1 Pita 4:7 - EBƆRƐ BE KAWƆL

⁷ Asɔ kikɛ be ekar be jemanɛ na bee taga to nna na, amoso, men baa kɔ nfɛra niŋiso nsaa tiŋ men be amu, saŋɛ na so menyeeŋ tiŋ ŋ kule Ebɔrɛ nɛnɛ.

1 Pita 4:7 ပူးပေါင်းရင်းမြစ်များ

Jɛnesis 19:35

Kumo be kanyɛso nɛ b naŋ shin nɛ bumo tuto naŋ nuu nsa. Nɛ mo pibiche kekarkarso na malɛ luri mo to nɛ mo nɛ mo di keche nɛ kenyɛn. Kumo alɛ gba ŋkpal e ka daŋ nuu nsa na ga so, e daa maŋ pin saŋɛ nɛ mo nɛ mo alɛ gba di.

Jɛnesis 6:13

Ndoŋ nna nɛ Ebɔrɛ kaŋɛ Nowa le: “Meeŋ mur basa kikɛ nyam durnya ere to, ŋkpal manɛ so, bumo so nɛ kelantokɔ nɛ kebagato sɔ durnya ere kikɛ to na. Kashenteŋto, meeŋ mur bumo nɛ durnya ere kikɛ nyam.

Kaŋinichiŋgeliŋ 7:2

Fo ka yɔ keelibuna bɔ fo ka yɔ kejigboŋ to; ŋkpal manɛ so, k yɔ keeli to bee nyiŋi anyi nna fanɛ ekama beeŋ wu kachako.

Jɛremaya 5:31

Kumo e la fanɛ anebiana na kikɛ be mmalga la efɛ nna. Kusɔ nɛ b kaŋɛ malɛ nɛ bɔrɛmatapoana na kɔ a shuŋ nɛ ma basa malɛ bee sha kumo be loŋ. To, jɛrbi be jemanɛ kaŋ fo nɛ asheŋ ere kikɛ fo ekar, nnɛ nɛ menyeeŋ yɔ n ya nya kechɛto?”

Ezikɛl 7:6

Kemur be saŋɛ na fo! K fo n loge. K beeŋ shin nɛ men mur.

Matiu 24:42

Amoso, men baa da so nɛnɛ, ŋkpal manɛ so, men maŋ nyi kachɛ nɛ ma, men Nyɛnpe beeŋ ba.

Matiu 25:13

To, men baa da so, ŋkpal manɛ so, kumo be kifito e la fanɛ men maŋ nyi kachɛ ŋko saŋɛ nɛ ma, Nyiŋgbasa Pibinyɛn na be keba na beeŋ fo.”

Luuk 21:34

Ama men baa de menyi be amu so nsaa maa wɔ kebaawɔtɔ jiga nɛ kasanuu nɛ durnya ere to be kasɔsha be kebaawɔtɔ to nɛ menyi be aba e pɔ menyi nɛ kachɛ nɛ ma, Nyiŋgbasa Pibinyɛn beeŋ ba na e purgi menyi fanɛ kejigbelɛ na.

Luuk 21:36

Amoso, men baa da so saŋkama a kule Ebɔrɛ eleŋ nɛ menyeeŋ tiŋ n ta n luri asheŋ nɛ a beeŋ wora ere kikɛ to n lar nseŋ tiŋ m ba yili ma, Nyiŋgbasa Pibinyɛn be anishito.”

Luuk 22:46

Nɛ e bishi bumo le: “Manɛ e ba nɛ menyee di? Men koso a kule Ebɔrɛ fanɛ men maaŋ luri kechɔŋkeni to.”

Romebi 12:12

Men shin nɛ menyi be tama e baa sa menyi kagbenefuli nɛ men baa ji kanyiti ashi menyi be etɔrɔ to nsaa kule Ebɔrɛ saŋkama.

1 Kɔrintebi 15:24

Kumo be kaman nɛ e mur kuwurji kikɛ nɛ kenimuji kikɛ nɛ eleŋana kikɛ nɛ durnya be ekar na e fo nɛ e ta kuwura na m bɔɔ Ebɔrɛ Etuto na enɔ.

1 Kɔrintebi 7:29

Ŋ kurgepoana, kusɔ nɛ n de e la fanɛ, saŋɛ maŋ naa shi. Amoso, bekama nɛ b kɔ beche e baa wɔtɔ fanɛ bumo nɛ b maŋ kɔ beche.

