1 Pita 5:2 - EBƆRƐ BE KAWƆL

² Mee kule menyi nna fanɛ men baa keni Ebɔrɛ be basa nɛ b wɔ men be enɔ to a du fanɛ mbolpɔ na so. Men sa maŋ ta bumo be kekeniso na fanɛ katiŋ be kusɔ. Men baa bugi ŋgbene a keni bumo so fanɛ kananɛ Ebɔrɛ bee sha fanɛ men baa du na. Men sa maŋ baa wɔtɔ a kɔ kajɛso a fin kakɔka, men baa bugi kagbene a sha kebaashuŋ basa.

1 Pita 5:2 ပူးပေါင်းရင်းမြစ်များ

2 Bewura 12:6

Ama Jɔash ka ji kuwura be nfɛ adunyɔ nɛ asa kikɛ to nɛ bɔrɛmatapoana maŋ naŋ lɔŋɛ bɔrɛlambu na.

Sɔlɔmɔn 1:8

Beche to be kebita, nɛ fo maŋ nyi ndoŋ gba fo bɛ mbolpɔ na be aya so. Keta fo mboebi n yɔ kejito a mata mbolpɔkpapoana na be ewajɛbu na ase.

Aizaaya 40:11

Enyɛnpe Ebɔrɛ na bee keni mbe efuli so nna, fanɛ kananɛ mbolpɔkpapo bee keni mbe mbolpɔ so na. E bee ta mbolpɔbi na nna a di ŋkɔŋ, nsaa juŋkpar mbolpɔ nioana na malɛ boeŋ boeŋ.

Aizaaya 56:11

Bejuŋkparpo na du fanɛ njɔnɔ nɛ baa sha ajibi ga nna. B maa ji a moɛ kikɛ. Bumo alɛ maa pin asheŋ to nsaa wɔtɔ a wora asheŋ nɛ a bee par bumo nawule.

Aizaaya 6:8

Kede be kaman nɛ n nu Enyɛnpe Ebɔrɛ na ka kaŋɛ le: “Wanɛ nɛ meeŋ shuŋi? Wanɛ e naaŋ baa la anyi be kabɔ?” Nɛ n shuli ŋ kaŋɛ: “Meeŋ yɔ! Shuŋi ma!”

Aizaaya 63:11

Ama Enyɛnpe Ebɔrɛ na be basa naŋ nyiŋi asheŋ nɛ e wora bumo nananyɛn Mosis be jemanɛ nseŋ bishi le: “Nnɛ nɛ Enyɛnpe Ebɔrɛ nɛ e daŋ mɔlga mbe basa be bejuŋkparpoana ashi teku peper na to dra dra na wɔ? Nnɛ nɛ Ebɔrɛ nɛ e ta mbe Kiyoyu n sa Mosis na wɔ?

Jɛremaya 13:17

Ama nɛ men kini kenu n sa ma bre, meeŋ kpal menyi be kamoowuso n shu ashiri to. Meeŋ shu kenishipereso nɛ anishichubi a lar ma anishi to ŋkpal b ka beeŋ pɛ menyi nɛ men la Enyɛnpe Ebɔrɛ be basa n yɔ efuli pɔtɛana so fanɛ anya so.

Jɛremaya 13:20

Jerusalɛm, to kenishi ŋ keni, fo doŋana e shi kelargato be esoso be kaba so a ba na! Nnɛ nɛ basa nɛ fee keni so nsaa kpal bumo so a wu fo kumu na naa wɔ?

Jɛremaya 6:13

Bumo to be bumo nɛ b kɔ eyilikpa nɛ bumo nɛ b maŋ kɔ eyilikpa kikɛ bee bɔla ekpa lubi so nna a fin amansherbi. Anebiana nɛ bɔrɛmatapoana gba bee puni basa nna nɛ esa maaŋ naŋ tiŋ n yirda bumo.

