsaa mur bumo be adɔsawule a shin nɛ bumo be ndeana ki alambure a dese fuloŋ nɛ shɛŋ shɛŋ maŋ naa wɔ amo to.


Babilɔnebi na kikɛ bee munto nna fanɛ ebuluŋ fɔlbi.


K daa bure basa be ebu lempoana nna, nsaa jija bumo be ndeana. K baaŋ ponte jemanɛ kikɛ, kufugboŋ bee tɔr ekama so efuli na so nna nɛ b baa chicha.


Bumo be bejuŋkparpoana ŋko anebiana du fanɛ ebuluŋ nɛ a pɛ kusɔbɔya a kpɛa to a we nsaa munto nna. Baa mɔ basa na nna nseŋ suge amansherbi nɛ mpetɛsɔ kikɛ nɛ baaŋ tiŋ n nya n sɔ. Bumo alɛ bee mɔ bekulana nna nɛ beche damta e ki bekulpoche.


Kumo be kaman nɛ ewura na ponte ŋ kaŋɛ fanɛ b ya pɛ basa nɛ b debɔr Danɛl na kikɛ, nseŋ ta bumo nɛ bumo b beche nɛ mbia kikɛ n lɛ ebuluŋ be kemaŋ na to. Ama pɔɛŋ nɛ b fo kemaŋ na be kaseto na, nɛ ebuluŋ na tiŋ ŋ kpɛa bumo kikɛ to n we.


Ma basa baŋ nu ŋ ka ponte bumo doŋana so fanɛ buluŋ na, baaŋ shi epeŋitɔrkpa be kaba so n chicha kufuso m ba ŋ kutɔ.


Meeŋ kɔ menyi nseŋ kpɛa menyi to cheche fanɛ shishiri nɛ kumo be bibi foe na. Meeŋ tɛ n yuu menyi so epul to fanɛ buluŋ na, nseŋ kpɛa menyi to m min fanɛ kupuŋ to be kusɔbɔya na.


Ebɔrɛ shi Zayɔn be kebeegboŋ na so m ponte to fanɛ buluŋ na nɛ mbe ebɔl shi Jerusalɛm to ŋ gbri m ba fanɛ bɔrɛ ka ponte na nɛ kasawule nɛ awɔlpa kikɛ gbuŋgbuŋ to. Ebɔrɛ beeŋ baa du fanɛ kebeegboŋ a kuŋ mbe basa Israɛlebi na bre.”


E yɛ: “Enyɛnpe Ebɔrɛ baŋ yili Zayɔn be kebeegboŋ na so ashi Jerusalɛm m ponte, fanɛ bɔrɛ ka gbri na, asɔbɔya be ejikpa be mboŋ kikɛ bee wɔl nna, nɛ afitiri nɛ a wɔ kebeegboŋ nɛ baa tre Kamɛl na so na kikɛ e kilgi m pere le kpaw.”


Fo daŋ nu buluŋ ka bee ponte kiyi to nɛ k maŋ wu kusɔbɔya a? Fo daŋ nu buluŋ fɔlbi ka wɔ kumo be edesekpa a munto nɛ k maŋ pɛ kusɔ ko a?


Buluŋ baa ponte to, wanɛ nɛ kufu maaŋ pɛ? Enyɛnpetale na baŋ lara esa fanɛ e yili mbe katelamu to m malga wanɛ e la amodoŋwura nɛ e tiŋ ŋ kini?


Men nu mbolpɔkpapoana ka bee shu awɔrso; ŋkpal bumo be mbolpɔ be ejikpa lela na ka mur so! Men nu ebuluŋ ka bee munto; ŋkpal Jɔɔdan be lɔrkar be kupogboŋ lela na ka mur so!


Nɛ n naŋ ku bɔrɛdare n wu bɔrɛmatapo nimuso Joshuwa nɛ e yil Enyɛnpe Ebɔrɛ na be malaika kutɔ nɛ Setani malɛ yil Joshuwa be jisoso m mata mo e shin nɛ e ku asheŋ n deŋi mo.


Edoŋ nɛ e duu asɔ duuso lubi na e la Setani. Kasɔteŋi be jemanɛ na e la lalaloge be jemanɛ na nɛ beteŋipo na malɛ la emalaika.


Amoso, men baa da so nɛnɛ, ŋkpal manɛ so, men maŋ nyi kachɛ nɛ ma, men Nyɛnpe beeŋ ba.


