1 Pita 5:12 - EBƆRƐ BE KAWƆL

¹² Ekurgepo Silvanes mo nɛ n nyi fanɛ meeŋ tiŋ n yirda na so so nɛ mee bɔla a sibɛ menyi kawɔlbi ere na. N sibɛ kumo nna gbrɛbi loŋ nɛ n leŋ menyi to nseŋ naŋ ji shɛda ŋ kaŋɛ fanɛ kuwɔr be kakɛ mo nɛ k shi Ebɔrɛ kutɔ kashenteŋ na nna na. Men baa yil kumo to kpakpa.

1 Pita 5:12 ပူးပေါင်းရင်းမြစ်များ

Baru lela nɛ Jɔn kute na 21:21

Pita ka wu mo na nɛ e bishi Yesu le: “Enyɛnpe nɛ ede malɛ?”

Ashuŋ Shunso 11:23

E ka ba ndoŋ m ba wu kananɛ Ebɔrɛ nɛfa basa na nɛ mbe kagbene fuli mo ga nɛ e leŋ bumo kikɛ to fanɛ b bugi bumo be ŋgbene kikɛ kashenteŋto a nu a sa Enyɛnpe na.

Ashuŋ Shunso 15:22

Ndoŋ nna nɛ beshuŋipo na nɛ benimuana na nɛ asɔriebi na kikɛ wora kɔnɔkoŋwule fanɛ b lara katuŋ na to be basa ko n shuŋi bumo nɛ Pɔɔl nɛ Baanabas Antiɔk. Judas nɛ baa tre Baasabas na nɛ Sailas nɛ b daŋ lara. Bumo benyɔ na daa la basa nɛ bekurgepoana na kikɛ daa sa bunyaŋ nna.

Ashuŋ Shunso 20:24

Kusɔ nɛ k tir ma e la kananɛ meeŋ tiŋ n loge Enyɛnpe Yesu be kushuŋ nɛ e sa ma na. Kumo alɛ e la kebɔ Ebɔrɛ be kuwɔr be kakɛ na be baru lela na.

Romebi 5:2

Yesu kpal anyi be yirda so n shin nɛ an nya le be kuwɔr be kakɛ nɛ an wɔ ere to. Amoso, anyi be ŋgbene fuli anyi ŋkpal an ka kɔ tama fanɛ anyi alɛ gba beeŋ nya Ebɔrɛ be kemaŋkura nɛ e kɔ a jo anyi na so.

1 Kɔrintebi 15:1

Naniere, ŋ kurgepoana, mee sha fanɛ n nyiŋi menyi baru lela mo nɛ n daŋ bɔ n sa menyi nɛ men sɔ a yil kumo to na be asheŋ nna.

2 Kɔrintebi 1:19

Ŋkpal manɛ so, Ebɔrɛ Pibinyɛn Yesu Kristo na nɛ ma nɛ Sailas nɛ Timoti bɔ mbe kubɔya n sa menyi na daa maa kaŋɛ mm nseŋ naŋ kilgi ŋ kaŋɛ m-m epul na to, saŋkikɛ mm e daa wɔ mo to.

2 Kɔrintebi 1:24

Men baa nyi fanɛ mannɛ fanɛ anyee sha keŋini menyi kenimu nna ashi yirda na to, ama kusɔ nɛ anyee wora e la fanɛ anyee tu menyi nna a wora asheŋ ŋkpal men be kenya kagbenefuliso so. Yirda malɛ so nɛ men yil kpakpa na.

Ɛfesesebi 3:3

Kumo e la wulo be kesheŋ naseso nɛ Ebɔrɛ bugi to ŋ ŋini ma na, kumo be asheŋ nɛ n teŋ sibɛ gbrɛ n sa menyi na.

Ɛfesesebi 6:21

An kurgepo shaso Tikikes nɛ e bee shuŋ Enyɛnpe na kagbene koŋwuleso beeŋ sa menyi ma baru nɛ men pin ma kebaawɔtɔ be asheŋ.