Ɛfesesebi 6:18

Jemanɛ kikɛ, men baa kule Ebɔrɛ ashi kiyoyu na to a ta kabɔrɛkule be yiri kikɛ nɛ asheŋ nɛ menyee sha fanɛ a wora kikɛ a kule Ebɔrɛ. Men baa kɔ le be asheŋ ere men be ŋgbene to nsaa keni so a de so nsaa kule Ebɔrɛ saŋkama a sa Ebɔrɛ be basa kikɛ.

Filipaiebi 4:5

Men shin nɛ ekama nyam e baa wu kananɛ men du boeŋ, ŋkpal manɛ so, Enyɛnpe na be keba taga to.

Kɔlɔsiebi 4:2

Men baa wɔ kabɔrɛkule kpakpaso to a de so nsaa chɔrɔ Ebɔrɛ men be kabɔrɛkule na to. Men baa kule a sa anyi alɛ gba nɛ Ebɔrɛ e sa anyi ekpa nɛ an kaŋɛ Yesu Kristo be asheŋ, kede e la wulo nɛ Ebɔrɛ daa maŋ naŋ bugi to ŋ ŋini basa na.

2 Timoti 4:5

Fo ere, baa kɔ fo kumu to nɛnɛ kusɔ kama to. Baa ji tɔrɔ be kanyiti nsaa wora kushuŋ nɛ k daga fanɛ baru lela be emalgapo kaa bee wora. Baa shuŋ kushuŋ nɛ Ebɔrɛ ta m bɔɔ fo enɔ na kikɛ nyam.

Taites 2:12

Le be kuwɔr be kakɛ ere e naa ŋini anyi fanɛ an yige kabɔrɛfɛl nɛ durnya to be ayɛlgasɔ nsaa wɔ kamootiŋ nɛ kashenteŋ nɛ kabɔrɛŋana be kebaawɔtɔ to anyi be jemanɛ ere to.

Hibruwebi 10:25

Men sa maŋ shin nɛ an baa kini kebaatu abar a shɛr fanɛ kananɛ basa ko bee kaa wora na. Ama men shin nɛ an baa leŋ abar to, fɔnfɔŋ kananɛ men wu lalaloge be kachɛ na ka bee fo le ere so.

Hibruwebi 9:26

Nɛ mannɛ aloŋ nna e daa beeŋ yili kasɔto be jemanɛ na kikɛ n ji tɔrɔ ale damta loŋ m ba fo kabre. Ama kumo alɛ, kela koŋwule pati nɛ e lar efuli so saŋɛ nɛ jemanɛ kama to be ekar beeŋ fo na nseŋ ta mo gbagba be kumu n lara sarga nɛ k kpra alubi ashi basa kikɛ so.

1 Pita 1:13

Amoso, men bela men be amu ase nɛnɛ ashi men be nfɛraana to a jo asheŋ be kewora. Men baa kɔ nfɛra cheembi nseŋ ta men be tama kikɛ n wɔtɔ nɛfa mo nɛ menyeeŋ nya saŋɛ nɛ Ebɔrɛ beeŋ lara Yesu Kristo ŋ ŋini na.

1 Pita 3:7

Bekul, loŋ koŋwule na a daga fanɛ menyi alɛ gba e baa kɔ kushuso ashi menyi nɛ men be beche be kebaawɔtɔana to nsaa bunyaŋ bumo a ta bumo fanɛ men braana mo nɛ b maŋ kɔ eleŋ, bumo alɛ ŋkaa beeŋ tu menyi n nya Ebɔrɛ be ŋkpa be kakɛ na. Men baa wora loŋ nɛ shɛŋ shɛŋ e sa maŋ kagle men be kabɔrɛkuleana ekpa nɛ a fo Ebɔrɛ ŋ gben.

1 Pita 5:8

Men baa da so n shin nɛ men be nfɛra e baa niŋi, ŋkpal manɛ so, men doŋ alubipo na wɔtɔ nna a kilgi to fanɛ buluŋ a fin esa nɛ e beeŋ mur.

Kelaraŋŋini 16:15

“Men nu nfe, meeŋ ba menyi to fanɛ eyu. Kagbenefuli baa la ekama nɛ e maa di, mo alɛ nsaa kɔ mbe asɔbuuso to na peya nna, saŋɛ na so, e maaŋ delge so n nite nɛ anishinyɔr e pɛ mo.”