Ade be kaman nɛ ŋ kaŋɛ bumo nɛ b wɔ ma bena so na le: ‘Basa lubi ere, men shile ma so n yɔ edɛ nɛ b puga n yili Setani nɛ mbe emalaika na to. Edɛ na maa duŋ kikɛ.


Ndoŋ nna nɛ Kiyoyu na shin nɛ Yesu yɔ kiyi to nɛ alubipo na e ya chɔ mo ŋ keni.


Ndoŋ nna nɛ alubipo na yige mo nɛ emalaika ba chɛ mo to.


Basa ko du fanɛ asɔ duuso nɛ a tɔr ekpa to na nna. B baŋ nu kamalga na nɛ Setani ba epul na to m ba lara kumo bumo be ŋgbene to.


Ama men baa de menyi be amu so nsaa maa wɔ kebaawɔtɔ jiga nɛ kasanuu nɛ durnya ere to be kasɔsha be kebaawɔtɔ to nɛ menyi be aba e pɔ menyi nɛ kachɛ nɛ ma, Nyiŋgbasa Pibinyɛn beeŋ ba na e purgi menyi fanɛ kejigbelɛ na.


Amoso, men baa da so saŋkama a kule Ebɔrɛ eleŋ nɛ menyeeŋ tiŋ n ta n luri asheŋ nɛ a beeŋ wora ere kikɛ to n lar nseŋ tiŋ m ba yili ma, Nyiŋgbasa Pibinyɛn be anishito.”


Nɛ Yesu kaŋɛ: “Saimɔn Saimɔn, keni, Setani kule Ebɔrɛ ekpa fanɛ e bee sha kewora menyi yɛryɛrbi fanɛ kananɛ baa gbaŋgbaŋ aboyunyifu to na,


Men tuto e la alubipo na nɛ menyee sha kebaawora mbe aparsheŋ. Emɔpo e la mo sososo kikɛ, mo alɛ be shɛŋ maa ji kashenteŋ to, ŋkpal kashenteŋ ka maŋ wɔ mo to so. E baa ku efɛ, kananɛ mbe kapɔr du nɛ e bee ŋini, ŋkpal manɛ so, e la efɛpo nna nseŋ naa la efɛ kikɛ amo tuto.


Saŋɛ na so, Setani maaŋ nya anyi, ŋkpal manɛ so, an nyi mbe nfɛra.


Men baa ta Ebɔrɛ be akɔsɔ kikɛ nyam a buu a kre to, saŋɛ na so menyeeŋ tiŋ n yili n tu Setani na be kafulesheŋ ana.


Ama nɛ eche baa wɔtɔ a kurge nsaa yirda Ebɔrɛ nseŋ naa sha basa a kɔ kanyiasheŋ a wɔ kebaawɔtɔ cheembi to nsaa du boeŋ a wɔtɔ, e beeŋ nya kumɔlga.


Mee sha nna fanɛ beche malɛ e baa nyi asheŋ nsaa buu asɔ nɛ a bee kukwe a yulge bumo so nɛnɛ. B sa maa kre bumo be amu kenyishaso ŋko a buu yawu kpakpaso be asɔbuuso ŋko a wɔtɔ shuwa nɛ yawu kpakpaso be abitasɔ nsaa wu bumo be amu kamoowuso.


Bumo be beche gba e baa kɔ da lela nsaa maa ji bumo braana be asheŋ. A daga fanɛ b baa fɛ nfɛra dede a la beshenteŋjipo.


Amoso, a daga fanɛ asɔri to be ejuŋkparpo e baa la esa nɛ e maŋ kɔ amoso. A daga fanɛ e baa la eche koŋwule wura a nyi asheŋ a maa nya agbo jigajiga, ama e baa fɛ nfɛra dede a la esa nɛ basa bee sa bunyaŋ. A daga fanɛ e baa la esa a sha basa nsaa tiŋ a ŋini basa abɔrɛsheŋ na nɛnɛ.


Ama Enyɛnpe bre maŋ shile ma, e sa ma eleŋ nna nɛ n tiŋ m bɔ kubɔya na kikɛ nyam n sa nnyamase na kikɛ nseŋ nya ŋ gelge ebuluŋ be nnɔ to be keluri.


A daga fanɛ e baa la esa a sha befɔ nsaa sha kelela be yiri kikɛ. A daga fanɛ e baa tiŋ mbe kumu a wora asheŋ a ji asheŋ nɛ amo be ekpa so a sha abɔrɛsheŋ nsaa kɔ da lela nɛ e kɔ a wora asheŋ.