Kɔlɔsiebi 1:7

Epafras, an barkasa kebɔrɛnya shaso ŋini menyi kananɛ Ebɔrɛ kɛ basa mbe kuwɔr be kakɛ na. Mo e la Yesu Kristo be eshumpo kagbene koŋwuleso a yil an be katelamu to nna.

Kɔlɔsiebi 4:7

An kurgepo shaso Tikikes nɛ e la m barkasa kebɔrɛnya a shuŋ Ebɔrɛ kagbene koŋwuleso na beeŋ sa menyi ma baru.

Kɔlɔsiebi 4:9

Mo nɛ Onisimɔs nɛ e la menyi be eko nsaa la ekurgepo shaso kagbene koŋwuleso na nɛ an shuŋi. Baaŋ kaŋɛ menyi kusɔ kama nɛ k bee wora nfe.

1 Tɛsalɔnikaebi 1:1

Kawɔl ere shi ma Pɔɔl nɛ Sailas nɛ Timoti kutɔ nna a yɔ Tɛsalɔnika be asɔriebi nɛ b la Ebɔrɛ an Tuto nɛ Enyɛnpe Yesu Kristo peya na kutɔ. Ebɔrɛ be kuwɔr be kakɛ nɛ kagbenewushi e baa la menyi peya.

2 Tɛsalɔnikaebi 1:1

Kawɔl ere shi ma Pɔɔl nɛ Sailas nɛ Timoti kutɔ nna a yɔ Tɛsalɔnika be asɔriebi nɛ b la Ebɔrɛ an Tuto nɛ Enyɛnpe Yesu Kristo peya na kutɔ.

Hibruwebi 13:22

Ŋ kurgepoana, mee kule menyi nna fanɛ men ji kanyiti n nu ma keleŋto be kamalga ere, ŋkpal manɛ so, kawɔl ere ŋ ka sibɛ menyi ere baa maŋ shi ko.

1 Pita 1:13

Amoso, men bela men be amu ase nɛnɛ ashi men be nfɛraana to a jo asheŋ be kewora. Men baa kɔ nfɛra cheembi nseŋ ta men be tama kikɛ n wɔtɔ nɛfa mo nɛ menyeeŋ nya saŋɛ nɛ Ebɔrɛ beeŋ lara Yesu Kristo ŋ ŋini na.

1 Pita 4:10

Kiyoyu Cheeŋ be kakɛ kama nɛ ekama kɔ, e baa ta loŋ be kakɛ na a shuŋ mo braana fanɛ kenya lela nɛ b ta Ebɔrɛ be kuwɔr be kakɛ damtaana m bɔɔ mo enɔ.

2 Pita 1:12

N nyi men ka nyi asɔ ere kikɛ, ma alɛ nseŋ naa nyi men ka yil kashenteŋ nɛ men kɔ naniere na to kpakpa, ama saŋkikɛ meeŋ baa nyiŋi menyi asheŋ ere kikɛ.

2 Pita 2:15

B yige ekpa niŋiso na nseŋ foe m bɔla Biyɔɔ pibi Balaam nɛ e daŋ sha kebɔlɔ alubi so n dii dama na be ekpa.

3 Jɔn 1:12

Demitrias bre, ekama bee malga mbe kebaawɔtɔ lela be asheŋ nɛ loŋ be kebaawɔtɔ na malɛ nɛ kashenteŋ be keŋini na maa lar abar kaman. Anyi alɛ gba bee ji mbe kebaawɔtɔ lela be shɛda nɛ fo alɛ nyi anyi be shɛda ka la kashenteŋ.

Juud 1:3

Ma beshapo, k daa wɔ ma kagbene to nna ga fanɛ n sibɛ ŋ kaŋɛ menyi kumɔlga mo nɛ an kikɛ kɔ na be asheŋ, ama n naŋ wu fanɛ a daga fanɛ n sibɛ menyi ŋ kule menyi ga fanɛ men baa wora ania a kɔ a sa abɔrɛsheŋ mo nɛ an yirda nɛ Ebɔrɛ ta kela koŋwule pati m bɔɔ mbe basa laraso enɔ na.