Jɛremaya 8:10

Ŋkpal loŋ so meeŋ ta bumo be adɔsawule n sa basa pɔtɛ nɛ bumo be beche n sa benyɛn pɔtɛ. Menyi to be betirpo nɛ damawuraana kikɛ bee bɔla kapuni be ekpa so nna a fin amansherbi. Anebiana nɛ bɔrɛmatapoana gba bee puni basa nna.

Ezikɛl 34:23

Ade kikɛ be kaman nɛ n sa bumo ewura nɛ e beeŋ baa du fanɛ ma kayɛrbi ewura Deevid nɛ e baa kpa bumo nsaa keni bumo so nɛnɛ.

Ezikɛl 34:31

Kumo be kaman nɛ Enyɛnpetale Ebɔrɛ na kaŋɛ le: “Menyi, ma mbolpɔ, nɛ mee bela na, la ma basa nna nɛ ma alɛ la menyi be Ebɔrɛ.”

Ezikɛl 46:24

Ndoŋ nna nɛ kanyɛn na naŋ kaŋɛ ma le: “Edaŋɛkpaana nɛ bɔrɛlambu na to be beshumpo bee daŋɛ esarga nɛ basa na bee lara na nna na.”

Maika 3:11

Kadegboŋ na be bejuŋkparpoana bee sɔ asɔ basa kutɔ nna pɔɛŋ nsaa ji bumo be asheŋ a sa bumo. Bɔrɛmatapoana nɛ anebiana na malɛ bee sɔ amansherbi nna pɔɛŋ nsaa ŋini mbraana na ŋko a wu abɔrɛsheŋ a kaŋɛ basa. Kumo be kaman nɛ b kilgi ŋ kaŋɛ le: “Enyɛnpe Ebɔrɛ na wɔ anyi kutɔ, amoso shɛŋ maaŋ tiŋ n wora anyi.”

Maika 5:4

Ewura na kaŋ ba e beeŋ ta Enyɛnpe Ebɔrɛ na be eleŋ nɛ Ebɔrɛ na be ketre be kemaŋkura n ji kuwura mbe basa so. Mbe basa beeŋ nya kekuŋ gboŋgboŋi, ŋkpal manɛ so, mbe ketre beeŋ dii n yɔ durnya be efuli kama so

Maika 7:14

O Enyɛnpe Ebɔrɛ, baa la fanɛ mbolpɔkpapo n sa fo basa laraso. Kashenteŋ nna fanɛ b pesaŋ to nna a wɔ kiyi to, ama kudɔsawule lela kulti bumo nna n wɔtɔ. Amoso shin nɛ b ya chena Bashan nɛ Giliad be nsawule lela so a nya a ji fanɛ kananɛ b daa nya a ji dra na.

Zakareya 11:17

Asheŋ maaŋ nyalɛ n sa loŋ be mbolpɔkpapo jiga nɛ e yige mbe mbolpɔ n lɛ na! Mbe eleŋ kikɛ beeŋ mur ashi kena to. Mbe kabre beeŋ wu, nɛ mbe jisoso be kenishi malɛ e tan!”

Malakai 1:10

Enyɛnpetale yɛ: “Men be eko daŋ ti ma bɔrɛlambu na be akuloŋ k daa beeŋ par ma. Saŋɛ na so men maaŋ baa jija saŋɛ a lara esarga chɔɔso fuloŋ a deŋi ma bɔrɛsure so, ŋkpal manɛ so ma kagbene maŋ fuli menyi so. Hale men ta men be esarga m ba sa ma gba, meeŋ kini amo.

Nɔmbɛs 18:7

Fo nɛ fo mbinyɛnsobi nawule e naaŋ baa shuŋ kabɔrɛmata be kushuŋ na ashi bɔrɛsure na so nɛ acheembiana to be kakpa cheembi na to. Ŋkpal manɛ so ma e ta kabɔrɛmata be kushuŋ ere n sa menyi. Amoso esa kama nɛ e ta kpramɛ n shuŋ kumo, daga b ka mɔ mo.”