Le be kuwɔr be kakɛ ere e naa ŋini anyi fanɛ an yige kabɔrɛfɛl nɛ durnya to be ayɛlgasɔ nsaa wɔ kamootiŋ nɛ kashenteŋ nɛ kabɔrɛŋana be kebaawɔtɔ to anyi be jemanɛ ere to.


Kaŋɛ benyɛnnimuana na fanɛ b sa maa du brembreŋ. B baa kɔ nfɛra nsaa tiŋ bumo be amu nseŋ naa kɔ kashenteŋ be yirda na nɛ kasha nɛ kanyiti.


A daga fanɛ b baa ŋini asɔ nɛ a walɛ nsaa ŋini beche kurgepoana kananɛ baaŋ baa sha bumo kulana nɛ bumo be mbia,


Loŋ koŋwule na e daga fo ka kaŋɛ mbrantiɛbiana na fanɛ b baa tiŋ bumo be amu.


Amoso, men baa ta men be amu a bɔɔ Ebɔrɛ enɔ. Men sa maa sa Setani kashuli kikɛ. Loŋ e naaŋ shin nɛ e baa shile menyi.


Amoso, men bela men be amu ase nɛnɛ ashi men be nfɛraana to a jo asheŋ be kewora. Men baa kɔ nfɛra cheembi nseŋ ta men be tama kikɛ n wɔtɔ nɛfa mo nɛ menyeeŋ nya saŋɛ nɛ Ebɔrɛ beeŋ lara Yesu Kristo ŋ ŋini na.


Asɔ kikɛ be ekar be jemanɛ na bee taga to nna na, amoso, men baa kɔ nfɛra niŋiso nsaa tiŋ men be amu, saŋɛ na so menyeeŋ tiŋ ŋ kule Ebɔrɛ nɛnɛ.


Ndoŋ nna nɛ n nu ebɔl ko awɔrso ashi ebɔrɛso ka bee kaŋɛ le: “Naniere bre Ebɔrɛ ŋini mbe eleŋ fanɛ mo e la Ewurgboŋ na nɛ mbe kumɔlga na ba. Naniere bre mbe Kristo na ŋini mbe eleŋ, ŋkpal manɛ so, b ta an niopibiana be alubiwupo mo nɛ e bee wu bumo kulubi kapa nɛ kanyɛ ashi Ebɔrɛ be anishito na n lɛ kasawule.


Amoso, ebɔrɛsoana nɛ menyi nɛ men wɔ amo to na kikɛ, men shin nɛ men be ŋgbene e fuli menyi. Ama asheŋ maaŋ nyalɛ n sa kasawule nɛ etekuana bre, ŋkpal manɛ so, alubipo na gbelge n yɔ menyi kutɔ nɛ agbo damta, ŋkpal manɛ so, e nyi mbe saŋɛ ka maŋ naa shi.”


B daŋ ta kusɔ gbeyeso gboŋgboŋi na nna n lɛ kasawule so. Mo e la kusɔkpaŋ dra nɛ baa tre alubipo ŋko Setani mo nɛ e bee fule durnya kikɛ na. B daŋ ta mo nɛ mbe kaman to ebi kikɛ nna n lɛ kasawule.


Ndoŋ nna nɛ b ta alubipo mo nɛ e daŋ fule bumo na n lɛ n wɔtɔ edɛ mo nɛ jɛrbi wɔ amo to a chɔɔ na be kepa to, kakpa nɛ b daŋ ta kusɔbɔya na nɛ anebi fɛpo na n lɛ to na. Baaŋ tɔrɔ bumo ga kapa nɛ kanyɛ mbaanaayɔ.


Ndoŋ nna nɛ e ya nyaŋ kusɔ gbeyeso, mo e la dra na kikɛ be kusɔkpaŋ nɛ baa tre mo koŋwule alubipo ŋko Setani na ŋ kre mo n nase nfɛ kagboŋ.


Ndoŋ nna nɛ Samsɔn nɛ mo nio nɛ mo tuto ta n yɔ Timna. B ka ya kaa bɔla afeelebi nɛ a bee sɔr asɔrso nɛ baa tre greep na be kudɔ to a choŋ, nɛ buluŋ fɔlbi ko lar a mun to m ba mo so epul to.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