1 Pita 4:14 - EBƆRƐ BE KAWƆL

¹⁴ Nɛ b baŋ tege menyi ŋkpal men ka la Kristo be bebɛsopo so, kumo ere nɛfa la menyeya nna, ŋkpal manɛ so, Ebɔrɛ be Kiyoyu nɛ e kɔ kemaŋkura na e wɔ menyi to.

1 Pita 4:14 ပူးပေါင်းရင်းမြစ်များ

1 Bewura 10:8

Basa nɛ baa shuŋ fo nsaa wɔ fo kutɔ saŋkikɛ a nu fo kanyiasheŋ be mmalga na, nu ebel pasaa!

2 Bewura 2:15

Jɛriko be anebiana adunu na ka wu loŋ nɛ b kaŋɛ le: “Anebi Elaija be eleŋ gbelge Elaisha so,” Kumo be kaman nɛ b ya shɛr mo to ŋ jɔŋɛ mo ase

Nshɛ 146:5

Enyɛnpe Ebɔrɛ nɛ e la an nananyɛn Jeekɔb be Ebɔrɛ na bee nɛfa ekama nɛ e yirda mo nseŋ ta mbe kumu n to mo so na nna.

Nshɛ 49:9

nseŋ nya a wɔ ŋkpa to mbaanaayɔ; ŋko nɛ e maaŋ wu kikɛ.

Nshɛ 89:51

O Enyɛnpetale Ebɔrɛ, fo doŋana bee tege ewura nɛ fo lara n sa fo kumu nna na. Kaplɛkama nɛ e yɔ, baa tege mo nsaa wora mo eyurto nna.

Aizaaya 11:2

Enyɛnpe Ebɔrɛ na be kiyoyu e naŋ sa mo kanyiasheŋ nɛ kashennyi nɛ kasheŋwora be kenyi nɛ e ta n ji kuwura mbe basa so nɛnɛ. E beeŋ baa nyi Enyɛnpe Ebɔrɛ na be aparsheŋ nsaa bunyaŋ mo.

Aizaaya 25:8

Enyɛnpetale Ebɔrɛ na beeŋ mur luwu mbaanaayɔ! E beeŋ kpra anishichubi ashi ekama be anishito nseŋ lara ŋaba nɛ mbe basa ji ashi durnya kikɛ to na ashi bumo so. Enyɛnpe Ebɔrɛ na gbagba e kaŋɛ.

Aizaaya 51:7

Menyi nɛ men nyi kusɔ nɛ k daga kewora na e nu nfe! Menyi nɛ men kɔ ma keŋini menyi be ŋgbene to na gba e nu nfe! Men sa maa ŋana basa nɛ baa tege menyi nsaa kaŋɛ menyi asheŋbesaso na.

Matiu 5:11

Nɛ basa bee tege menyi nsaa tɔrɔ menyi a ku efɛ a malga mmalga be yiri kikɛ a gbiti menyi ŋkpal ma so, kagbenefuli beeŋ ba kaa la menyeya.

Matiu 5:16

Men baa shin nɛ men be kefulto e baa nyaŋɛ nɛnɛ ga nɛ basa e tiŋ n wu men be ashuŋ lela nseŋ maŋkura men Tuto nɛ e wɔ ebɔrɛso na.

Luuk 6:22

Nɛ basa kishi menyi a kini menyi nsaa tege menyi a tre menyi basa lubi ŋkpal ma, Nyiŋgbasa Pibinyɛn na so, kagbenefuli beeŋ ba kaa la menyeya.

Baru lela nɛ Jɔn kute na 15:21

Asheŋ ere kikɛ nɛ baaŋ wora menyi ŋkpal men ka la meya so, ŋkpal manɛ so, b maŋ nyi esa nɛ e shuŋi ma na.

Baru lela nɛ Jɔn kute na 8:48

Nɛ Juwebi na kaŋɛ mo: “Kashenteŋ nɛ an ji ŋ kaŋɛ fanɛ fo la Samɛrianyɛn nsaa kɔ kiyoyu lubi fo to na.”

Baru lela nɛ Jɔn kute na 9:28

Ndoŋ nna nɛ b tege n tege mo nseŋ kaŋɛ mo: “Fo e baa la mbe ebɛsopo, anyi ere, Mosis be bebɛsopo e la anyi.

Baru lela nɛ Jɔn kute na 9:34

Nɛ basa na kaŋɛ: “Keni, baŋ yili fo kakurgeachɛ kikɛ nɛ fo wɔ alubi to m ba fo mbre nɛ fo ba kaa sha nɛ fo ŋini anyi asheŋ a?” B ka kaŋɛ mo loŋ n loge nɛ b ju mo nshɛrbuana na to be keluri to.

Ashuŋ Shunso 13:45

Juwebi na ka wu jimaŋ na nɛ yurkishi luri m bɔlɔ bumo to nɛ b malga ŋ gbiti kusɔ nɛ Pɔɔl daa malga na nseŋ tege mo.