Luuk 12:32

Ma basa, men maŋ shi, ama men sa maa lɔ kufu. Ŋkpal manɛ so, men Tuto be keparso nna nɛ e yili kumo fanɛ e beeŋ ta mbe kuwura na n sa menyi.

Ashuŋ Shunso 20:29

Ŋkpal manɛ so, n nyi fanɛ ŋ kaŋ yɔ, befɛpo damta beeŋ ba menyi to m ba fin kemur asɔriebi na fanɛ kananɛ kuntuŋ bee luri mbolpɔ to a mur amo na.

Ashuŋ Shunso 21:13

Nɛ e bishi bumo: “Manɛ so nɛ menyee wora le ere nsaa shu le a jija ma kagbene? Ŋkpal Enyɛnpe Yesu so meeŋ shuli fanɛ b mɔ ma ashi Jerusalɛm to gba, a bishi kekre ma ndoŋ.”

Romebi 1:15

Amoso nɛ m baa sha kebɔ baru lela na n sa menyi nɛ men wɔ Rom be kade to gba na.

1 Kɔrintebi 9:7

Soja mo gbagba e naa ka mo gbagba be kumu ashi kushuŋ na to? Esa mo e naa duu ndibi sɔrso nɛ a baa wora nɛ e maaŋ ji amo be asɔrso na? Esa mo e naaŋ baa keni ana so ŋkaa maaŋ baa nyaŋ amo kenyipo?

1 Timoti 3:3

E sa maa nuu nsa ga ŋko a la esa brembreŋ, ama a daga fanɛ e baa du boeŋ nsaa maa la elushapo ŋko a ta mbe kagbene a wɔtɔ amansherbi to.

1 Timoti 3:8

A daga fanɛ asɔri to be bechɛtopo gba e baa kɔ da lela nsaa maa la besheŋjipo ŋko nsanuupoana ŋko a kɔ kejimuni.

Taites 1:11

A daga fanɛ fo shin nɛ bumo kikɛ e lo bumo be nnɔ to, ŋkpal manɛ so, baa shin nɛ nwuchu lelemu bee bure nseŋ kpal amansherbi so a wɔtɔ a ŋini anishinyɔr be asheŋ nɛ a maŋ daga.

Taites 1:7

A daga fanɛ asɔri to be enimu ŋinipo nɛ e bee keni Ebɔrɛ be asɔri to ebi so na e sa maa kɔ kulubi kikɛ mbe kebaawɔtɔ to. A maŋ daga fanɛ e baa sha mo nawule be aparsheŋ ŋko a nya agbo manaŋ manaŋ ŋko a sha nsa ga ŋko a du nyaŋnyaŋ ŋko a ŋana a wɔ alubi be ekpa ko to a fin amansherbi.

Taites 2:14

E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.

Taites 3:1

Baa nyiŋi fo basa nɛ b baa ta bumo be amu a sa basa nɛ baa keni bumo so nɛ bumo be efuli so be bewuraana nsaa shuli a wora ashuŋ lela kikɛ.

Failimɔn 1:14

Ama m maa sha kelar fo kaman n wora kusɔ nɛ k maaŋ par fo nɛ fo gbagba be kelela e ki fanɛ tintiŋ be kusɔ, ama kusɔ nɛ k shi fo gbagba be kagbene to.

Hibruwebi 12:15

Men baa de so nɛ ekama e sa maŋ kaŋ lar Ebɔrɛ be kuwɔr be kakɛ na to nseŋ naa de so nɛ kekishi be nfɛra kama e sa maŋ luri menyi to n wul basa damta to n jija bumo be kebaawɔtɔ.

2 Pita 2:3

Beŋinipoana ere beeŋ bɔla bumo be kajɛ so n ta bumo gbagba be ablɔmbi n ta menyi n nyalɛ. Bumo alɛ be kasogberge dese n chɛr a jo bumo nɛ bumo be esa nɛ e beeŋ mur bumo na maa di.