1 Pita 5:14 - EBƆRƐ BE KAWƆL

¹⁴ Men baa ta kasha be kegbuŋ be kepipeso be kechɔrɔ a chɔrɔ abar. Kagbenewushi e baa wɔ menyi nɛ men wɔ Kristo to na kikɛ so.

1 Pita 5:14 ပူးပေါင်းရင်းမြစ်များ

Matiu 5:47

Ŋko nɛ men wɔtɔ a chɔrɔ men kurgepoana nawule, manɛ be kelela nɛ menyee wora a chɔ basa pɔtɛ? Men maŋ nyi fanɛ loŋ nɛ nnyamase gba bee wora a?

Baru lela nɛ Jɔn kute na 14:27

Kagbenewushi nɛ mee yige a sa menyi na, kagbenewushi nɛ k shi ŋ gbagba kutɔ. Kumo alɛ mannɛ fanɛ kananɛ durnya bee sa kumo na nɛ ŋ kɔ kumo a sa menyi. Amoso, men sa maŋ shin nɛ menyi be ŋgbene e baa jija menyi ŋko nɛ kufu e baa kɔ menyi.

Baru lela nɛ Jɔn kute na 16:33

Ŋ kaŋɛ menyi asheŋ ere nna, saŋɛ na so, menyeeŋ bɔla ma so n nya kagbenewushi. Menyeeŋ nya tɔrɔ durnya ere to, ama men baa kɔ kagbene, ma e pɔɔ durnya ere so.”

Baru lela nɛ Jɔn kute na 20:19

Alediachɛ na be kaaseso nɛ bebɛsopo na kikɛ shɛr kaboŋ koŋwule nseŋ ti mbuna ŋkpal b ka daa ŋana Juwebi be benimuana na so so, nɛ Yesu ba yili bumo to nseŋ kaŋɛ bumo le: “Kagbenewushi e baa wɔ menyi to.”

Baru lela nɛ Jɔn kute na 20:26

Kumo be bɔkwe be kaman nɛ mbe bebɛsopo na naŋ shɛr a wɔ ebu to nɛ Tɔmas gba wɔ bumo to kamɔnchɛ. B daŋ ber mbuna na kikɛ so nna, ama Yesu daŋ ba yili bumo to nna nseŋ kaŋɛ bumo le: “Kagbenewushi e baa wɔ menyi to.”

Romebi 1:7

Amoso nɛ mee sibɛ kawɔl ere a sa menyi kikɛ nɛ men wɔ Rom be kade to nɛ Ebɔrɛ bee sha menyi nseŋ tre menyi fanɛ men ba kaa la mo gbagba be basa na. An Tuto Ebɔrɛ nɛ Enyɛnpe Yesu Kristo e sa menyi kuwɔr be kakɛ nɛ kagbenewushi.

Romebi 16:16

Men ta kasha cheembi m pipe abar be ŋgbuŋ kechɔrɔso. Kristo be asɔriebiana na kikɛ bee chɔrɔ menyi.

Romebi 8:1

Bumo nɛ b wɔ Kristo Yesu to naniere bre, kejimbri be kasogberge maŋ naa wɔ bumo so.

1 Kɔrintebi 1:30

Mo nawule e shin nɛ menyi nɛ Kristo Yesu ba ki kukoŋwule, mo alɛ e shin nɛ Kristo shin nɛ an pin kanyiasheŋ gbagba. Kristo na malɛ gba so e shin nɛ Ebɔrɛ bee ta anyi fanɛ basa niŋiso nɛ basa cheembi, basa nɛ b fɔr so n nyalɛ so nɛ b nya kumɔlga.

1 Kɔrintebi 16:20

Bekurgepoana nɛ b wɔ nfe na kikɛ bee chɔrɔ menyi. Men ta kagbenefuli be kechɔrɔ cheembi n chɔrɔ abar.

2 Kɔrintebi 13:12

Men ta kegbumpipe cheembi be kechɔrɔ a chɔrɔ abar.

2 Kɔrintebi 5:17

Amoso, nɛ esa kama baa wɔ Kristo na to, kepɔrso popɔr e la mo, asheŋ dra na kikɛ choŋ nɛ asheŋ popɔr ba.

Ɛfesesebi 6:23

Ebɔrɛ Etuto na nɛ Enyɛnpe Yesu Kristo e sa bekurgepoana na kagbenewushi nɛ kasha nɛ yirda.

1 Tɛsalɔnikaebi 5:26

Men ta kegbumpipe cheembi n chɔrɔ bekurgepoana na kikɛ.

1 Pita 1:2

Ebɔrɛ Etuto na bɔla mbe kanyiasheŋ so nna a nyi kusɔ kama nseŋ lara bumo n naŋ bɔla Kiyoyu na to n ta bumo ŋ ki basa cheembi nɛ b baa nu a sa Yesu Kristo nɛ e ta mbe ŋklaŋ n fɔr bumo so na. Ebɔrɛ be kuwɔr be kakɛ nɛ kagbenewushi e baa wora keshi menyi to a ti so.

3 Jɔn 1:14

Ŋ kɔ tama fanɛ k maaŋ chɛr nɛ n wu fo, saŋɛ na so anyeeŋ chena m malga abar kutɔ.