Ashuŋ Shunso 18:6

Nɛ b ji mo emɔrɔ kpakpaso nseŋ tege mo. Nɛ mo alɛ gbaŋgbaŋ mbe asɔbuuso to be shishɛr n lɛ bumo n wora bumo kusha ŋ kaŋɛ: “Menyi be ŋklaŋ e baa wɔ menyi gbagba be amu so, mannɛ ma e bar kumo. Yili kabre a yɔ nnyamase kutɔ nɛ meeŋ baa yɔ n ya kaa bɔ kubɔya na a sa bumo.”

Ashuŋ Shunso 28:22

Ama kaŋɛ anyi kusɔ nɛ k wɔ fo kumu to, kusɔ nɛ fee fɛ, ŋkpal manɛ so, an nyi basa ka bee malga kaplɛkama a gbiti katuŋ nɛ fo wɔ na to be basa.”

Ashuŋ Shunso 5:41

Nɛ beshuŋipo na lar nshɛrwuraana na kutɔ nɛ kagbenefuli ŋkpal Ebɔrɛ ka shin nɛ bumo alɛ tiŋ n ji awurfoŋ ŋkpal Yesu be ketre na so so.

2 Kɔrintebi 12:10

Amoso, ŋkpal Kristo so ma kagbene bee fuli ma kapɔshi to nna nɛ kategeana to nɛ kebaawɔtɔ kpakpasoana to nɛ etɔrɔana to nɛ ŋgbenejijaana to. Ŋkpal manɛ so, kapɔshi baa wɔ ma to, kumo ere ŋ kɔ eleŋ nna na.

2 Kɔrintebi 4:10

Saŋkikɛ an kɔ Yesu be luwu nna an be eyurana to a na, saŋɛ na so Yesu na be ŋkpa gba beeŋ baa lar anyi be eyurana to a ŋini basa.

2 Kɔrintebi 4:16

Amoso, an maa pɔ aba. Anyi be eyur so bre bee nya kapɔshi nna a ti so, anyi be ayoyu bre to bee wora eleŋ nna kapa nɛ kanyɛ a ti so.

Galeeshaebi 1:24

Amoso, b daŋ di Ebɔrɛ epaŋ nna ŋkpal ma so.

Hibruwebi 11:26

E daa sha kekpal Mesaya na so n ji anishinyɔr ga a chɔ keji Ijipt be damaso be asɔ na, ŋkpal manɛ so, mbe anishi daa yuu tɔnɔ mo nɛ e daa beeŋ nya kachako na so nna.

Jeems 1:12

Ekama nɛ e pɔɔ kechɔŋkeni so, kagbenefuli beeŋ baa wɔ mo to, ŋkpal manɛ so, Setani baŋ chɔ mo ŋ keni ŋ gben. Ebɔrɛ beeŋ sa mo mbe ŋkpa nɛ e nase kɔnɔ fanɛ e beeŋ sa bekama nɛ baa sha mo na.

Jeems 5:11

Basa nɛ b daŋ ji loŋ be kanyiti a yil to na nɛ anyee kaŋɛ fanɛ b wɔ nɛfa to. Job le, men nu kananɛ e daŋ ji kanyiti tɔrɔ to, nɛ amo be kaman kananɛ Ebɔrɛ daŋ shin nɛ e nu ebel na ŋko? Kashenteŋto, an Nyɛnpe bee shu anyi so ga nsaa wu anyi kuwɔr.

1 Pita 2:12

Men baa kɔ da lela a wɔ basa nɛ b maŋ la bebɛsopo na to, saŋɛ na so nɛ b kaa malga a gbiti menyi fanɛ alubiworapoana, baaŋ wu men be alelasheŋ nseŋ ta kemaŋkura n sa Ebɔrɛ kachɛ nɛ e beeŋ ba na.

1 Pita 3:14

Hale nɛ men wora kelela nɛ b kpal loŋ so n tɔrɔ menyi gba, nɛfa la menyeya nna. Men sa maa ŋana bumo be kafunti, menyi alɛ e sa maŋ naa shin nɛ men be ŋgbene e baa ku.

1 Pita 3:16

Ama men baa kɔ amu be kebar kaseto nɛ bunyaŋ a wora loŋ nsaa maŋ shin nɛ kesheŋ lubi e baa wɔ men be nfɛra fɛsoana to, saŋɛ na so anishinyɔr beeŋ pɛ bekama nɛ baa malga asheŋ lubi a gbiti menyi ŋkpal men ka la Kristo be basa a wora alelasheŋ na so.

1 Pita 4:16

Ama nɛ men luri tɔrɔ to ŋkpal men ka la bebɛsopo so, men sa maŋ shin nɛ k baa wora menyi anishinyɔr. Men baa di Ebɔrɛ epaŋ ŋkpal men ka bee ji mbe ketre so.

2 Pita 2:2

Basa damta beeŋ bɛ bumo be anishinyɔr be asheŋ so n shin nɛ basa e malga ŋ gbiti kashenteŋ be ekpa na.